ەۆروپا وداعىنىڭ رەسەيگە باعىتتالعان 15 – رەتكى جازالاۋ تىزىمدىگىندە جۇڭگونىڭ كاسىپورىندارى مەن جەكەلەرى قامتىلعان 

12 – ايدىڭ 19 – كۇنى، ساۋدا مينيسترلىگىنىڭ مالىمدەمەشىسى ەۆروپا وداعىنىڭ رەسەيگە باعىتتالعان 15 – رەتكى جازالاۋ تىزىمدىگىنە جۇڭگونىڭ كاسىپورىندارى مەن جەكەلەرىن قوسقانى جونىندە تىلشىلەردىڭ سۇراۋىنا جاۋاپ قايتاردى.

سۇراۋ: 12 – ايدىڭ 16 – كۇنى، ەۆروپا وداعى رەسەيگە باعىتتالعان 15 – رەتكى جازالاۋ جوباسىن جاريالاپ، تۇڭعىش رەت جۇڭگونىڭ كاسىپورىندارى مەن جەكەلەرىن ”جاپپاي جازالاۋ“ تىزىمدىگىنە ەنگىزگەن. جۇڭگو جاق وسى جونىندە قانداي پىكىر بىلدىرەدى؟

جاۋاپ: ەۆروپا وداعى جۇڭگو جاقتىڭ تالاي رەت قاتاڭ سويلەسۋى مەن قارسى تۇرۋىنا قاراماستان، رەسەيگە باعىتتالعان 15 – كەزەكتى جازالاۋ جوباسىندا جۇڭگونىڭ ءبىر ءبولىم كاسىپورىندارى مەن جەكەلەرىن ”جاپپاي جازالاۋ“ تىزىمدىگىنە ەنگىزگەن. جۇڭگو جاق بۇعان قاتاڭ نارازىلىق بىلدىرەدى ءارى باتىل قارسى تۇرادى. جۇڭگو حالىقارالىق زاڭدى نەگىز ەتپەگەن جانە بىرلەسكەن مەملەكەتتەر ۇيىمىنىڭ حاۋىپسىزدىك القالار كەڭەسى ۇقىق بەرمەگەن جاعدايدا سىڭار جاقتىلى جازالاۋ شارالارىن اتقارۋعا باستان – اياق قارسى تۇرادى، ەۆروپا جاقتىڭ بۇل ارەكەتى جۇڭگو – ەۆروپا وداعى باسشىلارىنىڭ ورتاق تانىمىنىڭ رۋحىنا قايشى كەلەدى، جۇڭگو مەن ەۆروپا وداعىنىڭ ەكونوميكا – ساۋدا قارىم – قاتىناسىنا كەرى ىقپال جاسايدى. جۇڭگو جاق ەۆروپا وداعى جاقتى جۇڭگو مەن ەۆروپا وداعىنىڭ جالپى بەتتىك ستراتەگيالىق سەرىكتەستىك قارىم – قاتىناسىنىڭ زور اۋقىمىن قورعاۋدى، دۇنيە جۇزىلىك ءوندىرىس تىزبەگى مەن قامداۋ تىزبەگىنىڭ ورنىقتىلىعىن قورعاۋدى شىعار ءتۇيىن ەتىپ، تىزىمدىككە جۇڭگونىڭ كاسىپورىندارىن ەنگىزۋ سىندى قاتە ارەكەتتى دەرەۋ توقتاتۋعا، جۇڭگونىڭ كاسىپورىندارىنىڭ زاڭدى ۇقىق – مۇددەسىنە زيان جەتكىزۋدى دەرەۋ توقتاتۋعا قۋزايدى. جۇڭگو جاق الدا قاجەتتى شارالاردى قولدانىپ، جۇڭگو كاسىپورىندارىنىڭ ۇيلەسىمدى دە زاڭدى ۇقىق – مۇددەسىن باتىل قورعايدى. (باس ستانسيا ورتالىق تەلەۆيزيا ءتىلشىسى ليۋ يىڭ، گاۋ يۋان)

كەلۋ قاينارى: حالىق تورابى