شي جينپيڭ يتاليانىڭ زۇڭتۇڭى ماتتارەللامەن بىرگە جۇڭگو - يتاليا مادەنيەت سەلبەستىك مەحانيزمى جينالىسىنا جانە جۇڭگو - يتاليا داشۋە باستىقتارى كەڭەسىنە قاتىناسقان ۋاكىلدەرمەن كەزدەستى

11 - ايدىڭ 8 - كۇنى كەشتە مەملەكەت ءتوراعاسى شي جينپيڭ بەيجيڭدە يتاليانىڭ زۇڭتۇڭى ماتتارەللامەن بىرگە جۇڭگو - يتاليا مادەنيەت سەلبەستىك مەحانيزمى جينالىسىنا جانە جۇڭگو - يتاليا داشۋە باستىقتارى كەڭەسىنە قاتىناسقان ەكى جاقتىڭ ۋاكىلدەرىمەن كەزدەستى. سۋرەتتە: كەزدەسۋدەن بۇرىن ەكى ەلدىڭ مەملەكەت باسشىلارى ەكى جاقتىڭ ۋاكىلدەرىمەن بىرگە توپتىق ەستەلىك سۋرەتكە تۇسۋدە.

سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن

شينحۋا اگەنتتىگى، 11 - ايدىڭ 8 - كۇنى، بەيجيڭ (تىلشىلەر فىڭ شينران، دۇڭ شۋە). 11 - ايدىڭ 8 - كۇنى كەشتە مەملەكەت ءتوراعاسى شي جينپيڭ بەيجيڭدە يتاليانىڭ زۇڭتۇڭى ماتتارەللامەن بىرگە جۇڭگو - يتاليا مادەنيەت سەلبەستىك مەحانيزمى جينالىسىنا جانە جۇڭگو - يتاليا داشۋە باستىقتارى كەڭەسىنە قاتىناسقان ەكى جاقتىڭ ۋاكىلدەرىمەن كەزدەستى.

ەكى ەلدىڭ مەملەكەت باسشىلارى ەكى جاق ۋاكىلدەرىنىڭ جۇڭگو - يتاليا مادەنيەت جانە داشۋەلەر سەلبەستىگىنە قاتىستى جاعدايلار جونىندە بەرگەن مالىمەتىن تىڭدادى.

شي جينپيڭ بىلاي دەپ اتاپ كورسەتتى: جۇڭگو مەن يتاليانىڭ مىڭ جىلعا جالعاسقان دوستىق بارىس - كەلىس تاريحى ەكى ەلدىڭ توقتاۋسىز جالعاسقان گۋمانيتارلىق اۋىس - كۇيىسىن نارلەندىردى، بايىرعى جىبەك جولى شىعىس پەن باتىس اۋىس - كۇيىسىنىڭ بەتاشارىن اشتى، ماركو پولو باتىس دۇنيەسىنىڭ جۇڭگونى تانۋ تەرەزەسىن اشتى، ۇرپاقتان - ۇرپاققا جالعاسقان ەلشىلەر ەكى ەلدىڭ دوستىق تاراۋىن ۇزدىكسىز جازىپ، دۇنيە جۇزىندەگى تۇرلىشە وركەنيەتتەردىڭ تەڭ تۇرعىدا كەڭەسۋىنىڭ، بىرگە دامۋىنىڭ ۇلگىسىن ورناتتى. تاياۋ جىلداردان بەرى جۇڭگو - يتاليا مادەنيەت سەلبەستىك مەحانيزمى ەكى ەلدىڭ مادەنيەت جانە ساياحات جىلىن ءوزارا وتكىزۋىن ىلگەرىلەتىپ، بىرلەسكەن مەملەكەتتەر ۇيىمى وقۋ - اعارتۋ، عىلىم، مادەنيەت ۇيىمىنىڭ دۇنيە جۇزىلىك مادەني مۇرا ورىندارىنىڭ دوستاسۋ ۇلگىسىن تۇڭعىش رەت اشتى، ەكى ەلدىڭ جوعارى مەكتەپتەرى عىلىم جانە جاستار اۋىس - كۇيىسىن كەڭ كولەمدە ورىستەتىپ، جاڭادان گۇلدەنگەن پاندەردى بىرلەسىپ زەرتتەۋدى كەڭەيتىپ، سۇبەلى تابىستارعا قول جەتكىزدى.

شي جينپيڭ بىلاي دەپ باسا دارىپتەدى: بۇگىنگى تاڭدا دۇنيە ءجۇزى جاڭا اۋمالى - توكپەلى وزگەرىس كەزەڭىنە ءوتتى. جۇڭگو مەن يتاليا ەكى ءىرى وركەنيەتتى بايىرعى ەل رەتىندە، باتىل ىسكە كىرىسىپ، مادەنيەت ارقىلى تاربيەلەۋدى، ءمورال ارقىلى ءوزىن نارلەندىرۋدى بىرگە دارىپتەپ، ادامزاتتىڭ تاعدىرىنا اسقاق گۋمانيتارلىق سۇيىسپەنشىلىكپەن كوز جىبەرىپ، ءبارىن تۇگەل قامتيتىن نيەتپەن كىربەڭدىكتەن، قاقتىعىستان اۋلاق بولىپ، جاراسىمدى قاتار ءومىر سۇرەتىن تىلەكپەن دامۋدىڭ بىرىككەن كۇشىن ۇيىستىرىپ، وركەنيەت مايەگىنىڭ ادامزاتتىڭ العا باسۋ جولىن نۇرلاندىرۋىنا مۇمكىندىك جاساۋى كەرەك. ەكى جاقتىڭ بىرگە قۇلشىنىپ، اناعۇرلىم كوپ اڭعارلى ادامداردىڭ جۇڭگو - يتاليا دوستىق سەلبەستىگىن امالياتتا ايگىلەۋشىلەر، شىعىس، باتىس وركەنيەتتەرىنىڭ ءوزارا ۇلگى الۋىن ىلگەرىلەتۋشىلەر، ادامزاتتىڭ تاعدىرلاس ورتاق تۇلعاسىن قۇرۋعا ات سالىسۋشىلار بولۋىن جەبەپ، دۇنيە ءجۇزىنىڭ بەيبىتشىلىگى مەن دامۋىن ىلگەرىلەتۋگە جۇڭگو مەن يتاليانىڭ ۇلەسىن قوسۋىن ءۇمىت ەتەمىن.

ماتتارەللا يتاليا - جۇڭگو مادەنيەت سەلبەستىك مەحانيزمى مەن داشۋە باستىقتارى كەڭەسىنىڭ يتاليا، جۇڭگو ەكى ەل حالقىنىڭ ءوزارا ءتۇسىنىسۋىن، دوستىعىن جانە سەلبەستىگىن جەبەۋگە قوسقان ماڭىزدى ۇلەسىنە بەلسەندى باعا بەرىپ، مىنالاردى ءبىلدىردى: يتاليا مەن جۇڭگو ەكەۋى دە − وركەنيەتتى بايىرعى ەل، ەكەۋى دە شۇعىلالى مادەنيەتكە يە، ەكى ەل حالقى ءبىر - ءبىرىنىڭ ارتىقشىلىقتارىنا سۇيىنەدى، ءوزارا قۇرمەت ەتەدى، ماركو پولونىڭ جۇڭگومەن بارىس - كەلىس جاساعان تاماشا اڭگىمەسى − شىعىس، باتىس وركەنيەتتەرىنىڭ ءوزارا ۇيرەنۋىنىڭ، ءوزارا ۇلگى الۋىنىڭ ايعاعى. ەكى جاق تاجىريبەلەردى قورىتىندىلاپ، دوستىقتى جالعاستىرىپ، اناعۇرلىم كوپ گۋمانيتارلىق اۋىس - كۇيىس كوپىرىن ورناتىپ، ىنتىماقتى كۇشەيتىپ، قارسىلاسۋعا قارسى تۇرىپ، يتاليا مەن جۇڭگونىڭ جالپى بەتتىك ستراتەگيالىق سەرىكتەستىك قارىم - قاتىناسىنىڭ دامۋىنا بەرىك نەگىز جانە تىرەك ازىرلەۋى كەرەك.

كەزدەسۋدەن بۇرىن ەكى ەلدىڭ مەملەكەت باسشىلارى ەكى جاقتىڭ ۋاكىلدەرىمەن توپتىق ەستەلىك سۋرەتكە ءتۇستى.

ۋاڭ ي جوعارىداعى قيمىلدارعا قاتىناستى.

كەلۋ قاينارى: حالىق تورابى