بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.01.06 15:41 كەلۋ قاينارى : حالىق تورابى
ينتەرنەت ارقىلى زات ساتىپ الماعانى انىق بولسا دا، ويلاماعان جەردەن جەدەل جولداما تاپسىرىپ الاتىن جاعدايعا جولىققان با ەدىڭىز؟
ءبىر تيىن اقشا جۇمساماي – اق، كودتى جايمالاۋ ارقىلى جاڭا جىلدىق مول ساۋعاعا يە بولۋعا بولادى دەسە سەنەسىز بە؟
مۇنىڭ بارلىعى جالعان! استە، الدانىپ قالماڭىزدار!
وسىنداي جەدەل جولداما تاپسىرىپ الساڭىز، استە، قول قويىپ قابىلداماڭىز!
2024 – جىلى 12 – ايدىڭ 25 – كۇنى حاڭجوۋ قالاسى تۇڭلۋ اۋداندىق قوعام حاۋىپسىزدىگى مەكەمەسى فىنشۇي ساقشى باسقارماسىنىڭ كۇندەلىكتى تەكسەرۋ بارىسىندا ۇعىسۋىنشا، جۋىردا جۇرتشىلىق تاپسىرىپ العان جەدەل جولداما قورابىنىڭ ىشىنەن الدامكوستىككە قاتىستى ۇگىت بايقالعان. جۇرتشىلىقتىڭ الدانىپ قالۋىنان ساقتانۋ ءۇشىن، فىنشۇي ساقشى باسقارماسى بۇل جاعدايدى دەرەۋ تەكسەرىپ، ساراپتاعان جانە تۇجىرىم جاساعان، كەلۋ قاينارىن قۋزاستىرعان. ىشكەرىلەي تەكسەرۋ ارقىلى ساقشى جاق اتالعان توپتىڭ كوپ ادامنان قۇرام تاپقانىن بايقاعان. ولار ”ساۋداگەردىڭ“ تالابى بويىنشا جەدەل جولداما جولداعان كليەنتتەردىڭ ينفورماتسياسىنا زاڭسىز قول جەتكىزەدى ءارى دىمقىل قاعاز جانە الدامكوستىك مازمۇنىنداعى ۇگىت قاعازىن جەدەل جولداما قورابىمەن بىرگە قوراپتاپ، قايتادان ”ساۋداگەرلەرگە“ جولداپ بەرەدى، ”ساۋداگەرلەر“ تور جايۋ فورماسىندا بۇكىل ەلىمىزدىڭ جەر – جەرىنە جولدايدى، بۇل ۇگىت قاعازىنا كودى جايمالاۋ ارقىلى ساۋعا الۋعا بولادى دەگەن مازمۇن جازىلعان، ءىس جۇزىندە، زياندالۋشىلاردى جالعان ساۋدالاسۋ فورماسىنداعى الدامكوستىككە شىرعالايدى، جاعدايدان حابارسىز جۇرت بۇعان وڭاي الدانىپ قالادى.
12 – ايدىڭ 30 – كۇنى اتالعان توپتىڭ مۇشەلەرىنىڭ سالاۋاتى تۇراقتاندىرىلعان سوڭ، فىنشۇي ساقشى مەكەمەسى قىلمىستىق ىستەردى تەكسەرۋ ۇلكەن اترەتىمەن بىرگە وسىنىڭ الدىندا انىقتاعان ەكى ورىنداعى قىلمىستىق ىستەر اپانىنا بارىپ، تۇتقيىل تۇتقىنداۋ جۇرگىزۋگە جيىنى 20 ساقشىنى جىبەرىپ، قىلمىس كۇماندىلارىنان 6 ادامدى ءساتتى تۇتقىنداعان، سونىمەن بىرگە، جولداما ينفورماتسياسى جاپسىرىلعان جەدەل جولداما قوراپتارىنان 20 مىڭنان استامىن قولعا تۇسىرگەن، كليەنتتەردىڭ ينفورماتسياسى باسىلعان جەدەل جولداما قاعازىنان 8000 نان استامىن، الدامكوستىككە ساياتىن ۇگىت سالىنعان 20 دان استام جەدەل جولداما قورابىن، سونداي – اق، جەدەل جولداما ينفورماتسياسىن باساتىن ەكى دانا ماشينانى قولعا تۇسىرگەن.
قازىر تۇڭلۋ قوعام حاۋىپسىزدىگى مەكەمەسى بۇل 6 قىلمىس كۇماندىسىنا قىلمىستىق ءىس بويىنشا ماجبۇرلەۋ شارالارىن اتقارعان، دەلو قازىر ىشكەرىلەي تەكسەرىلۋدە.
ساقشى جاق مىنانى ەسكەرتەدى
1. ويلاماعان جەردەن جەدەل جولداما تاپسىرىپ العان جاعدايدا ساق بولىڭىز، وتە – موتە، جەدەل جولدامانىڭ ىشىنە شاعىن ساۋعا، شاعىن كارتۋچكا سالىنعان بولسا، استە، ونىڭ بەتىندەگى ەكى ولشەمدى كودتى جايمالاماڭىز، جەكەلىك قۇپيالىقتارىڭىزدى اشكەرە بولۋىنان ساقتانىڭىز.
2. ەش سەبەپسىز بىرەۋ ساۋعا ۇسىنبايدى، كەلۋ قاينارى انىق بولماعان تيىمدىلىكتەردىڭ الدامكوستەردىڭ ويلاپ تاپقان الدامكوستىك ءادىسى بولۋى ىقتيمال! وسىنداي جەدەل جولدامالارعا جولىققان كەزدە، استە، قول قويىپ تاپسىرىپ الماڭىز.
كەلۋ قاينارى: حالىق تورابى
