اۋىل - قىستاقتاردا ەگىستىك جەردى جاڭادان الباتى يەمدەنىپ ءۇي سالۋ ماسەلەسىن باتىل تەجەيىك 

حالىق گازەتىنىڭ ءتىلشىسى چاڭ چين 2 – ايدىڭ 4 – كۇنى بەيجيڭنەن حابارلايدى. جۋىردا جاراتىلىستىق بايلىق مينيسترلىگى مەن اۋىل شارۋاشىلىعى جانە اۋىل – قىستاق مينيسترلىگى بىرلەسىپ ۇقتىرۋ باسىپ تاراتىپ، ”سەگىز ءتۇرلى ارەكەتكە جول قويماۋعا“ قاتاڭ بويسۇنىپ، اۋىل – قىستاقتاردا ەگىستىك جەردى جاڭادان الباتى يەمدەنىپ ءۇي سالۋ ماسەلەسىن باتىل تەجەۋدى تالاپ ەتكەن.

تانىستىرۋعا قاراعاندا، 2020 - جىلى 7 - ايدا «اۋىل - قىستاقتاردا ەگىستىك جەردى الباتى يەمدەنىپ ءۇي سالۋعا قاتىستى ”سەگىز ءتۇرلى ارەكەتكە جول قويماۋ“ جونىندەگى حابارلاندىرۋ» جاريالانعاننان بەرى، جەر - جەر ارناعا ءتۇسىرۋ مەن تەجەۋدى ۇشتاستىرىپ، ”مۇلدە جول قويماۋ“ پوزيتسياسىمەن ەگىستىك جەردى جاڭادان الباتى يەمدەنىپ ءۇي سالۋ ماسەلەسىن باتىل تەجەپ، جاڭادان ارتقان ماسەلەلەردىڭ كوپ تۋىلۋ جاعدايىن العاشقى ادىمدا تەجەگەن. الايدا كەيبىر جەرلەردە ”سەگىز ءتۇرلى ارەكەتكە جول قويماۋ“ تالابىنا قايشىلىق جاساۋ، ەگىستىك جەردى الباتى يەمدەنۋ، ءبۇلدىرۋ قاتارلى ماسەلەلەر ءالى دە ورىن تەۋىپ، اۋىل - قىستاقتاردا ەگىستىك جەردى الباتى يەمدەنىپ ءۇي سالۋدى ارناۋلى وڭاۋ قىزمەتىنىڭ ساپاسىنا، ونىمدىلىگىنە ىقپال جاساۋدا.

وسى رەتكى حابارلاندىرۋدا مىنالار تالاپ ەتىلدى: ەگىستىك جەردى بەتالدى يەمدەنۋ، ءبۇلدىرۋ سىندى زاڭعا قايشى ارەكەتتەردى باتىل جونگە سالىپ، ءتۇرىن وزگەرتىپ ساۋدالاۋدان، جەردى قوسىپ الۋدان قاتاڭ ساقتانىپ، ”جىلىجاي ورنىنا سالعان ۇيلەردىڭ“ قايتا باس كوتەرۋىنەن شىنايى ساقتانىپ، قارا توپىراقتى يەمدەنىپ الىپ، ”ەرەكشەلىككە يە شاعىن قالاشىق“ قۇرۋ قاتارلى ەگىستىك جەردى يەمدەنىپ الۋعا ساياتىن ماسەلەلەردى باتىل جونگە سالۋ كەرەك. تۇتاس تىزبەك بويىنشا باقىلاۋ ـ باسقارۋ جۇرگىزۋدى كۇشەيتىپ، جەر بايلىعىن اشۋدىڭ، پايدالانۋدىڭ تۇتاس بارىسىن، ءارقايسى بۋىندارىن باقىلاۋ ـ باسقارۋ وتكەلىن ويداعىداي يگەرىپ، ەگىستىك جەردى قورعاۋ قىزمەتىن اناعۇرلىم قاتايتىپ، ەگىستىك جەردىڭ ءبىر ميلليارد 800 ميلليون مۋلىق قىزىل سىزىعى مەن جەر باسقارۋ ساياساتىنىڭ تومەنگى شەگىن بەرىك ساقتاۋعا كەپىلدىك ەتۋ كەرەك.

كەلۋ قاينارى: حالىق تورابى