قوعام حاۋىپسىزدىگى ورگاندارى ”سانانى جەتىلدىرۋ“ تۇرىندەگى زاڭسىز كۋرستاردى تەجەۋگە ءناسيحاتتادى 

جۋىردا كوپتەگەن جەردە قوعام حاۋىپسىزدىگى ورگاندارى جۇرتشىلىقتىڭ اشكەرەلەۋىن ارت - ارتىنان تاپسىرىپ الىپ، كەيبىر زاڭسىز ۇيىمداردىڭ تاربيەلەنۋشىلەردى رۋحاني جاقتان تىزگىندەپ، ولاردان جوعارى سوماداعى ”تاربيەلەۋ قاراجاتىن“ الىپ، ”سەندەردىڭ مەنەن اتتاپ ءوتىپ، الەممەن تىپتەن جاقسى بايلانىس ورناتۋلارىڭ مۇمكىن ەمەس“، ”ءسىزدىڭ تۇراقتى مۇلكىڭىز سىزگە شىنايى حاۋىپسىزدىك سەزىمىن باعىشتاي المايدى، كەرىسىنشە، ءسىزدىڭ ءومىرىڭىز توقىراۋعا تاپ قىلادى“ دەگەن سياقتى سوزدەردى زياندالۋشىلاردىڭ قۇلاعىنا ءار كۇنى قۇيىپ وتىرعانىنان حابارلى بولادى.

دەلونى بىتىرگەن ساقشى: ”ولار وقۋ قاراجاتىن تاپسىرۋ، جىلۋ اتاۋ قاتارلى تاسىلدەر ارقىلى تاربيەلەنۋشىلەردى مال ـ مۇلكىنەن بەزۋگە بىرتىندەپ شىرعالايدى“ دەپ تانىستىردى. بۇل ”سانانى جەتىلدىرۋ“ ۇيىمدارى كوبىنەسە ”شوعىرلانىپ جۇمىس ىستەۋ“ دەگەندى سىلتاۋ ەتىپ، ۇيرەنۋشىلەردى اۋاشالاپ باسقارىپ، سىرت جاقپەن بايلانىسىن ءۇزىپ تاستايدى. ولار پسيحيكالىق اۋرۋعا شالدىققان نەمەسە تۇرمىسىندا قيىنشىلىعى بار ادامدارعا نازاردى شوعىرلاندىرىپ، باعىتتامالى تۇردە ولاردى باۋرايتىن سودەردى قولدانىپ، ولاردى جاقىن ماڭداعى تاربيەلەۋ ورىندارىنا بارىپ، اقشا جۇمساپ ”تاربيەلەۋگە“ قاتىناسۋعا شىرعالايدى.

مۇنداي ”سانانى جەتىلدىرۋ“ سىندى زاڭسىز ارەكەتتەردىڭ بەلەڭ بەرگەنىن بايقاعان سوڭ، قوعام حاۋىپسىزدىگى ورگاندارى ارناۋلى وڭالتۋ قيمىلىن دەرەۋ ورىستەتىپ، قاتىستى ارەكەتتەردى زاڭ بويىنشا تەكسەرىپ انىقتاپ، قاتاڭ سوققى بەردى. قوعام حاۋىپسىزدىگى مينيسترلىگىنىڭ قاتىستى جاۋاپتىسى بىلاي دەپ تانىستىردى: ”سانانى جەتىلدىرۋ“ تۇرىندەگى زاڭسىز كۋرس قيمىلدارى پسيحولوگيا، تابىس ءىلىمى جانە وسىزامانعى عىلىم - تەحنيكا ۇعىمدارىن شاتاستىرىپ قولدانىپ، ساباقتاردى ويدان قۇراستىرىپ، تەرىس ۋاعىزداردى ۇگىتتەيدى. سونىمەن بىرگە، بىرلەستىككە قوسۋ، ءبولىپ ساتۋ، ساتى بويىنشا دامىتۋ، ءتىپتى جالعامالى ساتۋ قاتارلى تاسىلدەردەن پايدالانىپ ادام توپتاپ، قوماقتى سوماداعى مال – مۇلىككە قول جەتكىزەدى. كەيبىر زاڭسىز تاربيەلەۋ قيمىلدارى بارىسىندا، تاربيەلەنۋشىلەر زاڭسىز قاماپ قويۋ، باسقىنشىلىق جاساۋ، ادەپسىزدىك ىستەۋ قاتارلى جەكە باسقا زيان جەتكىزۋ ارەكەتتەرىنە ۇشىرايدى. كەزەكتە، ەكونوميكالىق مۇددەنى كۇيتتەۋ ءۇشىن، كەيبىر زاڭسىز ەلەمەنتتەر مەن قۇرىلىمدار ءتۇسىن وزگەرتىپ، ءالى دە وسى تەكتەس زاڭعا قايشى قىلمىستىق ارەكەتتەرمەن ۇزدىكسىز شۇعىلدانۋدا، قوعام حاۋىپسىزدىگى ورگاندارى بارشا جۇرتشىلىققا ولاردىڭ سيپاتى مەن زالالىن ايقىن تانىپ، ”سانانى جەتىلدىرۋ“ تۇرىندەگى زاڭسىز كۋرس قيمىلدارىن سانالى تۇردە تەجەۋدى ەسكەرتتى. قوعام حاۋىپسىزدىگى ورگاندارى قاتاڭ سوققى بەرۋدىڭ تەگەۋرىندى كۇيىن ۇزدىكسىز ساقتاپ، حالىق جۇرتشىلىعىنىڭ ءومىرى مەن مال ـ مۇلكىنىڭ حاۋىپسىزدىگىن باتىل قورعايدى.

كەلۋ قاينارى: حالىق تورابى