شينجياڭ حىجيڭ اۋدانىنداعى تاۋلى وڭىردە كەنەتتەن قارلى بوران سوقتى، قامالىپ قالعان اۆتوموبيلدەگىلەر قۇتقارىلدى

12 – ايدىڭ 24 – كۇنى كۇندىزدەن باستاپ، شينجياڭ بايىنعولىن موڭعۇل اۆتونوميالى وبلىسىنىڭ حىجيڭ اۋدانىنداعى مەملەكەتتىك 218 – تاس جول لەنياسىنىڭ تيانشان تاۋلى وڭىرىندەگى بولىگىندە قارلى بوران سوققان.

جۇرتشىلىقتىڭ ساقشىعا مالىمدەۋىن تاپسىرىپ العان سوڭ، حىجيڭ اۋداندىق قاتىناس ساقشىسى ۇلكەن اترەتىنىڭ حالىق ساقشىلارى قارلى بوران سوققان جول بولىگىنە دەرەۋ بارعان سوڭ، قارلى بوراننىڭ ىقپالى زور بولعان مەملەكەتتىك 218 – تاس جول لەنياسىنىڭ 412 كيلومەتردەن 442 كيلومەترگە دەيىنگى 30 كيلومەترلىك جول بولىگىندە مەزەتتىك ەڭ زور جەل كۇشى 10 بالعا جەتىپ، قاتتى بوران قاردى ۇشقىنداتىپ، جولدىڭ وسى بولىگىندەگى كورىنىمدىلىك دەڭگەيى 50 مەترگە جەتپەي قالعان، جينالعان قاردىڭ قالىڭدىعى 10 سانتيمەتردەن اسقان. وسى جولمەن ءجۇرىپ بارا جاتقان ءىشىنارا اۆتوموبيلدەر قارلى بوراندا قامالىپ قالعان، حالىق ساقشىلارى دەرەۋ وزدەرى الا كەلگەن كۇرەك قاتارلى قۇرالدارمەن قامالىپ قالعان اۆتوموبيلدەگىلەردىڭ حاۋىپتەن قۇتىلۋىنا كومەكتەسكەن.

12 – ايدىڭ 25 – كۇنى ساعات 14 كە دەيىن، قامالىپ قالعان 15 اۆتوموبيلدەگى شوفەرلەرمەن قوسقاندا 33 ادامدى قۇتقارىپ شىققان. قاتىناس ساقشىلارى اتالعان جول بولىگىندە قوس باعىتتا قاتىناستى تەجەۋ شاراسىن اتقارعان. (باس ستانسيا ءتىلشىسى سۋ مىڭ، ساۋ جياڭ)

كەلۋ قاينارى: حالىق تورابى