شينجياڭ 18 ءتۇرلى شارانى ورتاعا قويىپ، اسكەري مىندەتتەن بوساعان اسكەريلەردىڭ جۇمىستانۋعا، شارۋاشىلىق قۇرۋىنا دەم بەردى 

تيانشان تورى – شينجياڭ گازەتىنىڭ ءتىلشىسى رىن حۋا حابارلايدى. «اۆتونوميالى رايوندىق اسكەري مىندەتتەن بوساعان اسكەريلەر ىستەرى مەڭگەرمەسى قاتارلى 19 تاراۋدىڭ ‹اسكەري مىندەتتەن بوساعان اسكەريلەردىڭ جۇمىستانۋىن، شارۋاشىلىق قۇرۋىن ونان ارى كۇشەيتۋ جاعىنداعى ناقتى شارالاردى› باسىپ تاراتۋ جونىندەگى ۇقتىرۋى» (تومەندە قىسقاشا «ۇقتىرۋ» دەلىنەدى) بىرنەشە كۇننىڭ الدىندا شىعارىلىپ، 18 ءتۇرلى شارا ورتاعا قويىلىپ، اسكەري مىندەتتەن بوساعان اسكەريلەردىڭ جۇمىستانۋىن، شارۋاشىلىق قۇرۋىن جەبەدى.

تاربيەلەۋ -جەتىلدىرۋ جاعىندا، اۆتونوميالى رايون دەربەس جۇمىستانۋدى تاڭداعان اسكەري مىندەتتەن بوساعان اسكەريلەرگە باعىتتالعان بەيىمدەلۋ سيپاتتى كۋرستى ولار مىندەتتەن بوساعان ساتتە دەرەۋ اتقارىپ، ”ينتەرنەت + كۋرس“ قاتارلى ءتۇرلى وقىتۋ تاسىلدەرىن قولدانىپ، اسكەري مىندەتتەن بوساعاندارعا قاتىستى ساياساتتار جونىندە ۇگىت ـ لەكسيا جاساۋ، پسيحولوگيالىق جاقتان سايكەستىرۋ، كاسىپتىك جاقتان جەتەكشىلىك ەتۋ قاتارلى جاقتارداعى كۋرستەردى ورىستەتەدى؛ سونىمەن بىرگە، دەربەس جۇمىستانعان اسكەري مىندەتتەن بوساعان اسكەريلەردى كاسىپتىك شەبەرلىككە باۋلۋدى كۇشەيتىپ، شۇعىل قاجەتتى، كەمشىل كاسىپتىك جانە قولدانىلمالى دارىندىلاردى، جوعارى تەحنيكالىق دارىندىلاردى باۋلۋدى ۇيىمداستىرىپ ورىستەتىپ، ادام ىستەتۋ سۇرانىسى كوپ، تەحنيكالىق قۇرامى جوعارى حالىقتىق كاسىپورىنداردى ”كاسىپورىنداردىڭ جاڭاشا شاكىرت ءتۇزىمى“ ۇلگىسى ارقىلى دەربەس جۇمىستانباقشى بولعان اسكەري مىندەتتەن بوساعان اناعۇرلىم اسكەريلەردى باۋراۋعا شابىتتاندىرادى جانە قولدايدى.

قىزمەتكەر قابىلداۋعا ۇيىمداستىرۋ جاعىندا، ورگانداردان، بۇقارالىق ۇيىمداردان، ءىسورىنداردان قىزمەتكەر قابىلداعاندا، اسكەري مىندەتتەن بوساعان اسكەريلەرگە قويىلاتىن جاس شاماسى، وقۋ تاريحى جاعىنداعى شارتتاردى لايىقتى كەڭەيتىپ، ۇقساس شارت - جاعدايدا اسكەري مىندەتتەن بوساعان اسكەريلەردى الدىمەن قابىلداۋدى تالاپ ەتەدى. اۋداندارداعى ( قالا ، رايون ) ءىسورىنداردىڭ اسكەري مىندەتتەن بوساعان اسكەريلەردى باعىتتامالى تۇردە قابىلدايتىن قىزمەت ورنىن بەلگىلەۋىنە بولادى. مۇنان سىرت، اسكەري مىندەتتەن بوساعان اسكەريلەردىڭ نەگىزگى ساتىداعى قوعامدىق جونگە سالۋ قىزمەتىندەگى رولىن ساۋلەلەندىرۋگە دە باسا ءمان بەرىپ، اسكەري مىندەتتەن بوساعان اسكەريلەردىڭ ىشىندەگى ۇزدىكتەرىن زاڭ بويىنشا سايلاۋ جۇرگىزۋ ارقىلى قىستاقتارداعى (الەۋمەتتىك اۋماقتارداعى) ”ەكى كوميتەت“ باسشىلىق قۇرامىنا كىرگىزۋگە الدىمەن كورسەتىپ، اسكەري مىندەتتەن بوساعان اسكەريلەردىڭ اراسىنداعى پارتيالىلاردان قىستاق پارتيا ۇيىمىنىڭ شۋجيىن تاربيەلەپ جانە تاڭداپ، ”اسكەري ياچەيكا شۋجيلارىنان“ قۇرام تاپقان قوسىندى جەتىلدىرەدى.

«حابارلاندىرۋدا» مىناداي مازمۇندار دا ورتاعا قويىلدى: قارجى قۇراۋىنا قولداۋ كورسەتۋدى كۇشەيتۋ، وزىندىك قۇندى زور كۇشپەن تومەندەتىپ، اۋىرتپالىقتى جەڭىلدەتۋ، قوسىمشا قاراجات بەرۋدى جانە تيىمدىلىك جاساۋدى تياناقتاندىرۋ، شارۋاشىلىق قۇرۋدى شارت – جاعدايمەن قامداۋ، شارۋاشىلىق قۇرۋ جارىسىن وتكىزۋ، جەكە ساۋدا - ونەركاسىپشىلەردى جەتەلەۋدى جانە سۇيەمەلدەۋدى كۇشەيتۋ، شابىتتاندىرۋ مەحانيزمىن اقاۋسىزداندىرۋ قاتارلى شارالار ارقىلى اسكەري مىندەتتەن بوساعان اسكەريلەردىڭ جۇمىستانۋىن، شارۋاشىلىق قۇرۋىن كۇش سالا ىلگەرىلەتىپ، تۇتاس قوعام اسكەري مىندەتتەن بوساعان اسكەريلەردىڭ جۇمىستانۋىنا، شارۋاشىلىق قۇرۋىنا جاپپاي كوڭىل بولەتىن، قولداۋ كورسەتەتىن تاماشا راي قالىپتاستىرادى.

كەلۋ قاينارى: حالىق تورابى