ءولىم جازاسىنا ۇكىم ەتىلدى! يۇي حۋايىڭنىڭ بالا الداپ ساتۋى دەلوسىنا ەكىنشى رەتكى سوتتىڭ ۇكىمى جاريالاندى 

جۇڭگو اقپارات تورابىنىڭ ءتىلشىسى جاڭ ۋەي 12 – ايدىڭ 19 – كۇنى گۇيياڭنان حابارلايدى. گۇيجوۋ ولكەلىك جوعارى دارەجەلى حالىق سوتى مەكەمەسى 12 – ايدىڭ 19 – كۇنى ەكىنشى رەت اشىق سوت اشىپ، يۇي حۋايىڭنىڭ بالا الداپ ساتۋىنا قاتىستى جوعارىلاپ ارىزدانۋ دەلوسى تۋرالى تەرگەۋ جۇرگىزدى ءارى سول كۇنى ۇكىم جاريالادى.

سۋرەتتە: سوتتاعى تەرگەۋ بارىسىنان كورىنىس. (گۇيجوۋ ولكەلىك جوعارى دارەجەلى حالىق سوتى بەرگەن سۋرەت)

سۋرەتتە: سوتتاعى تەرگەۋ بارىسىنان كورىنىس. (گۇيجوۋ ولكەلىك جوعارى دارەجەلى حالىق سوتى بەرگەن سۋرەت)

تەكسەرۋ ارقىلى انىقتاۋعا قاراعاندا، جوعارىلاپ ارىزدانۋشى يۇي حۋايىڭ 1993 – جىلدان 2003 – جىلعا دەيىنگى ارالىقتا جەكە – جەكە گۇڭ شيانلياڭ، ۋاڭ جياۋىندەرمەن بىرگە زاڭسىز پايدانى كوزدەپ، ۇزاق ۋاقىت بويى گۇيجوۋ ولكەسى، چۇڭچيڭ قالاسى، يۇننان ولكەسى قاتارلى جەرلەردە تىمىسكىلەپ ءجۇرىپ دەلو تۋدىرىپ، الداپ ساتۋ ءۇشىن بالالاردى كوزدەگەن، ويلاعانىن ىسكە اسىرعان سوڭ، الداۋعا ۇشىراعان بالالاردى حىبەي ولكەسىنىڭ حاندان قالاسىنا اپارىپ، باسقالاردىڭ تانىستىرۋى بويىنشا، بالالاردى ساتىپ الاتىن ادام ىزدەپ، الىپساتارلىق ىستەگەن، وسى ارقىلى پايداعا كەنەلگەن، وسى مەزگىلدە ول 17 بالانى الداپ ساتقان. 2024 – جىلى 10 – ايدىڭ 25 – كۇنى، گۇيجوۋ ولكەسى گۇيياڭ قالالىق ورتا دارەجەلى حالىق سوتى اتالعان دەلو جونىندە ءبىرىنشى رەت اشىق سوت اشىپ، ۇكىم جاريالاپ، ايىپكەر يۇي حۋايىڭ بالالاردى الداپ ساتۋ قىلمىسىن وتكىزگەن دەپ قاراپ، ونى ءولىم جازاسىنا ۇكىم ەتىپ، ساياسي ۇقىعىنان ومىرلىك ماحرۇم ەتكەن ءارى جەكەلىك مال – مۇلكىن تۇگەل ءمۇسادىرالاعان. ۇكىم جاريالانعان سوڭ، يۇي حۋايىڭ مەن ءىشىنارا ازاماتتىق ىستەر بويىنشا ارىز – شاعىم بەرۋشى تالاپكەرلەر ۇكىمگە مويىنسال بولماعاندىقتان، جوعارىلاپ ارىزدانعان.

گۇيجوۋ ولكەلىك جوعارى دارەجەلى حالىق سوتى مەكەمەسى ەكىنشى رەتكى سوتتا بىلاي دەپ قاراعاندا، يۇي حۋايىڭ بالالاردى تاۋار رەتىندە قالاعانىنشا ساۋدالاپ، الداپ ساتىلعان بالالاردىڭ كىسىلىك نامىسى مەن باس بوستاندىعىنا اۋىر دارەجەدە سۇعاناقتىق جاساعان. سونىمەن بىرگە، الداپ ساتىلعان بالالاردىڭ وتباسىنا اۋىر دارەجەدە زيان جەتكىزىپ، تۋىس – تۋعاندارىنان ايرىلۋىنا سەبەپكەر بولعان، مۇنىڭ ورنىن تولتىرۋ قيىن، كەيبىر اتا – انالار وسىنىڭ سالدارىنان ناۋقاسقا شالدىققان، ءتىپتى، قامىعۋمەن ومىردەن وتكەن. يۇي حۋايىڭ وسى دەلوداعى بەس رەتكى قىلمىس بارىسىندا ءبىر ۋاقىتتا ءبىر وتباسىنىڭ ەكى بالاسىن الداپ ساتقان، 2004 – جىلى باسقا ەكى بالانى الداپ ساتقانى سەبەپتى 8 جىلدىق مەرزىمدى قاماق جازاسىنا ۇكىم ەتىلگەن، سۋبيەكتيۆ جاقتا ونىڭ جاۋىزدىعى اسقىنعان، قىلمىسنىڭ زاردابى وتە اۋىر. اسىلگى ۇكىمدى شىعارعان كەزدەگى فاكت انىق، ىسپاتتار شىن ءارى تولىق، قىلمىستى تۇراقتاندىرۋى دۇرىس، قىلمىسىنا قاراي جازا كەسۋى ۇيلەسىمدى بولعان، ازاماتتىق ىستەرگە ساياتىن بولىمىندەگى تولەم بەرۋ تۋرالى ۇكىم ۇيلەسىمدى بولعان، تەرگەۋ جانە ۇكىم شىعارۋ ءتارتىبى زاڭدى. تەرگەۋ جانە ۇكىم شىعارۋ كوميسسياسى تالقىلاپ كەسىم جاساۋ ارقىلى زاڭ بويىنشا جوعارىداعىداي ۇكىم شىعارعان.

كەلۋ قاينارى: حالىق تورابى