برازيليا ازەربايجان اۆياتسيا سەرىكتەستىگىنىڭ قۇلاعان ۇشاعىنىڭ ”قارا قوبديشاسىنداعى“ ساندى مالىمەتتەردى قازاقستانعا وتكىزىپ بەردى 

برازيليا اۋە ارمياسىنىڭ 1 – ايدىڭ 6 – كۇنى ايتۋىنشا، ازەربايجان اۆياتسيا سەرىكتەستىگىنىڭ قۇلاعان ۇشاعىنىڭ ينفورماتسيالارىن ەستەلىككە الۋ جۇيەسىندەگى (”قارا قوبديشا“) ساندى مالىمەتتەرگە تالداۋ جاساعان ءارى ونى قازاقستاننىڭ اۆياتسيالىق شىرعالاڭدارعا تەكسەرۋ جۇرگىزۋ مەكەمەسىنە وتكىزىپ بەرگەن.

برازيليا اۋە ارمياسىنىڭ سول كۇنى جاريالاعان مالىمدەمەسىنە قاراعاندا، ازەربايجان اۆياتسيا سەرىكتەستىگىنىڭ قۇلاعان جولاۋشىلار ۇشاعىنىڭ ”قارا قوبديشاسى“ 1 – ايدىڭ 1 – كۇنى برازيليا قالاسىنا اپارىلعان ءارى برازيليا اۆياتسيالىق شىرعالاڭداردى تەكسەرۋ جانە ودان ساقتانۋ ورتالىعىنا جەتكىزىلگەن. ساندى مالىمەتتەردى الۋ مەن تالداۋ جاساۋ قىزمەتى 1 – ايدىڭ 4 – كۇنى اياقتاعان. حالىقارالىق كەلىسىمشارتقا ساي، برازيليا اۋە ارمياسى بارلىق ساندى مالىمەتتەردى وسى رەتكى شىرعالاڭدى تەكسەرۋگە جاۋاپتى بولعان قازاقستان اۆياتسيالىق شىرعالاڭداردى تەكسەرۋ مەكەمەسىنە وتكىزىپ بەرگەن.

2024 – جىلى 12 – ايدىڭ 25 – كۇنى، ازەربايجان اۆياتسيا سەرىكتەستىگىنىڭ ازەربايجاننىڭ باكۋ قالاسىنان رەسەيدىڭ گروزني قالاسىنا قاراي ۇشقان جولاۋشىلار ۇشاعى قازاقستاننىڭ باتىس بولىگىندەگى اقتاۋ قالاسىنىڭ ماڭىندا قۇلاعان. ۇشاقتا جيىنى 62 جولاۋشى، 5 ۇشاق قىزمەتكەرى بولعان، ولاردىڭ ىشىندە 38 ادام قازا بولعان. شىرعالاڭعا ۇشىراعان جولاۋشىلار ۇشاعىن برازيليا اۆياتسيالىق ونەركاسىپ سەرىكتەستىگى جاساعان.

كەلۋ قاينارى: حالىق تورابى