جاقسى نيەتپەن اراشاعا تۇسەمىن دەپ جارالانسا جاۋاپكەرشىلىكتى كىم ارقالايدى؟ 

باسقالاردىڭ ەرەگەسىپ قالعانىن بايقاعان ساتتە، كوپتەگەن ادامدار دەرەۋ اراشاعا ءتۇسىپ، توقتاۋ سالادى. الايدا، ەگەر ەرەگەسكەندەر اراشاعا تۇسكەن ادامدى ابايسىزدا جارالاسا، وسىدان تۋىنداعان زياننىڭ جاۋاپكەرشىلىگىن كىم ارقالاۋى كەرەك؟

[دەلونى قايتالاي ەسكە ءتۇسىرۋ]

جاۋ X X پەن لي X مياۋ كەزىندە ماحابباتتاسقان بولاتىن. ءبىر كۇنى ەكەۋى ەرەگەسىپ قالادى، وسى بارىستا لي X مياۋ بىرنەشە رەت جاۋ X X دى ۇرادى. لي X مياۋدىڭ جيەن اعاسى لي X شين ەكەۋىنىڭ ەرەگەسىنىڭ ۇلعايىپ كەتۋىنىڭ الدىن الۋ ءۇشىن اراشاعا تۇسەدى، الايدا، وسى بارىستا جاۋ X X ابايسىزدا لي X شيندى يتەرىپ قالعاندا، لي X شين جىعىلىپ جارالانادى.

لي X شين سوتقا ارىزدانىپ، جاۋ X X تەن بارلىق زيانىن تولەپ بەرۋدى تالاپ ەتەدى.

سوت مەكەمەسى تەرگەۋ ارقىلى بىلاي دەپ قارايدى: ارەكەت يەسى اعاتتىقپەن باسقالاردىڭ ازاماتتىق ىستەرگە قاتىستى ۇقىق مۇددەسىنە زيان جەتكىزگەن بولسا، ۇقىققا قول سۇعۋ جاۋاپكەرشىلىگىن ارقالاۋى كەرەك. ايىپكەر جاۋ X X تالاپكەر لي X شين اراشاعا تۇسكەن كەزدە ابايسىزدا لي X شيندى جارالاعان، تالاپكەر لي X شيننىڭ تارتقان زيانىن تولەپ بەرۋ جاۋاپكەرشىلىگىن ارقالاۋى كەرەك؛ تالاپكەر لي X شين دەلودان سىرت ادام لي X مياۋ مەن ايىپكەر جاۋ X X اراسىندا تۋىلعان ەرەگەستىڭ كەسىرىنەن زيان شەككەن، سوندىقتان، لي X مياۋ دا تالاپكەر لي X شيننىڭ تارتقان زيانىن تولەپ بەرۋ جاعىندا سايكەستى جاۋاپكەرشىلىك ارقالاۋى كەرەك.

تالاپكەر لي X شين دەلودان سىرت ادام لي X مياۋدان تولەم بەرۋ جاۋاپكەرشىلىگىن ارقالاۋدى تالاپ ەتۋدەن ءوز ەركىمەن باس تارتقان. سوڭىندا، سوت مەكەمەسى ايىپكەر جاۋ X X كە %45 تىك جاۋاپكەرشىلىك سالىستىرماسى بويىنشا تالاپكەر لي X شين شەككەن زياننىڭ 1200 يۋانىن تولەپ بەرۋدى بۇيىرعان. (گاۋ چيڭياڭ، پراكتيكانت بيان يوۋران)

كەلۋ قاينارى: حالىق تورابى