ەلىمىز ا ق ش – نىڭ كەدەن باجىسىن ۇستەمەلەۋ شاراسى جونىندە دۇنيە جۇزىلىك ساۋدا ۇيىمىنىڭ داۋ – شاردى شەشىم ەتۋ مەحانيزمىنە ارىزداندى 

شينحۋا اگەنتتىگىنىڭ 2 – ايدىڭ 4 – كۇنى بەرگەن حابارى. 2 – ايدىڭ 1 – كۇنى، ا ق ش فەنتانيل قاتارلى ماسەلەلەردى جەلەۋ ەتىپ، جۇڭگونىڭ ا ق ش – نا ەكسپورت ەتەتىن تاۋارلارىنان الىناتىن كەدەن باجىسىن %10 ۇستەمەلەيتىنىن جاريالاعان. ساۋدا مينيسترلىگىنىڭ مالىمدەمەشىسى 2 – ايدىڭ 4 – كۇنى مىنانى ءبىلدىردى: ا ق ش – نىڭ جۇڭگونىڭ ا ق ش – نا ەكسپورت ەتەتىن ونىمدەرىنەن الىناتىن كەدەن باجىسىن ۇستەمەلەۋى دۇنيە جۇزىلىك ساۋدا ۇيىمىنىڭ ەرەجەلەرىنە اۋىر دارەجەدە قايشى كەلەدى، سيپاتى وتە ناشار، تيپتىك سىڭار جاقتىلىق جانە ساۋدالىق قورعانىمپازدىق ارەكەتى سانالادى. جۇڭگو جاق ءوزىنىڭ زاڭدى ۇقىق – مۇددەسىن قورعاۋ ءۇشىن، ا ق ش – نىڭ كەدەن باجىسىن ۇستەمەلەۋ شاراسى جونىندە دۇنيە جۇزىلىك ساۋدا ۇيىمىنىڭ داۋ – شاردى شەشىم ەتۋ مەحانيزمىنە ارىزداندى.

سونىمەن بىرگە، مەملەكەتتىك كەڭەستىڭ كەدەندىك باجى ەرەجەسى كوميتەتى 2 – ايدىڭ 4 – كۇنى حابارلاندىرۋ شىعارىپ، 2 – ايدىڭ 10 - كۇنىنەن باستاپ، ا ق ش – ندا وندىرىلگەن ءىشىنارا يمپورتتىق تاۋارلاردان كەدەن باجىسىن ۇستەمەلەپ الۋدى جاريالادى. كومىردەن، سۇيىلتىلعان تابيعي گازدان الىناتىن كەدەن باجىسى %15 ۇستەمەلەنەدى؛ مۇنايدان، اۋىل شارۋاشىلىق ماشينالارىنان، جاراقسىز گاز ىعىستىرۋ مولشەرى جوعارى اۆتوموبيلدەردەن، پيكادان كەدەن باجىسى %10 ۇستەمەلەپ الىنادى؛ ا ق ش - ىندا ءوندىرىلىپ، ەلىمىزگە يمپورت ەتىلگەن ءبىر ءبولىم تاۋارلاردان قازىر اتقارىلىپ وتىرعان كەدەن باجىسىنىڭ باجى مولشەرى نەگىزىندە جەكە - جەكە سايكەستى كەدەن باجىسى ۇستەمەلەپ الىنادى؛ قازىر اتقارىلىپ وتىرعان باجىنى از الۋ، باجىنى كەمەيتۋ، باجىنى الماۋ ساياساتى وزگەرمەيدى، وسى رەت ۇستەمەلەپ الىناتىن كەدەن باجىسى ازايتىلمايدى نەمەسە كەشىرىم ەتىلمەيدى.

سول كۇنى، ساۋدا مينيسترلىگى مەن كەدەن باس مەكەمەسى 2025 - جىلعى 10 -ءنومىرلى ۇقتىرۋىن شىعارىپ، ۆولفرام، تەللۋر، بيسمۋت، موليبدەن، ينديي قاتارلى زاتتاردى ەكسپورت ەتۋدى باسقارۋ – تەجەۋ شاراسىن اتقارۋ تۋرالى قاۋلى قابىلداعانىن جاريالادى؛ سەنىمسىز ناقتى تۇلعالار تىزىمدىگى قىزمەت مەحانيزمى ا ق ش – نىڭ PVH توبى مەن يللۋمينا سەرىكتەستىگىن سەنىمسىز ناقتى تۇلعالار تىزىمدىگىنە ەنگىزدى؛ بازاردى باقىلاۋ – باسقارۋ باس مەڭگەرمەسى مونوپوليالاۋعا قارسى تۇرۋ ءۇشىن زاڭ بويىنشا گۋگل سەرىكتەستىگىنىڭ ۇستىنەن دەلو تۇرعىزىپ تەكسەرۋ جۇرگىزدى.

كەلۋ قاينارى: حالىق تورابى