شينجياڭ ەكولوگيالىق ورتانى قورعاۋدى 2 ـ كەزەكتى باقىلاۋ ـ تەكسەرۋدى باستادى

شينجياڭ ۇيعۇر اۆتونوميالى رايوندىق پارتكومىنىڭ، شينجياڭ ۇيعۇر اۆتونوميالى رايوندىق حالىق ۇكىمەتىنىڭ بەكىتۋىمەن، شينجياڭ ۇيعۇر اۆتونوميالى رايونىنىڭ 1 - ەكولوگيالىق ورتانى قورعاۋدى باقىلاۋ - تەكسەرۋ گرۋپپاسى تاياۋدا ءۇرىمجى قالاسىنا بارىپ داعدىلى باقىلاۋ - تەكسەرۋ جانە اتموسفەرا جونىندە ارناۋلى باقىلاۋ - تەكسەرۋ قىزمەتىن ورىستەتتى. بۇل شينجياڭنىڭ 2 ـ كەزەكتى ەكولوگيالىق ورتانى قورعاۋدى باقىلاۋ ـ تەكسەرۋ قىزمەتىنىڭ رەسمي باستالعاندىعىن كورسەتەدى.

قىزمەت جوسپارى بويىنشا، بيىل شينجياڭنىڭ 2 - كەزەكتى 1 - توپتاعى ەكولوگيالىق ورتانى قورعاۋدى باقىلاۋ - تەكسەرۋ قىزمەتى ورىستەتىلىپ، ءۇرىمجى قالاسىندا، سانجى حۇيزۋ اۆتونوميالى وبلىسىندا، ىلە قازاق اۆتونوميالى وبلىسىندا داعدىلى باقىلاۋ - تەكسەرۋ جانە اتموسفەرا جونىندە ارناۋلى باقىلاۋ - تەكسەرۋ جۇرگىزىلەدى، جەرگىلىكتى پارتكوم مەن ۇكىمەتتىڭ شي جينپيڭنىڭ ەكولوگيالىق وركەنيەت يدەياسىن جانە جاڭا دامۋ ۇستانىمىن دايەكتىلەندىرۋ، تياناقتاندىرۋ جاعدايىن، ەكولوگيالىق ورتانى قورعاۋ جونىندەگى كەلەلى شەشىمدەردى، ورنالاستىرۋلاردى تياناقتاندىرۋ جاعدايىن، ەكولوگيالىق ورتانى قورعاۋ قىزمەتى تالابىن ىلگەرىلەتۋ جاعدايىن، قورشاعان ورتانى قورعاۋ زاڭ، زاڭدىق ەرەجەلەرى مەن جوبا ـ جوسپارلارىنىڭ تياناقتانۋ جاعدايىن، ورتالىقتىڭ جانە اۆتونوميالى رايوننىڭ ەكولوگيالىق ورتانى قورعاۋدى باقىلاۋ ـ تەكسەرۋ بويىنشا رەتتەۋ ـ تۇزەتۋدى تياناقتاندىرۋ جاعدايى قاتارلىلاردى ءتۇيىندى تۇردە تەكسەرەدى.

شينجياڭ ۇيعۇر اۆتونوميالى رايونىنىڭ ەكولوگيالىق ورتانى قورعاۋدى باقىلاۋ ـ تەكسەرۋ 1 ـ گرۋپپاسى ءۇرىمجى قالاسىنا بارىپ، بۇقارانىڭ اڭىسى كۇشتى، قوعامدىق ىقپالى ناشار كورنەكتى ەكولوگيالىق ورتا ماسەلەلەرىن جانە ونى ءبىر جاقتى ەتۋ جاعدايىن ءتۇيىندى تۇردە قاداعالاپ، ەكولوگيالىق ورتا ساپاسىندا ناشارلاۋ جاعدايى بايقالعان وڭىرلەردى، الاپتاردى جانە رەتتەۋ ـ وڭاۋ جاعدايىن ءتۇيىندى تۇردە تەكسەرەدى؛ جەرگىلىكتى پارتكومدار مەن ۇكىمەتتەردىڭ، سونداي - اق ولاردىڭ قاتىستى تاراۋلارىنىڭ ەكولوگيالىق ورتانى قورعاۋ مىندەتىن اتقارعان كەزدە مىندەتىن اتقارماۋ، بەتالدى ىستەۋ جاعدايىن ءتۇيىندى تۇردە باقىلاپ تەكسەرەدى؛ جەرگىلىكتى ورىنداردىڭ ەكولوگيالىق ورتانى قورعاۋدا ”پارتيا مەن ۇكىمەت بىردەي جاۋاپتى بولۋ“ جانە ”ءبىر قىزمەت ورنىندا ەكى جاۋاپكەرشىلىك ارقالاۋدى“ تياناقتاندىرۋ، جاۋاپكەرشىلىكتى قاتاڭ قۋزاستىرۋ قاتارلى جاعدايلاردى ءتۇيىندى تۇردە ۇعىسادى.

باقىلاۋ ـ تەكسەرۋ گرۋپپاسىنىڭ قاتىستى جاۋاپتىسى بىلاي دەپ اتاپ كورسەتتى: قاتىستى وبلىس، قالالار وسى رەتكى ەكولوگيالىق ورتانى قورعاۋدى باقىلاۋ ـ تەكسەرۋ قىزمەتىنە بار كۇشپەن سايكەسىپ، وسى رەتكى باقىلاۋ ـ تەكسەرۋدى ورتالىقتىڭ ەكولوگيالىق ورتانى قورعاۋدى باقىلاۋ ـ تەكسەرۋىنىڭ 3 ـ كەزەكتى تەكسەرۋىنىڭ الدىنداعى ”ءوزىن تەكسەرۋ“ ەتىپ، باقىلاۋ ـ تەكسەرۋ بارىسىندا ولقىلىقتارعا بەتپە ـ بەت كەلىپ، پارىقتاردى ءدال تاۋىپ، ەكولوگيالىق ورتانى قورعاۋ قىزمەتىنىڭ قۇلشىنۋ بەتالىسىن يگەرىپ، ءتۇيىندى كورنەكتىلەندىرىپ، دالمە - ءدال كۇش سالىپ، رەتتەۋ ـ تۇزەتۋدى ويداعىداي ىستەۋ كەرەك.

كەلۋ قاينارى: حالىق تورابى