شينجياڭدىق ازامات اقبوز اتپەن حانجياڭ وزەنىنە ءتۇسىپ ادام قۇتقارعان 

2 ـ ايدىڭ 4 ـ كۇنى حۋبەي ولكەسى شيانتاۋ قالاسىندا ءبىر ەر ادام ابايسىزدا حانجياڭ وزەنىنە ءتۇسىپ كەتەدى، ونىڭ قىزى اكەسىن قۇتقارماق بولىپ، وزەنگە سەكىرىپ تۇسەدى. وسى كەزدە شينجياڭنان كەلگەن ىلەباي ەسىمدى ازامات اقبوز اتپەن وزەنگە ءتۇسىپ، سۋعا كەتكەن ادامدى قۇتقارۋعا كىرىسەدى، ونىڭ دوسى سۋ شاۋگاۋ دا سۋداعى ادامداردى قۇتقارۋ ءۇشىن اتپەن سۋعا تۇسەدى.

سۋرەتتە: شينجياڭدىق ازامات اقبوز اتپەن حانجياڭ وزەنىنەن ادام قۇتقاردى.

سونىمەن بىرگە، قىستا سۋعا ءجۇزۋ اۋەسكەرى ليۋ حاڭجوۋ دا قۇتقارۋعا جەدەل قاتىناسىپ، ەڭ سوڭىندا ۇشەۋى سۋداعى اكەلى - بالالى ەكەۋىن ءساتتى قۇتقارعان. ىلەبايدىڭ دوسى سۋ شاۋگاۋ بىلاي دەدى: ”سۋعا ءوزىم ءتۇسىپ ادام قۇتقارسام با دەپ دەگەنمىن، ءبىراق اۋا تەمپەراتۋراسى تومەن كەزدە، اتپەن بارىپ قۇتقارعان تەز بولار دەپ ويلادىم“.

ۇعىسۋعا قاراعاندا، ىلەباي 6 جاسىنان باستاپ اساۋ ۇيرەتكەن، بۇل اتقا «بايلۇڭ» دەپ ات قويعان. ول ”ادامدى قۇتقارۋدىڭ ەڭ ماڭىزدى ەكەنىن، باسقالارعا كومەك قاجەت بولسا بولعانى، كومەك قولىن سوزاتىنىن“ ءبىلدىردى.

ادام قۇتقارۋعا قاتىستى بۇل كەسكىن جاريالانعان سوڭ، تەز ارادا توراپتاستاردىڭ نازارىن اۋداردى، كوپشىلىك پىكىر جازۋ ورنىنا ”ەرجۇرەك ەكەن“، ”باتىرلارعا قۇرمەت بىلدىرەمىز، تۇلپارعا قۇرمەت بىلدىرەمىز“، ”ناعىز جىگىت ەكەن“ دەگەن لەبىزدەردى قالدىرعان.

كەلۋ قاينارى: حالىق تورابى