ەڭ كوپ بولعاندا جىلىنا 4 ميلليون يۋان ەڭبەكاقى بەرىلەدى! شينجياڭ سانجى وبلىسى بۇكىل ەلىمىز كولەمىنەن دارىندىلاردى قىزمەتكە قابىلداماقشى 

انار بۇلت \ شينجياڭ گازەتىنىڭ ءتىلشىسى گاي يوۋجۇن حابارلايدى. شينجياڭ سانجى حۇيزۋ اۆتونوميالى وبلىستىق حالىق ۇكىمەتىنىڭ اقپارات كەڭسەسى 12 – ايدىڭ 16 – كۇنى اقپار جاريالاۋ ءماجىلىسىن اشىپ، «سانجى وبلىسىنىڭ 2025 – جىلعى ”تيڭجوۋ دارىندىلارى“ اتىنداعى دارىندىلاردى قابىلداۋ ارناۋلى ارەكەتىنىڭ اتقارىلاتىن ناقتى شارالارىن» (تومەندە قىسقارتىلىپ «ناقتى شارا» دەپ اتالادى) جاريالادى، وسى ارقىلى ەلىمىز كولەمىنەن ءتۇرلى سالاداعى دارىندىلاردى سانجى وبلىسىنا كەلىپ ۇلەس قوسۋعا، شارۋاشىلىق قۇرۋعا باۋراماقشى.

تانىستىرۋعا قاراعاندا، سانجى وبلىسى دارىندىلاردى شوعىرلاندىرۋ ونىمدىلىگىن ۇزدىكسىز ارتتىرۋ، دارىندىلاردى ەنگىزۋدىڭ ساپاسىن جوعارىلاتۋ ءۇشىن، بۇكىل وبلىستاعى دارىندى كادرلار قوسىنى قۇرىلىسىمەن جانە شۇعىل قاجەت ەتىپ وتىرعان توتەنشە كەمشىل كاسىپتەردىڭ جاعدايىمەن ۇشتاستىرا وتىرىپ، 2025 – جىلى ”تيڭجوۋ دارىندىلارى“ اتىنداعى دارىندىلاردى قابىلداۋ ارناۋلى ارەكەتىن ۇيىمداستىرىپ ورىستەتىپ، ەلىمىز كولەمىندەگى ءىشىنارا جوعارى مەكتەپتەردەن ۇزدىك دوكتورانتتاردى، ماگيسترانتتاردى قابىلداپ، ستراتەگيالىق تۇرعىدان ورگاندارداعى، ءىسورىندارىنداعى، مەملەكەت باسقارۋىنداعى كاسىپورىندارداعى باسشىلىق سالاسىندا ءبىر توپ جوعارى ساپالى كاسىپتىك دارىندىلاردى جەتىلدىرەدى.

تانىستىرۋعا قاراعاندا، سانجى وبلىسى قابىلداعان دارىندىلارعا ويداعىداي جاعداي جاراتادى. قابىلدانعان دارىندىلاردىڭ 100 شارشى مەترلىك ”تىكەلەي كوشىپ كىرۋگە بولاتىن“ جاتاقحانادا 5 جىل تەگىن وتىرۋىنا بولادى؛ سانجى وبلىسىندا ءۇي مايلاپ وتىراتىن بولسا، دوكتورانتتاردىڭ اربىرىنە اي سايىن 2000 يۋاندىق ءۇي مايلاۋ قوسىمشا قاراجاتى بەرىلەدى. سىناق رەتىندە ىستەتۋ مەرزىمىندە باعالاۋدا تولىمدى بولعان ءارى 5 جىل نەمەسە ودان جوعارى مەرزىمدىك قىزمەت وتەۋ كەلىسىمشارتىنا قول قويعان جاعدايدا، سانجى وبلىسىنان ءۇي ساتىپ العان ءارى نوپوسىن قوندىرعان بولسا، دوكتورانتتارعا 400 مىڭ يۋان، ماگيسترانتتارعا 200 مىڭ يۋان ءۇي ساتىپ الۋ قوسىمشا قاراجاتى ءبىر رەتتە تاراتىلادى، سونىمەن بىرگە، دوكتورانتتارعا 50 مىڭ يۋان، ماگيسترانتتارعا 30 مىڭ يۋان وقۋ اقىسى قوسىمشا قاراجاتى بەرىلەدى. مۇنان سىرت، قابىلدانعان دارىندىلاردىڭ پەرزەنتتەرىن وقىتۋ، جۇبايىن ورنالاستىرۋ قاتارلى جاعدارداعى قاجەتىن ءبىرتۇتاس شەشىم ەتەدى.

«ناقتى شارادا» مىنالار ايقىن تۇراقتاندىرىلعان: قابىلدانعان دارىندىلار «سانجى وبلىسىنىڭ شۇعىل قاجەت بولعان، كەمشىل بولىپ وتىرعان دارىندىلاردى قابىلداۋدى باسقارۋ ادىسىندەگى» ”ءاربىر ءىستى جەكە – جەكە كەڭەسۋ“ جولىمەن جوعارى دارەجەلى دارىندىلاردى قابىلداۋ شارتىنا تولاتىن بولسا، جىلدىق ەڭبەكاقىسى ادەتتە 500 مىڭ يۋاننان 2 ميلليون يۋانعا دەيىن بولادى؛ كەلەلى باستاپقى جاڭالىق اشقان نەمەسە ءپان مەن كاسىپ سالاسىندا كەلەلى تۇيىندەردە ناتيجە جاراتقان، زور ەكونوميكالىق جانە قوعامدىق ونىمدىلىك جاراتقان بولسا، جىلىنا 4 ميلليون يۋانعا دەيىن ەڭبەكاقى بەرۋگە بولادى.

كەلۋ قاينارى: حالىق تورابى