كورەيا سوت مەكەمەسى يىن شييۋەنى قولعا الۋ بۇيرىعى مەن ۇكىمەت سارايىن ءتىنتۋ بۇيرىعىن جاريالادى

شينحۋا اگەنتتىگىنىڭ 12 – ايدىڭ 31 - كۇنى سەۋلدەن بەرگەن حابارى. كورەيا بىرلەسپە اگەنتتىگىنىڭ 12 – ايدىڭ 31 – كۇنى بەرگەن حابارىنا قاراعاندا، كورەيانىڭ سەۋل قالاسىنىڭ باتىس بولەگىندەگى جەرگىلىكتى سوت مەكەمەسى سول كۇنى تۇستەن بۇرىن ىشكى بىلىقپالىق تۋدىردى جانە قىزمەت ۇقىعىنان بەتالدى پايدالاندى دەگەن كۇمانمەن قىزمەتتەن توقتاتىلعان زۇڭتۇڭ يىن شييۋەنى قولعا الۋ بۇيرىعىن جاريالادى. بۇل كورەيانىڭ نەگىزگى زاڭدىق بيلىك تاريحىندا تۇڭعىش رەت مىندەت اتقارىپ تۇرعان زۇڭتۇڭدى قولعا الۋ بۇيرىعىن شىعارۋى.

كورەيا اقپارات قۇرالدارىنىڭ حابارىنا قاراعاندا، سەۋلدىڭ باتىس بولەگىندەگى جەرگىلىكتى سوت مەكەمەسى يىن شييۋەنىڭ سەۋلدەگى حانناندۇڭداعى زۇڭتۇڭ سارايىن ءتىنتۋ بۇيرىعىن جاريالاعان.

ۇعىسۋعا قاراعاندا، قولعا الۋ بۇيرىعى ادەتتە قول قويىلعان كۇننەن باستاپ ءبىر اپتا ىشىندە كۇشكە يە بولادى، كورەيانىڭ جوعارى دارەجەلى ۇكىمەت قىزمەتكەرلەرىنىڭ قىلمىسىن تەكسەرۋ باسقارماسى كوپ وتپەي يىن شييۋەنىڭ سارايىنا بارىپ قولعا الۋ بۇيرىعىن اتقارادى.

كەلۋ قاينارى: حالىق تورابى