«شي جينپيڭنىڭ جۇڭگو ۇلگىسىندەگى وسىزامانداندىرۋ جونىندەگى بايىمداۋلارىنان ۇزىندىلەردىڭ» اراب تىلىندەگى نۇسقاسى باسپادان شىعىپ تاراتىلدى

شينحۋا اگەنتتىگى، 11 - ايدىڭ 25 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحى جانە قۇجات زەرتتەۋ ورنى اۋدارعان «شي جينپيڭنىڭ جۇڭگو ۇلگىسىندەگى وسىزامانداندىرۋ جونىندەگى بايىمداۋلارىنان ۇزىندىلەر» اتتى كىتاپتىڭ اراب تىلىندەگى نۇسقاسى تاياۋدا ورتالىق قۇراستىرۋ - اۋدارۋ باسپاسىنان باسىلىپ شىعىپ، ەل ءىشى - سىرتىنا تاراتىلدى.

«شي جينپيڭنىڭ جۇڭگو ۇلگىسىندەگى وسىزامانداندىرۋ جونىندەگى بايىمداۋلارىنان ۇزىندىلەردى» جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحى مەن قۇجات زەرتتەۋ ورنى رەداكسيالاپ، شي جينپيڭ جولداستىڭ جۇڭگو ۇلگىسىندەگى وسىزامانداندىرۋ توڭىرەگىندە جاريالاعان ءبىر قىدىرۋ ماڭىزدى بايىمداۋلارى ەنگىزىلدى. بۇل كىتاپتىڭ اراب تىلىندەگى نۇسقاسى مەن وسىدان بۇرىن باسپادان شىققان اعىلشىن، فرانسۋز، ورىس تىلدەرىندەگى نۇسقالارى شەتەلدىك وقىرمانداردىڭ جۇڭگو ۇلگىسىندەگى وسىزامانداندىرۋدىڭ نازاريالىق جۇيەسى مەن امالياتتىق تالابىن تەرەڭ ءتۇسىنۋى، جۇڭگو كوممۋنيستىك پارتياسىنىڭ جۇڭگو حالقىن ىنتىماقتاستىرىپ جانە باستاپ جۇڭگو ۇلگىسىندەگى وسىزامانداندىرۋدىڭ جاڭا جولىن اشىپ، ادامزات وركەنيەتىنىڭ جاڭا فورماتسياسىن جاراتىپ، وسىزامانداندىرۋدىڭ جاڭا كارتيناسىن كورسەتكەندىگىن ىشكەرىلەي ۇعىنۋى، حالىقارالىق قوعامنىڭ وسىزاماندانۋ جولىمەن قول ۇستاسا العا باسۋىن كۇشەيتىپ، بەيبىت دامۋ، ءوزارا پايدا جەتكىزىپ سەلبەستىك جاساۋ، بىرگە گۇلدەنىپ ـ كوركەيۋ سىندى دۇنيە ءجۇزىنىڭ وسىزاماندانۋىن جۇزەگە اسىرۋ جونىندەگى ورتاق تانىمدى كۇشەيتۋى جونىنەن كەلەلى ماڭىز الادى.

كەلۋ قاينارى: حالىق تورابى