حان جىڭ 2 - كەزەكتى جۇڭگو حالىقارالىق قامداۋ تىزبەگىن جەبەۋ كورمەسىنىڭ اشىلۋ سالتىنا قاتىناستى ءارى ارناۋ ءسوز سويلەدى

شينحۋا اگەنتتىگى، 11 - ايدىڭ 26 - كۇنى، بەيجيڭ (تىلشىلەر شۇي كى، پان جيە). 11 - ايدىڭ 26 - كۇنى مەملەكەت ءتوراعاسىنىڭ ورىنباسارى حان جىڭ بەيجيڭدە 2 - كەزەكتى جۇڭگو حالىقارالىق قامداۋ تىزبەگىن جەبەۋ كورمەسىنىڭ اشىلۋ سالتىنا قاتىناستى ءارى ارناۋ ءسوز سويلەدى.

حان جىڭ مىنالاردى ءبىلدىردى: ءتوراعا شي جينپيڭ بىلاي دەپ اتاپ كورسەتتى: دۇنيە جۇزىلىك كاسىپ تىزبەگى مەن قامداۋ تىزبەگىنىڭ سەرپىمدىلىگى مەن ورنىقتىلىعىن قورعاۋ − دۇنيە ءجۇزى ەكونوميكاسىنىڭ دامۋىن ىلگەرىلەتۋدىڭ ماڭىزدى كەپىلى. ۇزاق ۋاقىتتان بەرى جۇڭگو ءارى دۇنيە جۇزىلىك كاسىپ تىزبەگى مەن قامداۋ تىزبەگى سەلبەستىگىنىڭ ات سالىسۋشىسى، يگىلىگىن كورۋشىسى، ءارى تاباندى قورعاۋشىسى، قۇرۋشىسى بولىپ، دۇنيە ءجۇزى ەكونوميكاسىنىڭ دامۋىنا بەلسەندى ۇلەس قوستى. جۇڭگو كاسىپ سالاسى جۇيەسىن ۇزدىكسىز كەمەلدەندىرىپ، دۇنيە جۇزىلىك كاسىپ سالاسى تىزبەگى مەن قامداۋ تىزبەگىنىڭ اينالىمىن پارمەندى كەپىلمەن قامدايدى؛ اشىق سەلبەسۋگە تاباندى بولىپ، دۇنيە جۇزىلىك كاسىپ سالاسى تىزبەگى مەن قامداۋ تىزبەگىنىڭ اينالىمىنا سارقىلماس قوزعاۋشى كۇشىن قوسادى؛ ەرەكشە كەڭ كولەمدى بازاردى تياناق ەتىپ، دۇنيە جۇزىلىك كاسىپ تىزبەگى مەن قامداۋ تىزبەگىنىڭ اينالىمىنا كەڭ ءورىس اشادى. جۇڭگو جاق ءار ەلمەن بىرگە اشىق دۇنيە جۇزىلىك ەكونوميكالىق جۇيە قۇرۋدى ىلگەرىلەتىپ، دۇنيە جۇزىلىك كاسىپ تىزبەگى مەن قامداۋ تىزبەگىنىڭ ورنىقتى، ىركىلىسسىز بولۋىن قورعاۋدى قالايدى.

حان جىڭ ءۇش ءتۇرلى باستامانى ورتاعا قويدى. ءبىرىنشى، جۇمىس ءبولىسى سەلبەستىگىن تەرەڭدەتىپ، دۇنيە جۇزىلىك كاسىپ سالاسى تىزبەگى مەن قامداۋ تىزبەگىنىڭ ءوزارا پايدا جەتكىزىپ، تەڭ يگىلىككە كەنەلۋىن ىلگەرىلەتۋ كەرەك. جۇڭگو ەكونوميكانىڭ جاھاندانۋىنىڭ دۇرىس بەتالىسىنا تاباندى بولىپ، ءار ەلمەن كاسىپ سالاسى، ءوندىرىس قۋاتى سەلبەستىگىن ىلگەرىلەتىپ، كاسىپ سالاسىنىڭ ءبىرىن - ءبىرى جەبەۋىن، مۇددەدەن بىرگە يگىلىكتەنۋىن، دامۋدا تەڭ يگىلىككە كەنەلۋىن اناعۇرلىم ويداعىداي جۇزەگە اسىرادى. ەكىنشى، جاڭالىق اشۋ ارقىلى جەتەكشىلىك ەتۋدى كورنەكتىلەندىرىپ، دۇنيە جۇزىلىك كاسىپ تىزبەگىنىڭ، قامداۋ تىزبەگىنىڭ ساپالىلانۋىن، دارەجەسىن جوعارىلاتۋدى ىلگەرىلەتۋ كەرەك. جۇڭگو جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، جاڭاشا وندىرگىش كۇشتەردى جەدەل دامىتىپ، كاسىپ سالاسى تىزبەگى مەن قامداۋ تىزبەگىنىڭ ىشكەرىلەي توعىسۋىن جەبەۋگە اناعۇرلىم زور سەلبەستىك كەڭىستىگىن جاراتادى. ءۇشىنشى، باياندى دامۋدى جۇزەگە اسىرىپ، دۇنيە جۇزىلىك كاسىپ تىزبەگى مەن قامداۋ تىزبەگىنىڭ جاسىل تيپكە بۇرىلىس جاساۋىن ىلگەرىلەتۋ كەرەك. جۇڭگو ءار ەلمەن جاسىل كاسىپ سالاسى، تازا ەنەرگيا سياقتى سالالارداعى سەلبەستىكتى كەڭەيتىپ، دۇنيە ءجۇزىنىڭ جاسىل دامۋىنا دەم بەرۋدى قالايدى.

وسىدان كەيىن حان جىڭ 2 - كەزەكتى جۇڭگو حالىقارالىق قامداۋ تىزبەگىن جەبەۋ كورمەسىنىڭ اشىلعاندىعىن جاريالادى.

وسى كەزەكتى تىزبەك كورمەسى ”دۇنيە ءجۇزىن تۇتاستىرىپ، بولاشاقتى بىرگە جاراتۋدى“ نەگىزگى تاقىرىپ ەتتى، جۇڭگو مەن شەتەلدىڭ ۇكىمەت تاراۋلارى، كورمەگە قاتىناسقان كاسىپورىندار، ساۋدا قوعامدارىنىڭ ۋاكىلدەرى جانە جۇڭگودا تۇراتىن ءبىر ءبولىم ەلشىلەر قاتارلىلار بولىپ 1100 دەي ادام اشىلۋ سالتىنا قاتىناستى.

اشىلۋ سالتىنان كەيىن حان جىڭ تىزبەك كورمەسى كورمە سارايىن ارالاپ، سيفرلى عىلىم - تەحنيكا، تازا ەنەرگيا، وزىق جاساۋ سياقتى كورمە رايوندارىن ەكسكۋرسيالادى ءارى قاتىستى كاسىپورىنداردىڭ جاۋاپتىلارىمەن پىكىر اۋىستىردى.

كەلۋ قاينارى: حالىق تورابى