7 تاراۋ وقىتۋشىلاردىڭ مامىلەسىنە قاتىستى قۇجات شىعاردى

ءتىلشىنىڭ وقۋ – اعارتۋ مينيسترلىگىنەن ۇعىسۋىنشا، تاياۋدا وقۋ – اعارتۋ مينيسترلىگى قاتارلى 7 تاراۋ «وقىتۋشىلاردى قۇرمەتتەپ، وقىتۋشىلارعا تيىمدىلىك جاساۋ قىزمەتىن اناعۇرلىم كۇشەيتۋ جونىندەگى ءبىرقانشا شارانى» بىرگە باسىپ تاراتىپ، وقىتۋشىلاردىڭ مامىلەسىن قامتاماسىزداندىرۋدى اناعۇرلىم كۇشەيتىپ، وقىتۋشىلاردىڭ ساياسي ورنىن، قوعامدىق ورنىن، كاسىپتىك ورنىن جوعارىلاتقان. قۇجاتتا ەمدەۋ، دەنساۋلىق ساقتاۋ، مادەنيەت دەڭگەيىن جوعارىلاتۋ، تۇرمىستىق قىزمەت وتەۋ، تۇرعىن ۇيمەن قامتاماسىزداندىرۋ جانە باسقا جاقتاردا وقىتۋشىلاردى قۇرمەتتەپ، وقىتۋشىلارعا تيىمدىلىك جاساۋ شارالارىن ايقىن ورتاعا قويدى.

ەمدەۋ، دەنساۋلىق ساقتاۋ جاعىندا، جەر - جەر وقىتۋشىلاردى ءار جىلى ءبىر رەت دەنساۋلىعىن تەگىن تەكسەرۋگە ۇيىمداستىرىپ، پسيحيكالىق اقاۋسىزدىق لەكسياسى، پسيحيكالىق جاقتان جەتەكشىلىك ەتۋ سياقتى قىزمەت وتەۋدى مەرزىم بويىنشا ورىستەتىپ، وقىتۋشىلاردىڭ دەنساۋلىق ارحيۆىن ورناتۋى كەرەك. جەر - جەردى ٴوز جەرىندەگى وقىتۋشىلاردىڭ ەمدەلۋىنە قولايلىلىق جاراتۋعا شابىتتاندىرىپ، وقىتۋشىلارعا دەنساۋلىق اقاۋسىزدىعىن ۇگىتتەۋ، تاربيەلەۋ سياقتى قىزمەت وتەۋدى ورىستەتۋ كەرەك.

مادەنيەتتى جوعارىلاتۋ جاعىندا، جەر ـ جەردەگى مۇراجاي، ەسكەرتكىش ساراي، اسەمونەر سارايى، عىلىم ـ تەحنيكا سارايى، ورەندەر سارايى سياقتى الەۋمەتتىك مادەنيەت قۇرىلعىلارى مەن ساياحات، ەكسكۋرسيا ورىندارىن قولداۋعا شابىتتاندىرىپ، وقىتۋشىلارعا بەلەت اقىسىن ازايتۋ، كەشىرىم ەتۋ سياقتى ءتيىمدى شارالار قولدانۋ كەرەك. وقىتۋشىلاردىڭ مادەنيەت، دەنە تاربيە قيمىلدارىن زور كۇشپەن ورىستەتىپ، وقىتۋشىلاردىڭ رۋحاني مادەنيەت تۇرمىسىن بايىتۋ كەرەك.

تۇرمىستىق قىزمەت وتەۋ جاعىندا قاتىستى كاسىپورىنداردى وقىتۋشىلارعا ارناۋلى جەڭىلدىك بەرۋ قيمىلىمەن قامداۋعا شابىتتاندىرۋ كەرەك. قاتىستى مەملەكەت مەنشىگىندەگى ساۋدا بانكەلەرىنىڭ وقىتۋشىلارعا جەكە فينانستىق قىزمەت وتەۋىنە دەم بەرۋ كەرەك. شارت - جاعدايى بار جەرلەردىڭ وقىتۋشىلاردىڭ الەۋمەتتىك قاتىناس، مەترو سياقتى الەۋمەتتىك قاتىناس قۇرالدارىنا وتىرعاندا جەڭىلدىك بەرۋىنە قولداۋ كورسەتۋ كەرەك.

تۇرعىن ۇيمەن قامتاماسىزداندىرۋ جاعىندا، شارتقا ۇيلەسەتىن وقىتۋشىلاردى قالا ـ قالاشىقتارداعى تۇرعىن ۇيمەن قامتاماسىزداندىرۋ كولەمىنە ەنگىزىپ، وقىتۋشىلاردىڭ تۇرعىن ءۇي قيىنشىلىعىن شەشۋدى جەبەۋ كەرەك. بۇدان سىرت، قوعامدىق كۇشتەردى زاڭ بويىنشا جىلۋ اتاۋ، ەرىكتى قىزمەت وتەۋ سياقتى كوپ ءتۇرلى تاسىلدەر ارقىلى جۇرتشىلىقتى وقىتۋشىلاردى قۇرمەتتەۋ، وقىتۋشىلارعا تيىمدىلىك جاساۋ جاعىنان قىزمەت وتەۋگە شابىتتاندىرۋ كەرەك.

ءتىلشىنىڭ ۇعىسۋىنشا، بيىل جىل باسىنان بەرى وقۋ ـ اعارتۋ مينيسترلىگى وقىتۋشىلاردىڭ مامىلەسىن قامتاماسىز ەتۋ قىزمەتىن ۇزدىكسىز كۇشەيتىپ، مەملەكەت دەڭگەيىندە، جەرگىلىكتى دەڭگەيدە، قوعامدىق دەڭگەيدە وقىتۋشىلاردى قۇرمەتتەۋ، وقىتۋشىلارعا تيىمدىلىك جاساۋ قىزمەتىندە جاڭا بەينە جارىققا شىققان. كەلەسى قادامدا، وقۋ - اعارتۋ مينيسترلىگى وقىتۋشىلاردى قۇرمەتتەۋ، وقىتۋشىلارعا تيىمدىلىك جاساۋ ساياساتىنىڭ تياناقتانۋ جاعدايىن ۇزدىكسىز مىقتى يگەرىپ، جەر - جەردىڭ وقىتۋشىلاردى قۇرمەتتەپ، وقىتۋشىلارعا تيىمدىلىك جاساۋ قىزمەتىنىڭ تاماشا تاجىريبەلەرىن، جاقسى ادىستەرىن قورىتىندىلاپ، ۇگىتتەپ، جەر - جەرگە جەتەكشىلىك ەتۋدى كۇشەيتىپ، تۇتاس قوعامدا وقىتۋشىلاردى قۇرمەتتەيتىن، وقۋ – اعارتۋعا ءمان بەرەتىن تاماشا سالت قالىپتاستىرادى.

كەلۋ قاينارى: حالىق تورابى