شي جينپيڭ سينگاپۋردىڭ مەملەكەت ىستەرى اقىلشىسى لي شيانلۇڭمەن كەزدەستى

11 - ايدىڭ 26 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى دياۋيۇيتاي مەملەكەتتىك قوناق ۇيىندە سينگاپۋردىڭ مەملەكەت ىستەرى اقىلشىسى لي شيانلۇڭمەن كەزدەستى.

سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

شينحۋا اگەنتتىگى، 11 - ايدىڭ 26 – كۇنى، بەيجيڭ (تىلشىلەر ساۋ جيايۋە، فىڭ شينران). 11 - ايدىڭ 26 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى دياۋيۇيتاي مەملەكەتتىك قوناق ۇيىندە سينگاپۋردىڭ مەملەكەت ىستەرى اقىلشىسى لي شيانلۇڭمەن كەزدەستى.

شي جينپيڭ لي شيانلۇڭنىڭ سينگاپۋردىڭ زۇڭليى بولىپ تۇرعان كەزىندە سينگاپۋردى باستاپ تابىسقا جەتكەنىنە ءارى جۇڭگو مەن سينگاپۋردىڭ سەلبەستىگىنە ۇزاق ۋاقىت كوڭىل ءبولىپ، قولداۋ كورسەتكەندىگىنە بەلسەندى باعا بەردى. شي جينپيڭ بىلاي دەپ اتاپ كورسەتتى: بىلتىر ءبىز جۇڭگو مەن سينگاپۋردىڭ جان - جاقتى، جوعارى ساپالى كورەگەندىك، سەرىكتەستىك قارىم - قاتىناسىن بىرگە تۇراقتاندىرىپ، ەكى ەل قارىم - قاتىناسىنىڭ دامۋىنا ستراتەگيالىق باعدار ايقىندادىق. كەلەر جىل − جۇڭگو مەن سينگاپۋردىڭ ديپلوماتيالىق قارىم - قاتىناس ورناتقاندىعىنىڭ 35 جىلدىعى، ەكى جاق جوعارى جىكتەگىلەردىڭ بارىس - كەلىسىن جيىلەتىپ، دامۋ ستراتەگياسىن ۇشتاستىرۋدى ونان ارى كۇشەيتىپ، ءار سالاداعى سەلبەستىكتى تەرەڭدەتىپ، ەكى ەل حالىقتارىنا ءتىپتى دە كوپ باقىت جاراتىپ، ءوڭىردىڭ بەيبىتشىلىگى مەن گۇلدەنۋىنە ءتىپتى دە زور ۇلەس قوسۋى كەرەك.

شي جينپيڭ بىلاي دەپ اتاپ كورسەتتى: بيىل − سۋجوۋ ونەركاسىپ باقشا رايونىن اشۋ قۇرىلىسىنىڭ 30 جىلدىعى. 30 جىلدا سۋجوۋ ونەركاسىپ باقشا رايونى ”كولشىك ويپاڭىنان“ ”جاڭالىق اشۋ قالاسىنا“ اينالىپ، ەكى ەل سەلبەستىگىنىڭ جاندى ۇلگىسىن ورناتتى ءارى سينگاپۋردىڭ جۇڭگونىڭ رەفورما جاساپ، ەسىك اشۋىنا ىشكەرىلەي ات سالىسقاندىعىنىڭ ايعاعى بولدى. جۇڭگو ءوزىنىڭ مەملەكەت جاعدايىنا ۇيلەسەتىن جۇڭگوشا سوتسياليزم جولىمەن جۇرۋگە تاباندى بولىپ، رەفورمانى ونان ارى جاپپاي تەرەڭدەتۋدىڭ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جاڭا ساپارىن باستادى. جۇڭگو زەيىن - زەردەنى شوعىرلاندىرا وتىرىپ ءوز ىستەرىن ويداعىداي ىستەۋگە باستان - اياق تاباندى بولادى، ەكونوميكانىڭ ۇزاق ۋاقىت جاقسارۋىن ساقتاپ، جوعارى ساپالى دامۋدى جۇزەگە اسىرۋعا سەنىمى بار. سينگاپۋر جاقتىڭ جۇڭگومەن سەلبەستىك جاساۋدا ۇزدىكسىز باستاماشى بولىپ، جۇڭگو مەن سينگاپۋردىڭ ەكى جاقتى سەلبەستىك مەحانيزمى ءماجىلىس تۇعىرىنان ويداعىداي پايدالانىپ، كەلەلى سەلبەستىك نىساندارىن جوعارى دەڭگەيدە ويداعىداي ىسكە قوسىپ، سيفرلانعان، جاسىل دامۋ ورايىن يگەرىپ، جاڭا داۋىردەگى جۇڭگو مەن سينگاپۋر سەلبەستىگىنىڭ تىڭ داستانىن ۇزدىكسىز جازۋىن قارسى الامىز.

شي جينپيڭ بىلاي دەپ اتاپ كورسەتتى: بۇگىنگى دۇنيە ءجۇزى 100 جىلدا بولماعان زور وزگەرىستەردى باستان كەشىرۋدە. حاۋىپ - قاتەر مەن سىن - سايىس الدىندا، ءارقانداي ەلدىڭ وزىمەن عانا بولۋى مۇمكىن ەمەس، ىنتىماقتاسۋعا، سەلبەسۋگە، اشىق، سيىسىمدى بولۋعا تاباندى بولۋ عانا − ادامدار اراسىنداعى دۇرىس جول. جۇڭگو جاق سينگاپۋر جاقپەن بىرگە ناعىز كوپ جاقتىلىقتى امالياتتا ايگىلەپ، ەكونوميكانىڭ جاھاندانۋ اعىمىنا سايكەسىپ، حالىقارالىق ادىلدىك پەن ادىلەتتىلىكتى قورعاپ، توپتاردىڭ قاراما - قارسىلىعىن، بولشەكتەنىپ، قارسىلاسۋىن تەجەپ، ازيانىڭ تاعدىرلاس ورتاق تۇلعاسىن قۇرۋدى قالايدى.

لي شيانلۇڭ مىنالاردى ءبىلدىردى: بىلتىر 3 - ايدا مەن جۇڭگودا ءساتتى ساپاردا بولىپ، ءتوراعا شي جينپيڭمەن بىرگە سينگاپۋر - جۇڭگو قارىم - قاتىناسىنىڭ ورنىن جان - جاقتى، جوعارى ساپالى كورەگەندىك، سەرىكتەستىك قارىم - قاتىناس دەڭگەيىنە كوتەرۋدى جاريالادىق. ەكى ەل قارىم - قاتىناسى ونان ارى كۇشەيىپ، ەكى جاقتى سەلبەستىك مەحانيزمى ءماجىلىسى ءساتتى اشىلىپ، كوپتەگەن ناقتى تابىستارعا قول جەتتى. سۋجوۋ ونەركاسىپ باقشا رايونى اشۋ قۇرىلىسى جۇرگىزىلگەن 30 جىلدان بەرى وسىزاماندانعان قالاشىققا اينالىپ، سينگاپۋر مەن جۇڭگونىڭ جوعارى ساپالى سەلبەستىگىنىڭ تابىستى امالياتىنا جانە التىن ماركاسىنا اينالدى، سونىمەن بىرگە، دۇنيە جۇزىنە جۇڭگونىڭ ۇزدىكسىز رەفورما جاساپ، ەسىك اشۋ بەينەسىن ايگىلەدى. جۇڭگو وسىزاماندانۋدىڭ تابىستى دامۋ جولىن تاپتى، سينگاپۋر جاق جۇڭگونىڭ بولاشاعىنا كامىل سەنەدى، جۇڭگونىڭ دامۋدى، گۇلدەنۋدى ساقتاپ، دۇنيە ءجۇزىنىڭ بەيبىتشىلىگى مەن دامۋىنا اناعۇرلىم زور ۇلەس قوساتىندىعىنا سەنەدى. سينگاپۋر جاق جۇڭگومەن سەلبەستىكتى تەرەڭدەتۋگە ۇزدىكسىز كۇش سالىپ، جۇڭگو ۇلگىسىندەگى وسىزامانداندىرۋ اياق الىسىنا بەلسەنە ات سالىسادى. قازىرگى كۇردەلى حالىقارالىق جاعدايدا، ءار ەل ۇزاق بولاشاقتىق كوز ايادان جازباي، كوپ جاقتىلىققا تاباندى بولىپ، ىنتىماقتاسا سەلبەسۋگە كۇش سالىپ، حاۋىپ - قاتەر مەن سىن - سايىسقا بىرگە توتەپ بەرىپ، حالىقتى اناعۇرلىم ويداعىداي باقىتقا كەنەلتۋى كەرەك.

ەكى جاق جانە جۇڭگو – ا ق ش قارىم - قاتىناسى، وڭىرلىك اۋقىم سياقتى بىرگە كوڭىل ءبولىپ وتىرعان ماڭىزدى ماسەلەلەر جونىنەن پىكىر الماستىردى.

ۋاڭ ي كەزدەسۋدە بىرگە بولدى.

كەلۋ قاينارى: حالىق تورابى