اتقارۋ الدىندا تۇر! ەڭ جوعارى بولعاندا ءبىر ميلليون يۋان سيلىق بەرىلەدى!

شينجياڭ گازەتىنىڭ حابارى. ءتىلشىنىڭ شينجياڭ ۇيعۇر اۆتونوميالى رايوندىق بازار باقىلاۋ ـ باسقارۋ مەكەمەسىنەن ۇعىسۋىنشا، تاياۋدا شينجياڭ ۇيعۇر اۆتونوميالى رايوندىق بازار باقىلاۋ ـ باسقارۋ مەكەمەسى، شينجياڭ ۇيعۇر اۆتونوميالى رايوندىق قازىنا مەڭگەرمەسى «شينجياڭ ۇيعۇر اۆتونوميالى رايونىنىڭ بازار باقىلاۋ ـ باسقارۋ سالاسىنداعى ەلەۋلى زاڭعا قايشى ارەكەتتەردى اشكەرەلەگەندەردى سيلاۋ ناقتى ەرەجەسىن (سىناق رەتىندە اتقارىلادى)» (تومەندە قىسقارتىلىپ «اتقارۋ ناقتى ەرەجەسى (سىناق رەتىندە اتقارىلادى)» دەلىنەدى) بىرلەسىپ باسىپ تاراتتى، 2024 ـ جىلى 12 ـ ايدىڭ 26 ـ كۇنىنەن باستاپ اتقارىلادى. بازار باقىلاۋ - باسقارۋ سالاسىنداعى زاڭعا قايشى ەلەۋلى ارەكەتتەردى مالىمدەگەن بۇقارا ەڭ جوعارى بولعاندا ءبىر ميلليون يۋان سيلىققا يە بولادى.

«اتقارۋ ناقتى ەرەجەسىندە (سىناق رەتىندە اتقارىلادى)» حالىق تۇرمىسى سالاسىنا نازار اۋدارىلىپ، جەمەكتىك، ءدارى - دارمەك، ەرەكشە اسپاپتار، ونەركاسىپ ونىمدەرىنىڭ ساپا حاۋىپسىزدىگى، ورىنسىز باسەكەگە قارسى تۇرۋ، جالعامالاپ ساتۋعا شەكتەۋ قويۋ قاتارلى حالىق بۇقاراسىنىڭ ٴومىرى مەن دەنساۋلىق اقاۋسىزدىعى حاۋىپسىزدىگىنە قاتىستى زاڭعا قايشى اۋىر قىلمىستارعا ٴتۇيىندى قارسى تۇرىپ، سيلاۋ اۋماعىن ايقىندادى، سيلاۋ شارت ـ جاعدايى، سيلاۋ ولشەمى، سيلاۋ ءتارتىبى سياقتى ماسەلەلەر قوعامدىق باقىلاۋعا دەم بەرۋ ارقىلى قوعامدى بىرگە جونگە سالۋدى ىلگەرىلەتىپ، تيجارات تۇلعالارىنىڭ ءوندىرىس ـ تيجارات ارەكەتىن ارناعا ءتۇسىرىپ، حالىق بۇقاراسىنىڭ ءومىرى مەن سالاماتتىعىنىڭ حاۋىپسىزدىك تومەنگى شەگىن ارناعا ءتۇسىردى.

«اتقارۋ ناقتى ەرەجەسىندە (سىناق رەتىندە اتقارىلادى)» سيلاۋ كولەمى زاڭعا اۋىر قايشىلىق جاساۋ ارەكەتى دەپ تۇراقتاندىرىلادى، ياعني زاڭعا اۋىر قايشىلىق جاساعان ارەكەتتەردى اشكەرەلەگەندەر سيلانادى. زاڭعا اۋىر قايشى ارەكەت، باستىسى قىلمىس كۇمانى تاعىلعان نەمەسە زاڭ بويىنشا ءوندىرىستى، كاسىپتى توقتاتۋعا بۇيىرۋ، جابۋعا بۇيىرۋ، رۇقسات كۋالىگىن قايتارىپ الۋ (كۇشىنەن قالدىرۋ)، 100 مىڭ يۋاننان جوعارى ايىپ سالۋ، ءمۇسادىرالاۋ (زاڭعا قايشى تابىسى مەن زاڭسىز مال - مۇلكىنىڭ قۇن جيىنتىعىن قامتيدى) سياقتى اكىمشىلىك جازا بەرىلەتىن زاڭعا قايشى ارەكەتتەردى مەڭزەيدى.

كەلۋ قاينارى: حالىق تورابى