از ۇلتتاردىڭ مەملەكەتتىك 12 - كەزەكتى ءداستۇرلى سپورت جارىسى باستالدى

«حالىق گازەتى»، 11 - ايدىڭ 22 - كۇنى، سانيا (تىلشىلەر سۇن لۇڭفەي، ليۋ بوتۇڭ، دۇڭ زى - ياڭ). از ۇلتتاردىڭ مەملەكەتتىك 12 - كەزەكتى ءداستۇرلى سپورت جارىسى 11 - ايدىڭ 22 - كۇنى حاينان سانيادا سالتاناتپەن باستالدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ اشىلۋ سالتىنا قاتىناستى.

نانحاي تەڭىزىنىڭ جاعاسىندا سالتاناتتى جينالىس وتكىزىلەدى. سانيا قالالىق دەنە تاربيە ورتالىعىندا 56 ۇلت ءبىر اراعا باس قوسىپ، جۇڭحۋا ۇلتىنىڭ ءبىر ءۇيلى جانداي ەتەنە بولىپ، جۇڭگو ارمانىن ءبىر نيەت، ءبىر تىلەكپەن بىرگە سومداۋىنىڭ تاماشا سيمفونياسىن بىرگە ورىندادى. ساعات 20 دا اشىلۋ سالتى رەسمي باستالدى، ۋاكىلدەر ۇيىرمەلەرى مەن الاڭداعى 35 مىڭ كورەرمەن مەملەكەت تۋى مەن قۇرمەت قاراۋىلىن قارسى الدى، از ۇلتتاردىڭ مەملەكەتتىك ءداستۇرلى سپورت جارىسىنىڭ تۋى مەن از ۇلتتاردىڭ مەملەكەتتىك 12 - كەزەكتى ءداستۇرلى سپورت جارىسىنىڭ تۋى ىركەس - تىركەس الاڭعا كىردى. وسىدان كەيىن بۇكىل ەلدەگى 31 ولكەنىڭ (اۆتونوميالى رايون، توتە قاراستى قالا)، شينجياڭ ءوندىرىس - قۇرىلىس بيڭتۋانىنىڭ، شياڭگاڭ، اۋمىننىڭ ۋاكىلدەر ۇيىرمەلەرى جانە تايۋان از ۇلت ۋاكىلدەر ۇيىرمەسى جينالىس الاڭىنا كىردى. ۋاكىلدەر ۇيىرمەلەرى 30 سەكۋند ايالداپ ويىن قويىپ، جۇڭحۋا ۇلتى ۇلى شاڭىراعىنداعى ءار ۇلت پەرزەنتتەرىنىڭ قول ۇستاسا ەكپىندەي ىلگەرىلەگەن اسقاق بەينەسىن ايگىلەدى.

الاڭعا كىرۋ سالتى اياقتاعان سوڭ بۇكىل الاڭداعىلار ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى، بەس جۇلدىزدى قىزىل تۋ باياۋ كوتەرىلىپ، جەلبىرەپ تۇردى.

ساعات 21 دە ۋاڭ حۋنيڭ جۇڭحۋا حالىق رەسپۋبليكاسىنىڭ 12 - كەزەكتى از ۇلتتار ءداستۇرلى سپورت جارىسىنىڭ باستالعانىن جاريالادى. سول ساتتە شاپالاق ءۇنى، شاتتىق ءۇنى تۇنگى اسپاندى جاڭعىرتتى، سانيا قالالىق دەنە تاربيە ورتالىعى شاتتىق تەڭىزىنە شومدى.

وسىدان كەيىن ”جۇڭحۋا ۇلتى ۇلى شاڭىراعى، ءبىر نيەت، ءبىر تىلەكپەن ارماندى جۇزەگە اسىرۋدىڭ جاڭا جورىعى“ تاقىرىبىنداعى مادەنيەت، دەنە تاربيە كونسەرتى باستالدى. كونسەرت ”كۇللى جاھان تامىرلاس“، ”جۇڭحۋا ءبىر تۇلعالاسى“، ”ءبىر نيەتپەن ىنتىماقتاسۋ“ سىندى 3 بولىمگە ءبولىنىپ، جۇڭحۋا مادەنيەتىنىڭ ۇزاق تاريحىىن، ايشىقتى شۇعىلاسىن ايگىلەپ، ءار ۇلت ۇلاندارىنىڭ بەينەت پەن زەينەتتى بىرگە وتكەرۋ، داڭقتا دا، نامىستا دا بىرگە بولۋ، تاعدىرلاس ورتاق تۇلعا ۇستانىمىن بەرىك ورناتىپ، ىنتىماقتاسا كۇرەس جۇرگىزىپ، جاڭا جورىققا جەلكەن جايىپ، جۇڭگو ارمانىن بىرگە جۇزەگە اسىرعاندىعىن ايگىلەدى. كونسەرت «وتاندى جىرلايمىز» انىمەن اياقتادى، ءار ۇلت حالقى ۇلى وتاننىڭ گۇلدەنىپ - كوركەيۋىن بىرگە تىلەدى.

اشىلۋ سالتىنان بۇرىن ۋاڭ حۋنيڭ سپورت جارىسىن ۇيىمداستىرۋ كوميسسياسىنىڭ بارشا مۇشەلەرىمەن، ۋاكىلدەر ۇيىرمەلەرىنىڭ ۋاكىلدەرىمەن جانە سپورتشىلاردىڭ ۋاكىلدەرىمەن كەزدەسىپ، جۇڭگو از ۇلتتاردىڭ ءداستۇرلى دەنە تاربيە مادەنيەت كورمەسىن، حايناننىڭ رەفورما جاساپ، ەسىك اشۋدى جاپپاي تەرەڭدەتۋ جانە جۇڭگوشا ەركىن ساۋدا پورتى قۇرىلىسى جەتىستىكتەرى كورمەسىن ەكسكۋرسيالادى. ول مىنالاردى ءبىلدىردى: شي جينپيڭ جولداستى ۇيىتقى ەتكەن پارتيا ورتالىق كوميتەتى از ۇلتتاردىڭ ءداستۇرلى دەنە تاربيەسىن دامىتۋعا ايرىقشا ءمان بەرىپ، از ۇلتتاردىڭ مەملەكەتتىك 12 - كەزەكتى ءداستۇرلى دەنە تاربيە جينالىسىن وتكىزۋ جونىندە ورنالاستىرۋ جاسادى. باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، ىنتىماقتاسا العا باسۋعا تاباندى بولىپ، جۇڭحۋا ۇلتى ورتاق تۇلعا تانىمىن بەرىك ورناتۋدىڭ امالياتتا ايگىلەۋشىسى بولىپ، سپورت جارىسىن ۇلتتاردىڭ ۇلى بىرلەسكەن ساۋىعى، جۇڭحۋا ۇلتى بەرەكەلى شاڭىراعىنىڭ سالتاناتتى جينالىس ەتىپ وتكىزۋ؛ دۇرىس جولدان تايماي، جاڭالىق اشۋعا تاباندى بولىپ، جۇڭحۋانىڭ تاڭداۋلى ءداستۇرلى مادەنيەتىن ويداعىداي ساۋلەلەندىرۋشى بولىپ، سپورت جارىسىن جۇڭحۋا مادەنيەتىن، جۇڭحۋا وركەنيەتىن جان - جاقتى ايگىلەيتىن سالتاناتتى جينالىس ەتىپ وتكىزۋ؛ زەيىن - زەردەنى، كۇش - قۋاتتى شوعىرلاندىرۋعا تاباندى بولىپ، جۇڭگو ۇلگىسىندەگى وسىزامانداندىرۋدىڭ قۇرىلىسشىلارى بولىپ، سپورت جارىسىن سەنىمدى سەرپىلتەتىن، جۇرت تىلەگىن ۇيىستىراتىن، جۇرت كوڭىلىن جەلپىندىرەتىن سالتاناتتى جينالىس ەتىپ وتكىزىپ، ءار ۇلت بۇقاراسىن مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ جولىندا بىرگە كۇرەس جۇرگىزۋگە شابىتتاندىرۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت بىرلىكساپ ءبولىمىنىڭ باستىعى شى تايفىڭ اشىلۋ سالتىنا قاتىناستى. ورتالىق كوميتەت بىرلىكساپ ءبولىمى باستىعىنىڭ ورىنباسارى، مەملەكەتتىك ۇلت ىستەرى كوميتەتىنىڭ مەڭگەرۋشىسى پان يۋە اشىلۋ ءسوزىن سويلەدى، حاينان ولكەلىك پارتكومنىڭ شۋجيى فىڭ فەي قارسى الۋ ءسوزىن سويلەدى، مەملەكەتتىك دەنە تاربيە باس مەكەمەسىنىڭ باستىعى گاۋ جىدان اشىلۋ سالتىن باسقاردى.

وسى كەزەكتى سپورت جارىسى 9 كۇنگە جالعاسادى، 6960 ءار ۇلت سپورتشىسى 18 باسەكەلىك جارىس ءتۇرى مەن 170 ويىن كورسەتۋ ءتۇرى بويىنشا جارىسقا قاتىناسادى. سپورت جارىسى كەزىندە كولەمدى ۇلتتىق بىرلەسكەن ساۋىق سياقتى مادەنيەت قيمىلدارى وتكىزىلەدى.

كەلۋ قاينارى: حالىق تورابى