مەملەكەتتىك ۇگىت ءبولىمى باستىقتارى ءماجىلىسى بەيجيڭدە اشىلدى

«حالىق گازەتى»، 1 - ايدىڭ 4 - كۇنى، بەيجيڭ (ءتىلشى جاۋ بيڭ). مەملەكەتتىك ۇگىت ءبولىمى باستىقتارى ءماجىلىسى 1 - ايدىڭ 3 - كۇنىنەن 4 - كۇنىنە دەيىن بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي ماجىلىسكە قاتىناستى ءارى ءسوز سويلەدى. ول بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، شي جينپيڭ مادەنيەت يدەياسىن ىشكەرىلەي ۇيرەنىپ، دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانىڭ جاسامپاز نازارياسىمەن كۇش سالا زەيىن - زەردەنى ۇيىستىرىپ، رۋح سومداپ، نەگىزگى اعىمدىق يدەيالىق قوعامدىق پىكىردى كۇش سالا بەكەمدەپ، زورايتىپ، سوتسياليستىك وزەكتى قۇن كوزقاراسىن كۇش سالا اسقاقتاتىپ، مادەنيەت ءتۇزىلىس، مەحانيزمى رەفورماسىن كۇش سالا تەرەڭدەتىپ، اناعۇرلىم ءونىمدى، قۋاتتى حالىقارالىق تاراتۋ جۇيەسىن كۇش سالا ورناتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە پارمەندى يدەيالىق كەپىل، قۋاتتى رۋحاني كۇش، پايدالى مادەنيەت شارت - جاعدايىن ازىرلەۋ كەرەك.

ساي چي بىلاي دەپ اتاپ كورسەتتى: پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى مادەنيەت قۇرىلىسىن ەل باسقارۋدا كورنەكتى ورىنعا قويۋعا تاباندى بولىپ، نازاريادا، امالياتتا، تۇزىمدە ءبىر قىدىرۋ ىزدەنىس جاساپ، جاڭالىق اشىپ، ايرىقشا باي، تاتىمدى كەلەلى جەتىستىكتەرگە قول جەتكىزدى. ەڭ ماڭىزدىسى، شي جينپيڭ مادەنيەت يدەياسىن قالىپتاستىرىپ، جاڭا داۋىردەگى پارتيانىڭ مادەنيەت تۋىن ورناتتى. وسى ماڭىزدى يدەيا جاڭا داۋىردە قانداي جۇڭگوشا سوتسياليستىك مادەنيەتكە تاباندى بولۋ جانە ونى دامىتۋ، جۇڭگوشا سوتسياليستىك مادەنيەتكە قالاي تاباندى بولۋ جانە ونى دامىتۋ سىندى كەلەلى تاقىرىپقا جۇيەلى جاۋاپ بەردى، بۇل − جاڭا داۋىردە ۇگىت، يدەيا، مادەنيەت قىزمەتىن ويداعىداي ىستەۋدىڭ عىلمي باعدارناماسى جانە ءتۇبىرلى تياناعى. شي جينپيڭ مادەنيەت يدەياسىن اناعۇرلىم سانالى ۇيرەنىپ، دايەكتىلەندىرىپ، جاڭا داۋىردەگى مادەنيەت بورىشىن اناعۇرلىم ويداعىداي ارقالاۋ كەرەك.

ساي چي بىلاي دەپ باسا دارىپتەدى: ۇيرەنۋ ارقىلى رۋحتى سومداۋدىڭ، ۇيرەنۋ ارقىلى پاراساتتى ارتتىرۋدىڭ، ۇيرەنۋ ارقىلى ستيلدى دۇرىستاۋدىڭ، ۇيرەنۋ ارقىلى ىستەۋدى جەبەۋدىڭ ۇزاق ءونىمدى مەحانيزمىن تياناقتاندىرىپ، قىزمەت جۇيەسىن اقاۋسىزداندىرىپ، تاسىلدە، ادىستە جاڭالىق اشىپ، پارتيانىڭ جاسامپاز نازارياسىمەن قارۋلانۋدىڭ تەرەڭدەۋىن، ناقتىلانۋىن ىلگەرىلەتۋ كەرەك. دۇرىس قوعامدىق پىكىر بەتالىسىنا تاباندى بولىپ، ەكونوميكالىق ۇگىت پەن مەجە جەتەكشىلىگىن كۇشەيتىپ، قوعامدىق جاعدايعا جاۋاپ بەرۋ قابىلەتىن جوعارىلاتىپ، ىنتىماقتاسا ەكپىندەي ىلگەرىلەيتىن نەگىزگى قوعامدىق پىكىر قالىپتاستىرۋ كەرەك. مۇرات - سەنىم تاربيەسىنىڭ ۇدايىلانۋىن، تۇزىمدەنۋىن ىلگەرىلەتىپ، يدەيا - ساياسي قىزمەتىن كۇشەيتۋ جانە جاقسارتۋ كەرەك. مادەنيەت بويىنشا قىزمەت وتەۋ جانە مادەنيەت ونىمدەرىمەن قامداۋ قابىلەتىن جوعارىلاتىپ، ادەبيەت - كوركەمونەر جاسامپازدىعىنىڭ، ءوندىرىسىنىڭ ومىرشەڭ كۇشىن تاسقىنداتىپ، مادەني مۇرالاردى جۇيەلى قورعاۋدى ىلگەرىلەتىپ، ساياحات كاسىبىنىڭ جوعارى ساپالى دامۋىن جەبەۋ كەرەك. جۇڭگو حيكاياسىن ويداعىداي بايانداپ، وركەنيەتتەر اۋىس - كۇيىسىن، ءوزارا ۇلگى الۋىن كەڭەيتە، تەرەڭدەتە بەرۋ كەرەك. پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، يدەولوگيا قىزمەتى جاۋاپكەرشىلىك ءتۇزىمىن تياناقتاندىرىپ، قوسىن جانە ستيل قۇرىلىسىن كۇشەيتىپ، ۇگىت، يدەيا، مادەنيەت قىزمەتىنىڭ جاڭا جاعدايىن ۇزدىكسىز اشۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ءبولىمىنىڭ باستىعى لي شۋلەي قىزمەت ورنالاستىرۋىن جاساپ بىلاي دەپ باسا دارىپتەدى: شي جينپيڭ مادەنيەت يدەياسىن ىشكەرىلەي ۇيرەنىپ، امالياتتا ايگىلەپ، پارتيانىڭ جاسامپاز نازارياسىن جۇيەلى، عىلمي قاعيدالى زەرتتەۋدى، ءتۇسىندىرۋدى تەرەڭدەتىپ، ەكونوميكالىق ۇگىت جانە قوعامدىق پىكىرگە جەتەكشىلىك ەتۋ دەڭگەيىن جوعارىلاتىپ، مادەنيەت ءتۇزىلىس، مەحانيزمى رەفورماسى مىندەتتەرىن جاپپاي تياناقتاندىرىپ، يدەيا - ساياسي قىزمەتىنىڭ ناقتى ونىمدىلىگىن كۇشەيتىپ، تاماشا مادەنيەت ورتاسىن قالىپتاستىرىپ، مادەنيەت مۇرالارىن جۇيەلى قورعاۋدى كۇشەيتىپ، قالا وركەنيەت قۇرىلىسىن جانە وركەنيەتتى اۋىل سالتى قۇرىلىسىن ىلگەرىلەتىپ، جۇڭگوشا فيلوسوفيالىق - قوعامدىق عىلىم دەربەس ءبىلىم جۇيەسىن قالىپتاستىرىپ، حالىقارالىق تاراتۋدىڭ ونىمدىلىگىن شىنايى جوعارىلاتىپ، نەگىزگى ساتى قىزمەتىندە جاڭالىق اشۋدى زور كۇشپەن ىلگەرىلەتىپ، جوعارى دەڭگەيدەگى ساياسي سانالىلىقپەن ءتۇرلى مىندەتتەردى ناقتى تياناقتاندىرۋ كەرەك.

مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى تيە نيڭ ماجىلىسكە قاتىناستى.

كەلۋ قاينارى: حالىق تورابى