پروكۋراتۋرا ورگاندارى لي يۋەفىڭنىڭ پارا الۋ دەلوسى جونىندە زاڭ بويىنشا الەۋمەتتىك ايىپتاۋ جۇرگىزدى

شينحۋا اگەنتتىگىنىڭ 3 – ايدىڭ 18 – كۇنى بەيجيڭنەن بەرگەن حابارى. ءتىلشىنىڭ 3 – ايدىڭ 18 – كۇنى ەڭ جوعارى حالىق پروكۋراتۋراسىنان ۇعىسۋىنا قاراعاندا، 14 ـ كەزەكتى مەملەكەتتىك حالىق قۇرىلتايى تۇراقتى كوميتەتىنىڭ بۇرىنعى مۇشەسى، باقىلاۋ ـ تەكسەرۋ جانە ءادىليا كوميتەتىنىڭ بۇرىنعى ورىنباسار مەڭگەرۋشى مۇشەسى، تايۋان دەموكراتيالىق اۆتونوميا وداعى ورتالىق كوميتەتىنىڭ ۇنەمىلىك ىستەرگە جاۋاپتى بۇرىنعى ورىنباسار ءتوراعاسى لي يۋەفىڭنىڭ پارا الۋ دەلوسىن مەملەكەتتىك باقىلاۋ - تەكسەرۋ كوميتەتى تەكسەرىپ اياقتاتىپ، ەڭ جوعارى حالىق پروكۋراتۋراسىنىڭ كورسەتۋىمەن سانشي ولكەسى تاييۋان قالالىق حالىق پروكۋراتۋراسى تەكسەرىپ ايىپتاعان. تاياۋدا، تاييۋان قالالىق حالىق پروكۋراتۋراسى تاييۋان قالالىق ورتا دارەجەلى حالىق سوت مەكەمەسىنە الەۋمەتتىك ايىپتاما بەردى.

پروكۋراتۋرا ورگانى تەكسەرىپ ايىپتاۋ ساتىسىندا ايىپكەر لي يۋەفىڭنىڭ يگىلىكتەنەتىن ارىز - شاعىم ۇقىعىن زاڭ بويىنشا ۇقتىردى ءارى ايىپكەر لي يۋەفىڭدى سۇراققا تارتىپ، اقتاۋشىنىڭ پىكىرىن تىڭدادى. پروكۋراتۋرا ورگاندارى بىلاي دەپ ايىپتادى: ايىپكەر لي يۋەفىڭ چۇڭچيڭ قالالىق حالىق پروكۋراتۋراسى 1 - بولىمشەسىنىڭ ورىنباسار باس پروكۋرورى، چۇڭچيڭ قالالىق حالىق پروكۋراتۋراسىنىڭ ورىنباسار باس پروكۋرورى، مەملەكەتتىك ساياسي كەڭەستىڭ مۇشەسى، چۇڭچيڭ قالالىق ساياسي كەڭەستىڭ ورىنباسار ءتوراعاسى، تايۋان دەموكراتيالىق اۆتونوميا وداعى ورتالىق كوميتەتىنىڭ ۇنەمىلىك ىستەرگە جاۋاپتى ورىنباسار ءتوراعاسى، مەملەكەتتىك حالىق قۇرىلتايى تۇراقتى كوميتەتىنىڭ مۇشەسى، اكىمشىلىك باقىلاۋ - تەكسەرۋ جانە ءادىليا كوميتەتىنىڭ ورىنباسار مەڭگەرۋشى مۇشەسى قاتارلى مىندەت قولايلىلىعىنان پايدالانىپ، باسقالارعا پايدا جەتكىزىپ، سونداي – اق ءوزىنىڭ قىزمەت ۇقىعى جانە ورنى قالىپتاستىرعان قولايلى شارت - جاعدايدان پايدالانىپ، باسقا مەملەكەت قىزمەتكەرلەرىنىڭ مىندەت جاعىنداعى ارەكەتى ارقىلى باسقالارعا ورىنسىز پايدا جەتكىزىپ، باسقالاردىڭ مال - مۇلكىن زاڭسىز قابىلداعان، سوماسى توتەنشە كوپ، زاڭ بويىنشا ونىڭ قىلمىستىق ىستەر جاۋاپكەرشىلىگىن قۋزاستىرۋ كەرەك.

كەلۋ قاينارى: حالىق تورابى