ەڭ جاڭاسى! جەر-جەردىڭ ەڭ تومەنگى ەڭبەكاقى ولشەمى جاريالاندى

ادام كۇشى بايلىعى جانە قوعامدىق قامتاماسىزداندىرۋ مينيسترلىگى 4 – ايدىڭ 3 - كۇنى بۇكىل ەلدەگى ءارقايسى ولكە، اۆتونوميالى رايون، توتە قاراستى قالالاردىڭ ەڭ تومەنگى ەڭبەكاقى ولشەمى جاعدايىن جاريالادى (2025 – جىلى 4 – ايدىڭ 1 - كۇنىنە دەيىن). ساندى مالىمەتتە كورسەتىلۋىنشە، قازىر 21 ولكەنىڭ ءبىرىنشى دەڭگەيدەگى ايلىق ەڭ تومەنگى ەڭبەكاقى ولشەمى 2100 يۋان جانە ودان جوعارى، 8 ولكەنىڭ ءبىرىنشى دەڭگەيدەگى ايلىق ەڭ تومەنگى ەڭبەكاقى ولشەمى 2300 يۋاننان اسقان.

بيىل جىل باسىنان بەرى كوپتەگەن ولكە ەڭ تومەنگى ەڭبەكاقى ولشەمىن جوعارىلاتتى. 4 - ايدىڭ 1 - كۇنىنەن باستاپ فۋجيان ولكەسى ەڭ تومەنگى ەڭبەكاقى ولشەمىن جوعارىلاتتى، وسى رەتكى رەتتەۋدەن كەيىن 4 دەڭگەي ساقتاپ قالىندى، ايلىق ەڭ تومەنگى ەڭبەكاقى ولشەمى جەكە - جەكە 2265 يۋان، 2195 يۋان، 2045 يۋان، 1895 يۋان، تولىق كۇندىك ەمەس جۇمىسشى ىستەتۋدىڭ ساعاتتىق ەڭ تومەنگى ەڭبەكاقى ولشەمى جەكە - جەكە 23.5 يۋان، 23 يۋان، 21.5 يۋان، 20 يۋان بولدى.

3 – ايدىڭ 1 - كۇنىنەن باستاپ گۋاڭدۇڭ ولكەسى وسى ولكەدەگى تولىق كۇندىك جۇمىسقا ورنالاسقان ەڭبەكشىلەردىڭ ايلىق ەڭ تومەنگى ەڭبەكاقى ولشەمى مەن تولىق كۇندىك ەمەس ساعاتتىق ەڭ تومەنگى ەڭبەكاقى ولشەمىن رەتتەپ جوعارىلاتتى. وسى رەتكى رەتتەۋ ءالى دە ءتورت ءتۇرلى ولشەمدى ساقتاپ كەلەدى، مۇنىڭ ىشىندە گۋاڭجوۋ، شىنجىن ءبىرىنشى تۇردەگى ولشەمدى اتقارادى، گۋاڭجوۋ قالاسى ايىنا 2500 يۋان، شىنجىن قالاسى ايىنا 2520 يۋان، ەكى قالانىڭ سايكەستى تولىق كۇندىك ەمەس ساعاتتىق ەڭ تومەنگى ەڭبەكاقى ولشەمى ساعاتىنا 23.7 يۋان بولادى.

2 – ايدىڭ 1 – كۇنىنەن باستاپ گۇيجوۋ ەڭ تومەنگى ەڭبەكاقى ولشەمىن رەتتەپ، ايلىق ەڭ تومەنگى ەڭبەكاقى ولشەمىن ءبىرىنشى ءتۇرىن 2130 يۋانعا، ەكىنشى ءتۇرىن 1980 يۋانعا، ءۇشىنشى ءتۇرىن 1890 يۋانعا رەتتەدى. سونىمەن بىرگە، ساعاتتىق ەڭ تومەنگى ەڭبەكاقى ولشەمى سايكەستى جوعارىلاتىلدى: تولىق كۇندىك ەمەس جۇمىسشى ىستەتۋدىڭ ساعاتتىق ەڭ تومەنگى ەڭبەكاقى ولشەمى رەتى بويىنشا ءبىرىنشى ءتۇرى 22.4 يۋان، ەكىنشى ءتۇرى 20.8 يۋان، ءۇشىنىشى ءتۇرى 19.8 يۋان بولدى.

سىچۋان، چۇڭچيڭ، شينجياڭ، سانشي ولكەلەرىندە دە ەڭ تومەنگى ەڭبەكاقى ولشەمى رەتتەلدى، رەتتەلگەننەن كەيىنگى ەڭ تومەنگى ەڭبەكاقى ولشەمى 2025 – جىلى 1 – ايدىڭ 1 - كۇنىنەن باستاپ اتقارىلادى.

كەلۋ قاينارى: حالىق تورابى