بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.03.19 15:27 كەلۋ قاينارى : حالىق تورابى
كۇندەلىكتى تۇرمىستا، ءبىز ءتۇرلى ءدامدى تاعامداردى داۋىس بەرۋ جولىمەن تاڭداپ شىعاتىن قيمىلداردى ۇنەمى كەزدەستىرەمىز. كوپتەگەن دۇكەندەر وزدەرىنىڭ الدىڭعى قاتاردان كورىنۋى ءۇشىن الارمانداردى وزىنە داۋىس بەرۋگە كۇش سالا باۋرايدى ... كەيدە وسىنىڭ سالدارىنان الدامكوستەردىڭ تۇزاعىنا ءتۇسىپ كەتكەنىن دە بىلمەي قالادى.
جۋىردا قوعام حاۋىپسىزدىگى تاراۋلارى ينتەرنەتتە داۋىس بەرۋگە كومەكتەسۋ دەگەن اتپەن الدامكوستىك ىستەگەن دەلونى انىقتادى. ساۋدا دۇكەندەرىن اقى تولەۋ ارقىلى تىزىمدىكتە الدىڭعى ورىنعا شىعۋعا شىرعالاعان سەرىكتەستىكتىڭ قىزمەتكەرلەرى مەن قوجايىنى بولىپ، جيىنى 5 ادامعا زاڭ بويىنشا قىلمىستىق ىستەرگە ساي ماجبۇرلەۋ شارالارى اتقارىلدى.
قىلمىس كۇماندىسى ليۋ Xيۇي ءدامدى تاعامداردى باعالايتىن جالعان توراپ قۇرۋ ارقىلى چياۋ Xيۇڭ قاتارلى كوپتەگەن تىرەكتى مۇشەلەردى ۇسىنىس ەتىپ، گانجوۋدىڭ كوپ جەرىندە سەرىكتەستىك قۇرىپ، ينتەرنەت ارقىلى داۋىس بەرۋ قيمىلىن مەڭگەرىپ الىپ، وسى ارقىلى الدامكوستىك ىستەگەن.
ليۋ Xيۇي تەحنيكالىق جاقتان قولداۋ كورسەتىپ، قىزمەتكەرلەرى ساۋدا دۇكەندەرىنىڭ تانىمالىلىعىن جوعارىلاتامىز، مول سيلىق بەرەمىز دەگەندى جەلەۋ ەتىپ، ساۋدا دۇكەندەرىن قيمىلعا قاتىناسۋعا شىرعالاعان. ونان سوڭ ارتقى تەكشەدەگى داۋىس بەرۋگە قاتىستى ساندى مالىمەتتەردى مەڭگەرۋ ارقىلى باسەكەنىڭ قيان – كەسكى بولىپ جاتقانىن جالعاننان جاساپ، ساۋداگەردى داۋىس جيناۋ بەلەتىن (ءبىر يۋانعا 3 بەلەت) ساتىپ الۋعا جەتەلەپ، سول ارقىلى باسقالاردىڭ مال - مۇلكىن الداپ العان سوڭ، كەلىسىمگە كەلگەن سالىستىرما بويىنشا تاپقان مال - مۇلىكتى ءبولىپ العان.
تەكسەرۋگە قاراعاندا، دەلو تۋىلعاننان قازىرگە دەيىن، قىلمىس كۇماندىسى ليۋ Xيۇي باستاعان الدامكوستىك توبى جيىنى 12 ميلليون يۋاننان استام زاڭسىز تابىسقا كەنەلگەن.
جۋىرداعى جىلداردان بەرى، كوپتەگەن جەرلەردە وسى تەكتەس دەلولار تۋىلىپ، كوپتەگەن ساۋداگەرلەر الدانىپ قالعان. مۇنداي الدامكوستىك ىستەيتىندەر ۇنەمى رەسمي باعالاۋ دەگەن جەلەۋدى جامىلىپ، جارىسقا تەگىن قاتىناستىرۋ ارقىلى شىرعالايدى، ادامدى وڭاي الجاستىرادى. الايدا، بۇل الدامكوستىكتىڭ ءبىر ءتۇرى.
ينتەرنەت ساقشىلارى مىنانى ەسكەرتەدى: ەسىڭىزدە بولسىن، ءسىز باعالاۋعا قاتىناسقان كەزدە، داۋىس ساتىپ الۋ ارقىلى تىزىمدىكتە الدىڭعى ورىنعا شىعۋ دەگەن شىرعالاۋدان باس تارتىڭىز. سونىمەن بىرگە، ءوزىڭىزدىڭ جەكەلىك ينفورماتسيالارىڭىزدى قورعاۋعا كوڭىل ءبولىپ، الدامكوستەر توبىنىڭ نازارىنا ىلىنۋدەن ساق بولىڭىز. ەگەر ءسىز وسىنداي الدامكوستىككە تاپ بولساڭىز، دەر كەزىندە ساقشىعا مالىمدەڭىز.
كەلۋ قاينارى: حالىق تورابى
