پروكۋراتۋرا ورگاندارى لي پىڭشيننىڭ پارا الۋ دەلوسىنا زاڭ بويىنشا الەۋمەتتىك ايىپتاۋ جۇرگىزدى

شينحۋا اگەنتتىگىنىڭ 12 – ايدىڭ 11 - كۇنى بەيجيڭنەن بەرگەن حابارى. ءتىلشىنىڭ 12 – ايدىڭ 11 – كۇنى ەڭ جوعارى حالىق پروكۋراتۋراسىنان ۇعىسۋىنشا، شينجياڭ ۇيعۇر اۆتونوميالى رايوندىق پارتكومنىڭ بۇرىنعى ورىنباسار شۋجيى لي پىڭشيننىڭ پارا الۋ دەلوسىن مەملەكەتتىك باقىلاۋ ـ تەكسەرۋ كوميتەتى تەكسەرىپ اياقتاتىپ، ەڭ جوعارى حالىق پروكۋراتۋراسىنىڭ بەلگىلەۋىمەن، شانشي ولكەسى باۋجي قالالىق حالىق پروكۋراتۋراسىنىڭ تەكسەرىپ ايىپتاۋىنا وتكىزىپ بەرگەن. تاياۋدا باۋجي قالالىق حالىق پروكۋراتۋراسى باۋجي قالالىق ورتا دارەجەلى حالىق سوت مەكەمەسىنە الەۋمەتتىك ايىپتاما بەردى.

پروكۋراتۋرا ورگانى تەكسەرىپ ايىپتاۋ ساتىسىندا ايىپكەر لي پىڭشيننىڭ يگىلىكتەنەتىن ارىز - شاعىم ۇقىعىن زاڭ بويىنشا ۇقتىردى ءارى ايىپكەر لي پىڭشيندى سۇراققا تارتىپ، اقتاۋشىنىڭ پىكىرىن تىڭدادى. پروكۋراتۋرا ورگاندارى بىلاي دەپ الەۋمەتتىك ايىپتاما بەردى: ايىپكەر لي پىڭشين چيڭحاي ولكەسى حايشي موڭعۇل - زاڭزۋ اۆتونوميالى وبلىستىق پارتكومنىڭ ورىنباسار شۋجيى، حولمىتى قالالىق پارتكومنىڭ شۋجيى، حايشي موڭعۇل - زاڭزۋ اۆتونوميالى وبلىستىق پارتكومنىڭ شۋجيى، چيڭحاي ولكەلىك پارتكومنىڭ تۇراقتى مۇشەسى، ساياسي - زاڭ كوميتەتىنىڭ شۋجيى، ىشكى موڭعۇل اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى، شينجياڭ ۇيعۇر اۆتونوميالى رايوندىق پارتكومنىڭ ورىنباسار شۋجيى قاتارلى قىزمەت قولايلىلىعىنان، سونداي – اق ءوزىنىڭ قىزمەت ۇقىعىنان نەمەسە ورنىنان قالىپتاسقان قولايلى شارت - جاعدايدان پايدالانىپ، باسقالارعا پايدا جەتكىزىپ، باسقالاردىڭ مال - مۇلكىن زاڭسىز قابىلداعان، سوماسى ەرەكشە قوماقتى، زاڭ بويىنشا ونىڭ قىلمىستىق ىستەر جاۋاپكەرشىلىگىن قۋزاستىرۋ كەرەك.

كەلۋ قاينارى: حالىق تورابى