243 سپورتشى ورتا ازيا ەلدەرىنىڭ بولمە ءىشى جەڭىل اتلەتيكا ۇسىنىس ەتۋ جارىسىنا قاتىناسادى

11 - ايدىڭ 10 - كۇنى 1 - كەزەكتى ”اتقىشتار ساۋىتى“ ورتا ازيا ەلدەرىنىڭ بولمە ءىشى جەڭىل اتلەتيكا ۇسىنىس ەتۋ جارىسىنىڭ سىناق جارىسى شينجياڭ ۇيعۇر اۆتونوميالى رايوندىق دەنە تاربيە مەكەمەسىنىڭ دەنە تاربيە جاتتىعۋ 1 - ۇلكەن اترەتىنىڭ جالپىلىق جاتتىعۋ سارايىندا ەڭ سوڭعى جابدىق سىناعىن جۇرگىزدى، سپورتشىلار دا الاڭعا ۇيلەسۋ جاتتىعۋىن وتكىزدى. جارىس 11 – ايدىڭ 11 – كۇنى جانە 12 – كۇنى ەكى كۇن ۋاقىتپەن وتكىزىلەدى.

ۇعىسۋعا قاراعاندا، وسى رەتكى جارىسقا قازاقستان، وزبەكستان، تاجىكستان، قىرعىزستاننان كەلگەن 40 سپورتشى، سونداي ـ اق جۇڭگونىڭ ەل ىشىندەگى 7 ۋاكىلدەر قۇراماسىنان 243 سپورتشى قاتىناسادى. سپورتشىلار ەكى كۇن، ءتورت بولەك، 26 كىشى ءتۇر بويىنشا قيان - كەسكى سايىسقا تۇسەدى.

شينجياڭ ۇيعۇر اۆتونوميالى رايوندىق دەنە تاربيە مەكەمەسى دەنە تاربيە جاتتىعۋ 1 ـ ۇلكەن اترەتى جاتتىعۋ ءبولىمىنىڭ باستىعى ياڭ ىندينان تانىستىرىپ، وسى رەتكى جارىس شينجياڭ ساڭىلاقتارىنىڭ 2025 ـ جىلعى 15 ـ كەزەكتى مەملەكەتتىك سپورت جارىسىنا بەلسەنە دايىندالىپ، شينجياڭنىڭ جەڭىل اتلەتيكا نىساندارىنىڭ باسەكەلىك دەڭگەيىن جوعارىلاتۋىنا ماڭىزدى تۇعىر ازىرلەدى دەگەندى ءبىلدىردى. ”الشەر ءومار، دينا نۇرلان جانە ابدۇعيني تۇرعۇن قاتارلى مەملەكەت ىشىندەگى ۇزدىك سپورتشىلارىمىز بۇل كەزەكتى جارىسقا قاتىناسادى“ دەدى ياڭ ىندينان.

بۇدان سىرت، جارىس كەزىندە ۇيىمداستىرۋشى جاق جاتتىعۋ لاگەرى قيمىلىن (10 – ايدىڭ 31 –كۇنىنەن 11 – ايدىڭ 9 – كۇنىنە دەيىن) بىرگە ۇيىمداستىردى، مۇنداعى ماقسات ورتا ازيا ەلدەرىمەن دەنە تاربيە اۋىس - كۇيىسىن، اسىرەسە، جەڭىل اتلەتيكا نىسانى سالاسىنداعى سەلبەستىكتى تەرەڭدەتۋ.

كەلۋ قاينارى: حالىق تورابى