ەكى تاراۋ: ميكرو تولقىندى پەش، سۋ تازارتقىش، ىدىس - اياق جۋۋ ماشيناسى، ەلەكتر قازان قوسىمشا قاراجات بەرۋ تىزىمدىگىنە ەنگىزىلەدى

1 – ايدىڭ 8 – كۇنى، مەملەكەتتىك دامۋ جانە رەفورما كوميتەتى، قازىنا مينيسترلىگى 2025 – جىلعى كەڭ كولەمدى جابدىقتاردى جاڭالاۋ مەن تۇتىنۋ بۇيىمدارىن جاڭاسىنا اۋىستىرۋ ساياساتىن كۇش سالا اتقارۋ جونىندەگى ۇقتىرۋدى جاريالادى. مۇنىڭ ىشىندە توڭازىتقىش، كىر جۋعىش، تەلەۆيزور، اۋا رەتتەگىش، كومپيۋتەر، سۋ جىلىتقىش، وتباسى وشاق جابدىقتارى، ىس سورعىش قاتارلى 8 ءتۇرلى ءۇي ەلەكتر جابدىقتارىنىڭ كونەسىن جاڭاسىنا اۋىستىرۋ ساياساتىن جالعاستى اتقارىپ، ميكرو تولقىندى پەش، سۋ تازارتقىش، ىدىس - اياق جۋۋ ماشيناسى، ەلەكتر قازان سياقتى 4 ءتۇرلى ءۇي ەلەكتر جابدىقتارىن قوسىمشا قاراجات بەرۋ كولەمىنە ەنگىزۋ ورتاعا قويىلدى.

ۇقتىرۋدا مىنالار اتاپ كورسەتىلدى: جەكە تۇتىنۋشىلار جوعارىدا ايتىلعان 12 ءتۇرلى ءۇي ەلەكتر جابدىقتارىنىڭ 2 – دارەجەلى ەنەرگيا ونىمدىلىگى نەمەسە سۋ ونىمدىلىگى ولشەمىندەگى ونىمدەرىن ساتىپ العاندا، قوسىمشا قاراجات ولشەمى ءونىمنىڭ ساتىلۋ باعاسىنىڭ %15ى، 1 - دارەجەلى ەنەرگيا ونىمدىلىگى نەمەسە سۋ ونىمدىلىگى ولشەمى بويىنشا ساتىپ العاندا قوسىمشا قاراجات ولشەمى ءونىمدى ساتىپ الۋ باعاسىنىڭ %20ى بويىنشا بەرىلەدى. ءاربىر تۇتىنۋشىنىڭ ءار ءتۇرلى ونىمىنە ءبىر رەت قوسىمشا قاراجات الۋىنا بولادى (اۋا رەتتتەگىشتەن ەڭ كوپ بولعاندا ۇشەۋىنە بەرىلەدى)، مۇندا ءاربىر ءونىمنىڭ قوسىمشا قاراجاتى 2000 يۋاننان اسپايدى. 2024 - جىلى بەلگىلى تۇردەگى وتباسى ەلەكتر جابدىقتارى ونىمدەرىنەن كونەسىن جاڭاسىنا اۋىستىرۋ قوسىمشا قاراجاتىنان يگىلىكتەنگەن جەكە تۇتىنۋشىلار 2025 - جىلى ۇقساس تۇردەگى ءۇي ەلەكتر جابدىقتارىن ساتىپ السا جالعاستى قوسىمشا قاراجاتتان يگىلىكتەنەدى.

كەلۋ قاينارى: حالىق تورابى