بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.03.28 16:38 كەلۋ قاينارى : حالىق تورابى
شينحۋا اگەنتتىگىنىڭ 3 ـ ايدىڭ 27 ـ كۇنى فۋجوۋدان بەرگەن حابارى. 3 ـ ايدىڭ 27 ـ كۇنى فۋجيان ولكەسى فۋجوۋ قالالىق ورتا دارەجەلى حالىق سوت مەكەمەسى 13 ـ كەزەكتى مەملەكەتتىك ساياسي كەڭەستىڭ مۇشەسى ليۋ يۋەجيننىڭ (ورىنباسار مينيستر دارەجەلى) پارا الۋ دەلوسىنا ءبىرىنشى سوتتا اشىق سوت اشتى.
فۋجيان ولكەسى فۋجوۋ قالالىق حالىق پروكۋراتۋراسى بىلاي دەپ ايىپتادى: 1992 - جىلدان 2020 - جىلعا دەيىن ايىپكەر ليۋ يۋەجين تيانجين قالالىق قوعام حاۋىپسىزدىگى مەكەمەسى تاڭگۋ بولىمشە مەكەمەسىنىڭ ورىنباسار باستىعى، قوعام حاۋىپسىزدىگى مينيسترلىگى ەسىرتكىگە تيىم سالۋ مەكەمەسىنىڭ باستىعى، پارتكوم مۇشەسى، مينيستردىڭ كومەكشىسى، مەملەكەتتىك ەسىرتكىگە تيىم سالۋ كوميتەتىنىڭ ورىنباسار مەڭگەرۋشىسى، قوسىمشا كەڭسە مەڭگەرۋشىسى قاتارلى قىزمەت قولايلىلىعىنان پايدالانىپ، قاتىستى ورىندار مەن جەكەلەردىڭ كاسىپورىن تيجاراتى، قارجى قۇراۋ قارىز اقشاسى قاتارلى جۇمىستارىنا كومەكتەسىپ، تىكەلەي نەمەسە باسقالار ارقىلى زاڭسىز قابىلداعان مال – مۇلكى حالىق اقشاسىنا سىندىرعاندا جيىنى 121 ميلليون يۋاننان اسقان. پروكۋراتۋرا ورگانى ليۋ يۋەجيننىڭ پارا الۋ قىلمىسى بويىنشا قىلمىستىق ىستەر جاۋاپكەرشىلىگىن قۋزاستىرۋدى ۇسىنىس ەتتى.
سوتتا پروكۋراتۋرا ورگانى قاتىستى دالەل - ىسپاتتاردى كورسەتتى، ايىپكەر ليۋ يۋەجين مەن ونىڭ اقتاۋشىسى فاكت كورسەتتى، شاعىم ايتۋشى مەن اقتاۋشى ەكى جاق سوتتىڭ باسقارۋىندا تولىق پىكىر ايتتى، ليۋ يۋەجين ەڭ سوڭعى ءسوزىن سويلەدى ءارى سوتتا قىلمىسىن تانىپ، وكىنەتىندىگىن ءبىلدىردى.
سوڭىندا سوتتىڭ ءۇزىلىس جاساعانىن، سوت ۇكىمىن ارتىنا شىعاراتىندىعىن جاريالادى. قوعامداعى ءار سالا بۇقاراسىنان 20 نەشە ادام سوت تەرگەۋىن سىرتتاي تىڭدادى.
كەلۋ قاينارى: حالىق تورابى
