جياڭسۋ راديو ستانسياسىنىڭ الەۋمەتتىك يگىلىك ارقىلى شينجياڭعا كومەكتەسۋ قيمىلى باستالدى 

جۋىردا جياڭسۋدىڭ ىلەگە كومەكتەسۋى . نانجيڭ (جياڭنيڭ) قىزمەت گرۋپپاسى جياڭسۋداعى قالا تۇرعىندارىنا ەرەكشە تارتۋ ۇسىندى: تۇرعىنداردىڭ ءبىر ءتۇپ قارا ورىك اعاشىن باپتاۋىنا بولادى، سونىمەن ”تەكەس اۋدانىندا قارا ورىك اعاشىم بار“ اتتى 2025 - جىلعى جياڭسۋ راديو ستانسياسىنىڭ الەۋمەتتىك يگىلىك ارقىلى شينجياڭعا كومەكتەسۋ قيمىلىنىڭ شىمىلدىعى اشىلدى.

بۇل الەۋمەتتىك يگىلىك قيمىلى جياڭسۋ ولكەلىك راديو - تەلەۆيزيا باس ستانسياسىنىڭ راديو - تەلەۆيزيا مەدياسىنىڭ ۇگىت تەكشەسى ارقىلى ورىستەتىلەدى، قاتىناسۋشىلاردىڭ ينتەرنەت ارقىلى 5000 ءتۇپ قارا ورىك اعاشىن باپتاۋىنا بولادى. وسىدان كەيىن تەكەس اۋداندىق قامداۋ ـ ساتۋ كووپەراتيۆى جەرگىلىكتى ورىنداعى ساپالى قارا ورىك ەگەتىن ورىندارىمەن بىرلەسىپ، مەيىر باعىشتاۋشىلاردىڭ ەگۋىنە، جەتىلدىرۋىنە كومەكتەسەدى، كۇزدە جەمىس پىسقاننان كەيىن جەدەل جەتكىزۋ ارقىلى ۇيىنە جولداپ بەرەدى، 9 – ايدا تۇراقتى ساياحات جەلىسىن تاڭداپ، تەكەس اۋدانىنا بارىپ، كورىنىستەردى تاماشالاپ، ءوزى بارىپ جەمىس تەرۋدىڭ قىزىعىنا شومۋىنا دا بولادى.

سونىمەن بىرگە، جياڭسۋ راديو - تەلەۆيزيا ستانسياسى تەكەس اۋدانىمەن بىرلەسىپ ورىستەتكەن ”قالامشا“ مەيىر باعىشتاۋ قورى بويىنشا كومەك بەرۋ جوسپارى ءبىر ۋاقىتتا باستالدى، مەيىر باعىشتايتىن كاسىپورىنداردىڭ اتاعان جىلۋى مەن ورىك اعاشىنىڭ قالامشاسىن باپتاۋىنان تۇسكەن ءبىر ءبولىم پايدانى توپتاپ، شينجياڭعا باعىتتامالى كومەكتەسۋ الەۋمەتتىك يگىلىك قورىن بىرگە قۇرىپ، جەرگىلىكتى ورىنداعى قيىنشىلىعى بار وقۋشىلارعا كومەكتەسۋگە جۇمسايدى.

كەلۋ قاينارى: حالىق تورابى