تيانشان جەڭىس تۋنەلى بۇگىن تۇتاستىرىلادى 

52 اي بويى جاپالى قۇرىلىس جۇرگىزۋ ارقىلى ەلمىزدىڭ قاتىناس سالاسىنداعى قۇدىرەتتى مەملەكەت قۇرۋدى جەدەلدەتۋىنە ساياتىن كەلەلى نىشاندىق ينجەنەريالارىنىڭ ءبىرى، شينجياڭنىڭ وڭتۇستىگى مەن سولتۇستىگىن تۇتاستىراتىن ءۇرىمجى – لوپنۇر جوعارى قارقىندى تاس جولىنداعى شەشۋشى سيپاتتى ينجەنەريا جەڭىس تۋنەلى بۇگىن تۇتاستىرىلادى، بۇل دۇنيە جۇزىندەگى جوعارى قارقىندى تاس جولداعى ەڭ ۇزىن تۋنەل رەكوردىن جاڭالادى.

وسىنىڭ الدىندا، مەملەكەتتىك 216 – تاس جولمەن تيانشان تاۋىنان اسىپ وتۋگە شامامەن 3 ساعات ۋاقىت كەتەتىن، تيانشان جەڭىس تۋنەلى تۇتاستىرىلعان سوڭ، تيانشان تاۋىنان وتۋگە شامامەن تەك 20 مينۋتتاي ۋاقىت كەتەدى.

تيانشان جەڭىس تۋنەلى تيانشاننىڭ ورتا بولىگىنەن كەسىپ وتەدى، جالپى ۇزىندىعى 22.13 كيلومەتر، قازىرگى تاڭدا دۇنيە ءجۇزى بويىنشا جوعارى قارقىندى تاس جولداعى ەڭ ۇزىن تۋنەل سانالادى، جوباداعى ساعاتتىق قاتىناۋ جىلدامدىعى 100 كيلومەتر، قوس باعىتقا بولىنگەن ءتورت اۆتوموبيل جولى، اتاپ ايتقاندا، ءبىر تۋنەلگە ەكى اۆتوموبيل جولى ورنالاستىرىلعان. تۋنەل تيانشان تاۋىنىڭ تۇكپىرىندەگى ەلسىز مەكەندە، قۇرىلىس جۇرگىزۋ ورنى تەڭىز دەڭگەيىنەن ورتا ەسەپپەن 3000 مەتر بيىكتىكتە بولىپ، 16 ورىنداعى وپىرىلمالى ۇنتاقتى بەلدەۋدەن كەسىپ وتەدى. سونىمەن بىرگە، تۋنەل تيانشان 1 – ءنومىرلى مۇزدىعى مەن ءۇرىمجىنىڭ سۋ قاينارىن قورعاۋ رايونىندا بولعاندىقتان، ەكولوگيالىق ورتانى قورعاۋعا قويىلاتىن ولشەم دە توتەنشە جوعارى.

ءتورت جىلدان بەرى، 3000 نان استام قۇرىلىسشى ءۇستىرتتى، سۋىق، وتتەگى تاپشى ورتادا ۇزدىكسىز جاڭالىق اشىپ، تاۋ جىنىسىنىڭ جارىلۋى، جۇمساق تاۋ جىنىسى ءپىشىنىنىڭ زور وزگەرىسى، وپىرىلۋ قاتارلى ءتۇرلى گەولوگيالىق اپاتتار مەن حاۋىپ – قاتەرلەردى جەڭگەن.

كەلۋ قاينارى: حالىق تورابى