ساۋدا مينيسترلىگى ا ق ش جاقتىڭ جۇڭگونىڭ ءىشىنارا ونىمدەرىنەن الىناتىن كەدەن باجىسىن 301 – تارماق بويىنشا ۇستەمەلەگەنى تۋرالى جاۋاپ قايتاردى 

جۇڭگو اقپارات تورابىنىڭ 12 – ايدىڭ 16 – كۇنى بەرگەن حابارى. ساۋدا مينيسترلىگى تورابىنىڭ حابارلاۋىنشا، ساۋدا مينيسترلىگىنىڭ مالىمدەمەشىسى ا ق ش – نىڭ جۇڭگونىڭ ءىشىنارا ونىمدەرىنەن الىناتىن كەدەن باجىسىن 301 – تارماق بويىنشا ۇستەمەلەگەنى تۋرالى تىلشىلەردىڭ سۇراۋىنا جاۋاپ قايتارعان.

ءتىلشى بىلاي دەپ سۇرادى: 12 – ايدىڭ 11 – كۇنى، ا ق ش – نىڭ ساۋدا ۋاكىلىنىڭ كەڭسەسى (USTR) جۇڭگودان يمپورت ەتىلەتىن ۆولفرامنان جاسالعان ونىمدەر، كوپ كريستالدى كرەمني قاتارلى ونىمدەردەن الىناتىن كەدەن باجىسىن 301 – تارماق بويىنشا ۇستەمەلەيتىنىن، بۇل ۇيعارىم 2025 – جىلى 1 – ايدىڭ 1 – كۇنىنەن باستاپ كۇشكە يە بولاتىنىن جاريالاعان. ساۋدا مينيسترلىگى وسى تۋرالى قانداي پىكىر بىلدىرەدى؟

ساۋدا مينيسترلىگىنىڭ مالىمدەمەشىسى مىنانى ءبىلدىردى: كەدەن باجىسىن سىڭار جاقتىلى ۇستەمەلەۋ شاراسى جونىندە جۇڭگو جاقتىڭ مايدانى وزگەرمەيدى ءارى تالاي رەت ا ق ش جاقپەن قاتاڭ سويلەسكەن.

دۇنيە جۇزىلىك ساۋدا ۇيىمى ا ق ش – نىڭ جۇڭگونىڭ ونىمدەرىنەن الىناتىن كەدەن باجىسىن 301 – تارماق بويىنشا ۇستەمەلەۋى دۇنيە جۇزىلىك ساۋدا ۇيىمىنىڭ ەرەجەسىنە قايشى كەلەتىنى تۋرالى الدەقاشان كەسىم شىعارعان. ا ق ش – جاقتىڭ كەدەن باجىسىن ۇستەمەلەۋ شاراسى ا ق ش – نىڭ ساۋداداعى ءتيىمسىز پارىق پەن كاسىپ سالاسىنداعى باسەكەلەستىك قۋاتى جاعىنداعى ماسەلەسىن شەشىم ەتە الماۋمەن بىرگە، ا ق ش – نىڭ ەل ىشىندەگى اقشانىڭ قۇنسىزدانۋ جاعدايىن دا اسقىندىرىپ، ا ق ش – نداعى تۇتىنۋشىلاردىڭ مۇددەسىنە زيان جەتكىزەدى، حالىقارالىق ساۋدا – ەكونوميكا ءتارتىبى مەن دۇنيە جۇزىلىك كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىزدىگى مەن ورنىقتىلىعىن اۋىر دارەجەدە بۇلدىرەدى.

ا ق ش جاق قاتە ءتاسىلىن دەرەۋ تۇزەتۋى، جۇڭگونىڭ ونىمدەرىنەن الىناتىن كەدەن باجىسىن ۇستەمەلەۋدى دەرەۋ كۇشىنەن قالدىرۋى كەرەك. جۇڭگو جاق قاجەتتى شارالاردى قولدانىپ، ءوزىنىڭ ۇقىق – مۇددەسىن باتىل قورعايدى.

كەلۋ قاينارى: حالىق تورابى