ديڭ شۋەشياڭ ليۋكسەمبۋرگ باس ءۋازىرىنىڭ ورىنباسارى بەتتەلمەن كەزدەستى

شينحۋا اگەنتتىگى، 11 - ايدىڭ 25 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ 11 - ايدىڭ 25 - كۇنى بەيجيڭدە ليۋكسەمبۋرگ باس ءۋازىرىنىڭ ورىنباسارى بەتتەلمەن كەزدەستى.

ديڭ شۋەشياڭ مىنالاردى ءبىلدىردى: جۇڭگو مەن ليۋكسەمبۋرگ − ۇلكەندى - كىشىلى ەلدەردىڭ تاتۋ - ءتاتتى ءوتۋىنىڭ، سەلبەسىپ تەڭ يگىلىككە كەنەلۋىنىڭ ۇلگىسى. ءتوراعا شي جينپيڭ مەن ليۋكسەمبۋرگ باسشىلارىنىڭ ستراتەگيالىق جەتەكشىلىگىندە، ەكى جاقتىڭ قارى - قاتىناسى تاماشا دامۋ جاعدايىن ساقتاپ، ءار سالاداعى سەلبەستىكتە سۇبەلى تابىستارعا قول جەتكىزدى. جۇڭگو جاق ليۋكسەمبۋرگ جاقپەن بىرگە ۇزدىكسىز ءوزارا قولداۋ كورسەتەتىن جاقسى دوس، دامۋدى بىرگە جوسپارلايتىن جاقسى سەرىك بولىپ، ”اۋەدەگى جىبەك جولى“، كاسىپ سالاسى تىزبەگى، قامداۋ تىزبەگى، عىلىم - تەحنيكادا جاڭالىق اشۋ، جاسىل تيپكە بۇرىلىس جاساۋ سياقتى سالالارداعى سەلبەستىكتى ۇزدىكسىز تەرەڭدەتىپ، قورعانىمپازدىققا بىرگە قارسى تۇرىپ، جۇڭگو مەن ليۋكسەمبۋرگتىڭ، جۇڭگو مەن ەۆروپانىڭ ەسىك اشۋ بارىسىندا وراي مەن مۇددەدەن بىرگە يگىلىكتەنۋىن ىلگەرىلەتىپ، بىرگە دامۋدى جۇزەگە اسىرۋدى قالايدى.

بەتتەل مىنانى ءبىلدىردى: ليۋكسەمبۋرگ جاق جۇڭگو جاقپەن سەلبەستىكتىڭ جاڭا جاعدايىن ۇزدىكسىز كەڭەيتۋگە كۇش سالادى، فينانس، زات اينالىمى، جاڭا ەنەرگيا سياقتى سالالارداعى سەلبەستىكتى كۇشەيتەدى، ەۆروپا مەن جۇڭگونىڭ سەلبەستىگىن ىلگەرىلەتۋدە بەلسەندى رول اتقارۋدى قالايدى.

كەلۋ قاينارى: حالىق تورابى