جاڭبىر جاۋا ما، الدە قار جاۋا ما؟ چيڭميڭ مەرەكەسى دەمالىسىندا بۇكىل شينجياڭنىڭ اۋا رايى جاعدايىن كورىڭىزدەر

4 – ايدىڭ 2 – كۇنى ءتىلشىنىڭ شينجياڭ اۋا رايى ستانسياسىنان ۇعىسۋىنشا، چيڭميڭ مەرەكەسىنىڭ دەمالسى كەزىندە (4 – ايدىڭ 4 – كۇنىنەن 6 – كۇنىنە دەيىن) شينجياڭدا الدىمەن كۇن اشىق بولىپ، سوڭىنان جاڭبىر جاۋادى، 4 – ايدىڭ 4 – كۇنى بۇكىل شينجياڭدا نەگىزىنەن كۇن اشىق بولادى نەمەسە بۇلتتى بولادى، 5 – كۇنىنەن 6 – كۇنىنە دەيىن سولتۇستىك شينجياڭنىڭ باتىس بولەگى، سولتۇستىك بولەگى قاتارلى جەرلەردە سەبەزگى جاڭبىر نەمەسە قار جاۋادى، جوعارىدا اتالعان جەرلەردە قىسقا ۋاقىت ىشىندە قاتتى جاڭبىر جاۋاتىن، بۇرشاق جاۋاتىن، ناجاعاي جارقىلداپ، بوران سوعاتىن كۇشتى كونۆەكسيالىق اۋا رايىنىڭ تۋىلۋ مۇمكىندىگى ءبىر شاما زور، قاتىستى تاراۋلاردىڭ ساقتانۋدى كۇشەيتۋىن ۇسىنىس ەتەمىز.

4 - ايدىڭ 4 - كۇنى كۇندىزدەن تۇنگە دەيىن، بۇكىل شينجياڭنىڭ باسىم كوپ ءبولىم جەرىندە نەگىزىنەن كۇن اشىق نەمەسە بۇلتتى بولادى، تارباعاتاي ايماعىنىڭ سولتۇستىگى، التاي ايماعى، ءۇرىمجى قالاسىنىڭ وڭتۇستىك ماڭىنان دابانچىڭ وڭىرىنە دەيىن، سانجى حۇيزۋ اۆتونوميالى وبلىسىنىڭ شىعىس بولەگى قاتارلى جەرلەردىڭ ءىشىنارا وڭىرلەرىندە قيىس شىعىستان 5 بال اينالاسىندا جەل سوعادى، مۇنىڭ ىشىندە تارباعاتاي ايماعىنىڭ سارعۋسىن جانە مايتاس جەل وتىندە، التاي ايماعىنىڭ نوقاي جەل وتىندە، ءۇرىمجى قالاسىنىڭ ۇلانباي جانە حۇڭيانچى قاتارلى جەل وتتەرىندە 9 بال بوران سوعادى، مەزەتتىك جەل كۇشى 9 بال اينالاسىندا بولادى.

4 - ايدىڭ 5 - كۇنى كۇندىزدەن تۇنگە دەيىن سولتۇستىك شينجياڭنىڭ باتىس بولەگىندە، سولتۇستىك بولەگىندە سەبەزگى جاڭبىر نەمەسە قار (تاۋلى رايوندا قار) جاۋادى، مۇنىڭ ىشىندە ىلە اڭعارى، تارباعاتاي ايماعىنىڭ ءىشىنارا وڭىرلەرىندە ورتاشا نەمەسە قالىڭ جاڭبىر نەمەسە قار جاۋادى. سولتۇستىك شينجياڭنىڭ باسىم كوپ بولەك جەرىندە باتىس سولتۇستىكتەن 5 تە 6 بال بوران سوعادى، مەزەتتىك جەل كۇشى 7 دە 8 بال اينالاسىندا بولادى، جەل وتىندەگى جەل كۇشى 10 دا 11 بالعا جەتەدى.

4 - ايدىڭ 6 - كۇنى كۇندىزدەن تۇنگە دەيىن، سولتۇستىك شينجياڭنىڭ باتىس بولىگى، تيانشان تاۋلى ءوڭىرى جانە سولتۇستىك بەتكەيى، بايىنعولىن موڭعۇل اۆتونوميالى وبلىسى، قىزىلسۋ قىرعىز اۆتونوميالى وبلىسىنىڭ تاۋلى ءوڭىرى قاتارلى جەرلەردىڭ ءىشىنارا وڭىرلەرىندە سەبەزگى جاڭبىر نەمەسە قار (تاۋلى وڭىردە قار) جاۋادى. ءىشىنارا وڭىرلەردە ورتاشا نەمەسە قالىڭ جاڭبىر نەمەسە قار جاۋادى، جوعارىدا ايتىلعان باسىم كوپ وڭىرلەر مەن اقسۋ ايماعىنىڭ، حوتان ايماعىنىڭ ءىشىنارا وڭىرلەرىندە باتىس سولتۇستىكتەن 5 بال اينالاسىندا جەل سوعادى، مەزەتتىك جەل كۇشى 7 دە 8 بال بولادى، جەل وتتەرىندەگى جەل كۇشى 10 دا 11 بالعا جەتەدى؛ وڭتۇستىك شينجياڭداعى ويپاتتاردىڭ ورتا بولەگىندەگى ءىشىنارا وڭىرلەردە قىسقا ۋاقىت قۇمدى بوران سوعادى.

كەلۋ قاينارى: حالىق تورابى