قۋانىشتى حابار! شاۋەشەك - الماتى حالىقارالىق جولاۋشى تاسىمال كەزەكشى لەنياسى اشىلدى

3 - ايدىڭ 15 – كۇنى، شاۋەشەك - الماتى حالىقارالىق جولاۋشى تاسىمال كەزەكشى لەنياسى اشىلدى.

بۇل حالىقارالىق جولاۋشى تاسىمال كەزەكشى لەنياسىن شينجياڭ شيڭتا تاسىمال (توبى) شەكتى جاۋاپكەرشىلىك سەرىكتەستىگى ىسكە قوستى. بۇل كەزەكشى لەنيا شاۋەشەكتەن باستالىپ، جۇڭگونىڭ باقتى وتكەلىنەن ءوتىپ، قازاقستاننىڭ باقتى دەگەن جەرىنە جەتىپ، ەڭ سوڭىندا الماتى قالاسىنا بارادى.

شينجياڭ شيڭتا تاسىمال (توبى) شەكتى جاۋاپكەرشىلىك سەرىكتەستىگىنىڭ ورىنباسار باس ديرەكتورى ما جۇن بىلاي دەپ تانىستىردى: شاۋەشەك ـ الماتى حالىقارالىق جولاۋشى تاسىمال كەزەكشى لەنياسىنىڭ جالپى ۇزىندىعى شامامەن 900 كيلومەتر، ءبىر جول بارعانىنا 13 ساعات ۋاقىت كەتەدى. العاشقى مەزگىلدە اپتاسىنا ەكى رەت قاتىنايدى. بەلەت باعاسى جاعىندا، ءبىر ادامنىڭ بەلەت باعاسى 330 يۋان حالىق اقشاسى بولىپ، جولاۋشىلاردىڭ ءجۇرىس ـ تۇرىس اۋىرتپالىعىن ونان ارى جەڭىلدەتتى.

شاۋەشەك ‐ شينجياڭنىڭ باتىس سولتۇستىگىنە ورنالاسقان، جۇڭگونىڭ قازاقستانمەن شەكارالاساتىن ماڭىزدى شەكارالىق قالاسى. الماتى ‐ قازاقستاننىڭ ەكونوميكا، مادەنيەت ورتالىعى ءارى ورتا ازيا رايونىنداعى ماڭىزدى قاتىناس تورابى. شاۋەشەك ـ الماتى حالىقارالىق جولاۋشى تاسىمال كەزەكشى لەنياسىنىڭ اشىلۋى ەكى جەردەگى تۇرعىندارعا قولايلى قاتىناس قىزمەتىن وتەپ قانا قويماي، جۇڭگو مەن قازاقستاننىڭ ەكونوميكا ـ ساۋدا سەلبەستىگى مەن گۋمانيتارلىق اۋىس ـ كۇيىسى ءۇشىن دە جاڭا كوپىر سالدى.

كەلۋ قاينارى: حالىق تورابى