جۇڭگو شەكارادان وتكەندەردەن ۆيزا تالاپ ەتپەۋ ساياساتىن جاپپاي جەڭىلدەتەدى ءارى جاقسارتادى 

جۇڭگو كوشى قوندى باسقارۋ مەكەمەسىنىڭ 12 – ايدىڭ 17 – كۇنى جاريالاعان ۇقتىرۋىنا قاراعاندا، شەكارادان وتكەندەردەن ۆيزا تالاپ ەتپەۋ ساياساتى سول كۇننەن باستاپ جاپپاي جەڭىلدەتىلەدى ءارى جاقسارتىلادى، شەكارادان ۆيزاسىز وتەتىن شەتەلدىكتەردىڭ شەكارا ىشىندە ايالداۋ ۋاقىتى 72 ساعات جانە 144 ساعاتتان 240 ساعاتقا (10 كۇن) ۇزارتىلادى، سونىمەن بىرگە، شەكارادان ۆيزاسىز وتەتىندەردىڭ كىرۋى ءۇشىن تاعى دا 21 وتكەل جاڭادان ارتتىرىلادى ءارى شەكارادان ءوتىپ ايالداعان كەزدەگى قيمىل اۋماعى دا اناعۇرلىم كەڭەيتىلەدى.

شارتقا ساي كەلەتىن رەسەي، برازيليا، انگليا، ا ق ش، كانادا قاتارلى 54 مەملەكەتتىڭ ادامدارى جۇڭگونىڭ شەكاراسىنان ءوتۋ ارقىلى ءۇشىنشى مەملەكەتكە (رايونعا) بارماقشى بولسا، 24 ولكەدەگى (اۆتونوميالى رايون، توتە قاراستى قالا) شەتەلگە اشىق ۇستالاتىن 60 وتكەلدىڭ قالاعان بىرەۋى ارقىلى جۇڭگوعا ۆيزاسىز كەلۋىنە بولادى ءارى بەلگىلەنگەن اۋماقتا ايالداعان ۋاقىتى 240 ساعاتتان اسىپ كەتپەۋى كەرەك. 144/72 ساعاتتىق شەكارادان ۆيزاسىز ءوتۋ ساياساتىمەن سالىستىرعاندا، وسى جولى ساياساتتى رەتتەۋدىڭ ەڭ باستى ەرەكشەلىگى ءوڭىر اتتاپ قاتىناۋعا رۇقسات بەرىلگەن، اتاپ ايتقاندا، شەكارادان ۆيزاسىز وتكەن شەتەلدىكتەردىڭ 24 ولكەدەگى (اۆتونوميالى رايون، توتە قاراستى قالا) ايالداۋ بارىسىندا ارەكەتتەنۋ اۋماعىندا ولكە اتتاپ ساپارلاۋىنا رۇقسات بەرىلەدى.

ەڭ جاڭا ساناققا قاراعاندا، 2024 – جىلى 1 – ايدان 11 – ايعا دەيىن، ەلىمىز بويىنشا ءارقايسى وتكەلدەر ارقىلى شەكارادان كىرگەن شەتەلدىكتەردىڭ سانى 29 ميلليون 218 مىڭ ادام (رەت) بولىپ، سايكەستى مەزگىلدەگىمەن سالىستىرعاندا %86.2 ارتقان؛ مۇنىڭ ىشىندە، شەكارادان ۆيزاسىز وتكەندەردىڭ سانى 17 ميلليون 446 مىڭ ادام (رەت) بولىپ، سايكەستى مەزگىلدەگىدەن %123.3 ارتقان.

كەلۋ قاينارى: حالىق تورابى