بۇگىن ساعات نولدەن باستاپ ەل ىشىندەگى اۋە جولدارىندا جانارماي قوسىمشا قاراجاتى جوعارىلادى 

ءتىلشىنىڭ اۆياتسيا سەرىكتەستىكتەرىنەن ۇعىسۋىنشا ، بۇگىن (2 –ايدىڭ 5 - كۇنى) ساعات نولدەن باستاپ، مەملەكەت ىشىندەگى اۆياتسيا جەلىلەرىندە جانارماي قوسىمشا قاراجاتى جوعارىلاتىلادى ەكەن. رەتتەلگەننەن كەيىن، مەملەكەت ىشىندەگى اۆياتسيا لەنيالارىندا ەرەسەك جولاۋشىلاردان جانارماي قوسىمشا قاراجاتىن الۋ ولشەمى مىناداي: 800 كيلومەترلىك جانە ودان جاقىن ارالىقتاعى اۆياتسيا لەنيالارىندا ءار ءبىر جولاۋشىدان 20 يۋان الىنادى؛ 800 كيلومەتردەن استام ارالىقتاعى اۆياتسيا جەلىلەرىندە ءار بىر جولاۋشىدان 40 يۋان الىنادى. رەتتەۋ الدىنداعى باعامەن سالىستىرعاندا، جەكە- جەكە 10 يۋان جانە 20 يۋان جوعارىلاتىلادى. مۇنىڭ ىشىندە، بالالاردان، توڭكەرىس بارىسىندا مۇگەدەك بولعان اسكەرلەردەن، ۇكىمەت قىزمەتى بارىسىندا مۇگەدەك بولعان حالىق ساقشىلارىنان ءىس جۇزىندىك اقى الۋ ولشەمىنىڭ جارتىسى بويىنشا اقى الىنادى، نارەستە جولاۋشىلاردان جانارماي قوسىمشا قاراجاتى الىنبايدى. بۇل بيىل جىل باسىنان بەرى ەل ىشىندەگى اۋە جولدارىندا جانارماي قوسىمشا قاراجاتىنىڭ تۇڭعىش رەت رەتتەلۋى.

كەلۋ قاينارى: حالىق تورابى