شي جينپيڭ ماروككونىڭ پاتشا مۇراگەرى حاسانمەن كەزدەستى

سول جەر ۋاقىتى 11 - ايدىڭ 21 - كۇنى كەشتە مەملەكەت ءتوراعاسى شي جينپيڭ برازيلياداعى مەملەكەتتىك ساپارىن اياقتاتىپ، ارناۋلى ۇشاقپەن ەلگە قايتار جولىندا كاسابلانكادا تەحنيكالىق تۇرعىدا ايالدادى.

ماروككونىڭ پاتشاسى مۇحاممەد VI نىڭ جىبەرۋىمەن ماروككونىڭ پاتشا مۇراگەرى حاسان، باس ءۋازىرى احەننوۋش ارنايى اۋەجايعا بارىپ شي جينپيڭدى قارسى الدى ءارى اۋەجايدا قارسى الۋ سالتىن وتكىزدى. سۋرەتتە: شي جينپيڭ پاتشا مۇراگەرى حاسانمەن ىقىلاسپەن اڭگىمەلەسۋدە.

سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

«حالىق گازەتى»، 11 - ايدىڭ 21 - كۇنى، ماروككو كاسابلانكا (تىلشىلەر حوۋ لۋلۋ، چى بين). سول جەر ۋاقىتى 11 - ايدىڭ 21 - كۇنى كەشتە مەملەكەت ءتوراعاسى شي جينپيڭ برازيلياداعى مەملەكەتتىك ساپارىن اياقتاتىپ ەلگە قايتار جولىندا كاسابلانكادا تەحنيكالىق تۇرعىدا ايالدادى.

ماروككونىڭ پاتشاسى مۇحاممەد VI نىڭ جىبەرۋىمەن ماروككونىڭ پاتشا مۇراگەرى حاسان، باس ءۋازىرى احەننوۋش ارنايى اۋەجايعا بارىپ شي جينپيڭدى قارسى الدى ءارى اۋەجايدا قارسى الۋ سالتىن وتكىزدى.

شي جينپيڭ پاتشا مۇراگەرى حاسانمەن ىقىلاسپەن اڭگىمەلەستى.

شي جينپيڭ پاتشا مۇراگەرى حاسانعا مۇحاممەد VI پاتشاعا ىقىلاستى سالەمى مەن ىزگى تىلەگىن جەتكىزۋدى تاپسىردى. شي جينپيڭ بىلاي دەپ اتاپ كورسەتتى: جۇڭگو مەن ماروككو ەكى ەلدىڭ قارىم - قاتىناسى تاماشا دامىعان، ەكى جاقتىڭ ناقتى سەلبەستىگى ناتيجەلى بولدى، ءار سالاداعى بارىس - كەلىسى كۇن سايىن جاندانا ءتۇستى. 2016 - جىلى پاتشا مۇحاممەد VI جۇڭگودا مەملەكەتتىك ساپاردا بولدى، مەن ونىمەن ناتيجەلى كەڭەس وتكىزىپ، جۇڭگو - ماروككو قارىم - قاتىناسىنىڭ تىڭ ساتىعا كوتەرىلۋىن ىلگەرىلەتتىم. جۇڭگو جاق ماروككونىڭ مەملەكەتتىڭ حاۋىپسىزدىگى مەن ورنىقتىلىعىن قورعاۋىن قولدايدى، ماروككومەن ءبىر - ءبىرىنىڭ وزەكتى مۇددەسىنە ساياتىن ماسەلەلەردە ۇزدىكسىز ءبىرىن - ءبىرى باتىل قولداۋدى قالايدى. جۇڭگو جاق ماروككو جاقپەن جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ءماجىلىسى مەن جۇڭگو - اراب ەلدەرى سەلبەستىك تالقى مىنبەرىنىڭ 10 - كەزەكتى مينيستر دارەجەلىلەر ءماجىلىسىنىڭ تابىستارىن ويداعىداي تياناقتاندىرىپ، ”ءبىر بەلدەۋ، ءبىر جولدى“ بىرگە قۇرۋ اياسىنداعى ءار سالاداعى ناقتى سەلبەستىكتە اناعۇرلىم كوپ تابىستارعا قول جەتكىزۋدى ىلگەرىلەتۋدى قالايدى. ەكى جاق گۋمانيتارلىق اۋىس - كۇيىستى كەڭەيتىپ، ەكى ەل دوستىعىنىڭ حالىق رايى نەگىزىن بەكەمدەپ، جۇڭگو مەن ماروككونىڭ ستراتەگيالىق سەرىكتەستىك قارىم - قاتىناسىنىڭ اناعۇرلىم زور دامۋىن ىلگەرىلەتۋى كەرەك.

حاسان پاتشا مۇحاممەد VI نىڭ ءتوراعا شي جينپيڭگە جولداعان ىقىلاستى سالەمى مەن قىزۋ قارسى الاتىندىعىن جەتكىزىپ، مىنالاردى ءبىلدىردى: ماروككو مەن جۇڭگونىڭ قارىم - قاتىناسى تاماشا دامۋ بەتالىسىن ساقتاپ وتىر، جۇڭگونىڭ جاڭا تيپتى ايدارشا ۆيرۋس وكپەن قابىنۋ ىندەتى كەزىندە ماروككو جاققا قاستەرلى قولداۋ كورسەتكەندىگىنە العىس ايتامىن، ماروككو حالقى مۇنى ماڭگى ۇمىتپايدى. ماروككو پاتشا اۋلەتى مەن ۇكىمەتى ماروككو - جۇڭگو قارىم - قاتىناسىن ونان ارى دامىتۋعا باتىل كۇش سالادى، جۇڭگومەن جوعارى جىكتەگىلەردىڭ بارىس - كەلىسىن ساقتاپ، ءار سالاداعى سەلبەستىكتى كۇشەيتۋدى قالايدى. حانزۋ ءتىلى مەن جۇڭگو مادەنيەتى ماروككو حالقىنىڭ قىزۋ قارسى الۋىنا يە بولدى، ەكى ەلدىڭ گۋمانيتارلىق اۋىس - كۇيىسىن كۇشەيتۋدى ءۇمىت ەتەمىن. ماروككو مەن جۇڭگونىڭ كوپتەگەن ماسەلەدەگى تۇرعىسى قارايلاس، ماروككو جاق جۇڭگو جاقپەن بىرگە ءبىر - ءبىرىنىڭ مەملەكەتتىڭ يەلىك ۇقىعى مەن حاۋىپسىزدىگىن، ورنىقتىلىعىن قورعاۋىن باتىل قولداۋدى قالايدى.

ساي چي، ۋاڭ ي قاتارلىلار كەزدەسۋگە قاتىناستى.

كەلۋ قاينارى: حالىق تورابى