ەكى تاراۋ قايىرىمدىلىق اتىن جامىلىپ الدامكوستىك ىستەۋ قاتارلى زاڭعا قايشى قىلمىستىق ارەكەتتەردەن ساقتانۋ تۋرالى حاۋىپ – قاتەر ەسكەرتۋىن جاريالادى 

قوعام حاۋىپسىزدىگى مينيسترلىگىنىڭ قىلمىستىق ىستەردى بارلاۋ مەڭگەرمەسى جانە حالىق ىستەرى مينيسترلىگىنىڭ قايىرىمدىلىق ىستەرىن ىلگەرىلەتۋ مەڭگەرمەسى 12 – ايدىڭ 18 – كۇنى «قايىرىمدىلىق اتىن جامىلىپ الدامكوستىك ىستەۋ قاتارلى زاڭعا قايشى قىلمىستىق ارەكەتتەردەن ساقتانۋ تۋرالى حاۋىپ – قاتەر ەسكەرتۋىن» جاريالادى.

حاۋىپ – قاتەر ەسكەرتۋىندە ”جىلۋ اتاعاندارعا اقشا قايتارىلادى“، ”جىلۋ اتاعاندارعا پايدا قايتارىلادى“، ”بىرگە جىلۋ اتاۋ“، ”تيىمدىلىك جەتكىزۋ“، ”الەۋمەتتىك يگىلىك سيپاتتى قارجى قۇراۋ“ قاتارلى جەلەۋلەرمەن الدامكوستىك ىستەگەن مىسالدار كورسەتىلگەن.

ەكى تاراۋدىڭ ەسكەرتۋىنشە، قايىرىمدىلىق ماقساتىندا جىلۋ اتاۋدىڭ وزەكتى ءمانى پايدا تابۋ سيپاتتى بولماستان، الەۋمەتتىك يگىلىك سيپاتتى بولىپ، ءارقانداي جىلۋ جيناۋ ارقىلى پايدا تابۋعا بولادى دەيتىندەر، قوماقتى سومادا جىلۋ اتاۋعا ۋادە بەرىپ، الدىن الا اقى تولەۋدى تالاپ ەتەتىندەر جونىندە جۇرتشىلىق قىراعىلىقتى ارتتىرۋى، ”كوكتەن ىزدەگەنى جەردەن تابىلعانداي“ كورىنگەن شىرعاعا بولا الدانىپ قالۋدان ساقتانۋى كەرەك.

مۇنان سىرت، جۇرتشىلىق ءمالىم ۇيىمعا جىلۋ اتاۋدان بۇرىن، قايىرىمدىلىققا قاتىستى ينفورماتسيالاردى اشىق جاريالايتىن مەملەكەتتىك تەكشە — ”قايىرىمدى جۇڭگو“ (cszg.mca.gov.cn) تەكشەسى ارقىلى سول ۇيىم حالىق ىستەرى تاراۋلارىنا زاڭ بويىنشا تىركەلگەن قايىرىمدىلىق ۇيىمى ما، جوق پا، اشىق جىلۋ جيناۋ تولىمدىلىعى بار ما، جوق پا ت.ب. ينفورماتسيالاردى تەكسەرىپ كورگەنى ءجون. ”جىلۋ اتاۋعا“ قاتىستى جالعانىمداردى كورگەن كەزدە، بانكە ەسەپشوتى قاتارلى ينفورماتسيالاردى تەكسەرۋدى كۇشەيتىپ، حاۋىپ – قاتەردەن ساقتانۋ تانىمىن جوعارىلاتۋى كەرەك.

كەلۋ قاينارى: حالىق تورابى