سىرتقى ىستەر مينيسترلىگى: ا ق ش جاقتاعى قاتىستى ايلاكەرلەردى ەكونوميكا – ساۋدا جاعىنداعى ماسەلەنى ساياسيلاندىرۋدى، قارۋعا اينالدىرۋدى توقتاتۋعا قۋزايمىز 

سىرتقى ىستەر مينيسترلىگىنىڭ مالىمدەمەشىسى لين جيان 12 – ايدىڭ 18 – كۇنى كەزەكتى تىلشىلەردى قابىلداۋ ءماجىلىسىن اشتى. ءبىر ءتىلشى بىلاي دەپ سۇرادى: ا ق ش پارلامەنتى الداعى بىرنەشە كۇندە ا ق ش – نىڭ جۇڭگوعا قارجى قوسۋىنا شەكتەۋ سالۋ تۋرالى زاڭ جاساۋ جونىندە داۋىس بەرىپ، مۇنى ”تەحنيكالىق جاقتان، قارجىلىق جاقتان شەكتەۋ سالۋ زاڭ جوباسىنىڭ كولەمىن كەڭەيتۋدىڭ“ ءبىر ءبولىمى ەتپەكشى، مۇنىڭ ىشىندە جۇڭگونىڭ مەملەكەت حاۋىپسىزدىگىنە قاتىستى الاڭداۋشىلىق تۋدىراتىن تارماقتار قامتىلعان. جۇڭگو جاق بۇل جونىندە قانداي جاۋاپ قايتارادى؟

لين جيان مىنانى ءبىلدىردى: جۇڭگو مەن ا ق ش ەكونوميكا – ساۋدا سالاسىنداعى سەلبەستىك ارقىلى ءوزارا تيىمدىلىك جەتكىزىپ، بىرگە يگىلىككە كەنەلىپ، ەكى ەل حالقىنا باقىت جاراتۋى كەرەك. مەملەكەت حاۋىپسىزدىگى دەگەن ۇعىمنىڭ كولەمىن شەكتەن تىس كەڭەيتىپ، ساياسي ماقساتپەن قالىپتى ەكونوميكا – ساۋدا بارىس – كەلىسىنە بوگەت قويۋ ءتاسىلى ا ق ش جاق ەجەلدەن بەرى دارىپتەپ كەلە جاتقان بازار شارۋاشىلىعى، ءادىل باسەكە، ەركىن ساۋدا پرينسيپتەرىنە قايشى كەلىپ، دۇنيە جۇزىلىك ءوندىرىس جانە قامداۋ تىزبەگىنىڭ ورنىقتىلىعىن بۇلدىرەدى، ءارقانداي جاقتىڭ مۇددەسىنە ساي كەلمەيدى.

لين جيان مىنانى باسا دارىپتەدى: جۇڭگو جاق ا ق ش جاقتاعى قاتىستى ايلاكەرلەردى ەكونوميكا – ساۋدا ماسەلەسىن ساياسيلاندىرۋدى، قارۋعا اينالدىرۋدى توقتاتۋعا، ەكى ەلدىڭ ەكونوميكا – ساۋدا سەلبەستىگىنە قاجەتتى شارت – جاعدايدى جاراتۋعا قۋزايدى. (باس ستانسيا ورتالىق تەلەۆيزيا ءتىلشىسى جاڭ شۋەسۇڭ)

كەلۋ قاينارى: حالىق تورابى