جۇڭگو جاق: ا ق ش – ندا ەسىرتكىنىڭ ءورشۋىنىڭ قاينارى — ونىڭ وزىندە، ماسەلەنى شەشىم ەتۋدىڭ كىلتى دە — ا ق ش جاقتىڭ ءوز قولىندا 

جۇڭگونىڭ سىرتقى ىستەر مينيسترلىگىنىڭ مالىمدەمەشىسى لين جيان 12 – ايدىڭ 18 – كۇنى كەزەكتى تىلشىلەردى قابىلداۋ ءماجىلىسىن باسقاردى. ماجىلىستە ءبىر ءتىلشى ا ق ش – نىڭ پارلامەنت مۇشەسىنىڭ ”جۇڭگونىڭ ا ق ش – نداعى فەنتانيل ماسەلەسىندەگى رولىنا سوققى بەرۋ“ ءۇشىن زاڭ جوباسىن ورتاعا قويعانى تۋرالى سۇراۋ سۇرادى.

لين جيان مىنانى ءبىلدىردى: جۇڭگو جاق ا ق ش جاقتىڭ ءىشىنارا ايلاكەرلەرىنىڭ شىندىقتى بۇرمالاپ، وسەك – اياڭ تاراتىپ، جۇڭگو جاقتىڭ ەسىرتكىگە تيىم سالۋ جاعىنداعى قۇلشىنىشتارىنا كۇيە جاققانىنا باتىل قارسى تۇرادى.

جۇڭگو ەسىرتكىگە ەڭ باتىل تيىم سالاتىن، ساياساتتى ەڭ تۇبەگەيلى اتقاراتىن، وسى جاعىندا ەڭ تاماشا ناتيجە جاراتقان ەل، سونىمەن بىرگە، دۇنيە ءجۇزى بويىنشا بۇكىلدەي تيىم سالاتىن زاتتار تىزىمدىگى ەڭ كوپ، باسقارۋى ەڭ قاتاڭ مەملەكەتتەردىڭ ءبىرى. جۇڭگونىڭ ەسىرتكىگە تيىم سالۋ تاراۋلارى ەسىرتكى جاساۋدا پايدالانىلاتىن حيميالىق زاتتاردى زاڭسىز ەلەمەنتتەردىڭ قولىنا وتكىزۋگە باستان – اياق زاڭ بويىنشا قاتاڭ سوققى بەرىپ، قاتىستى كاسىپورىنداردىڭ زاڭ – تۇزىمگە ساي تيجارات جۇرگىزۋىن جۇيەگە ءتۇسىرىپ وتىرادى.

ا ق ش – ندا ەسىرتكىگىنىڭ ءورشۋىنىڭ قاينارى — ونىڭ وزىندە، ماسەلەنى شەشىم ەتۋدىڭ كىلتى دە — ا ق ش جاقتىڭ ءوز قولىندا. ا ق ش جاقتاعى ءىشىنارا ايلاكەرلەرگە ا ق ش – نىڭ ءوز ماسەلەسى جونىندە دۇرىس كوزقاراستا بولۋ، ەل ىشىندەگى باقىلاۋ – باسقارۋدى كۇشەيتۋ، ەل ىشىندەگى سۇرانىستى ازايتۋ قاتارلى جاقتاردا اناعۇرلىم ناقتى شارالار قولدانۋدى ىلگەرىلەتۋ كەرەك ەكەنىن، ىشتەگى اۋرۋدى سىرتتان ەمدەمەكشى بولىپ، پالەنى باسقاعا جاۋىپ، جاۋاپكەرشىلىكتەن قاشقالاقتاماۋى كەرەك ەكەنىن ەسكەرتەمىز.

كەلۋ قاينارى: حالىق تورابى