شينجياڭ ۋاكىلدەر ۇيىرمەسى ماجىلىستە 10 كەڭەستىك جوبا، 138 ۇسىنىس تاپسىردى 

شينجياڭ گازەتىنىڭ 3 – ايدىڭ 8 – كۇنى بەرگەن حابارى. انار بۇلت \ شينجياڭ گازەتىنىڭ ءتىلشىسى جاڭ لەيدىڭ 14 – كەزەكتى مەملەكەتتىك حالىق قۇرىلتايى 3 – ماجىلىسىندەگى شينجياڭ ۋاكىلدەر ۇيىرمەسىنىڭ كەڭەستىك جوبا گرۋپپاسىنان ۇعىسۋىنشا، ءماجىلىس مەزگىلىندە، شينجياڭ ۋاكىلدەر ۇيىرمەسى وسكەلەڭ ساياسي جاۋاپكەرشىلىك جانە بورىش سەزىمىمەن مىندەت اتقارىپ، جاۋاپكەرشىلىكتى ادا ەتىپ، ماجىلىستەگى ۋاكىلدەر كەڭەستىك جوبا جانە ۇسىنىس جوبا تاپسىراتىن ۋاقىت شەگى اياقتاعانعا دەيىن، ۋاكىلدەردىڭ بىرلەسكەن كەڭەستىك جوباسىنان جيىنى 10 كەڭەستىك جوبانى، ۋاكىلدەردىڭ ۇسىنىسىنان جيىنى 138 ۇسىنىستى تاپسىرعان، مۇنىڭ ىشىندە 8 ءتۇرلى ۇسىنىس بۇكىل ۇيىرمەنىڭ ۇسىنىسى سانالادى.

قازىر بۇل كەڭەستىك جوبالار مەن ۇسىنىستار تۇگەلدەي ءماجىلىستىڭ حاتشىلار باسقارماسىنىڭ كەڭەستىك جوبالار گرۋپپاسىنا تاپسىرىلعان. كەلەسى قادامدا، شينجياڭ ۇيعۇر اۆتونوميالى رايوندىق حالىق قۇرىلتايىنىڭ تۇراقتى كوميتەتى دەر كەزىندە ىلەسە ىلگەرىلەپ، قامتاماسىزداندىرۋدى ويداعىداي ىستەپ، ۋاكىلدەردىڭ كەڭەستىك جوباسى مەن ۇسىنىستارىنىڭ ىشىندەگى مەملەكەتتىڭ ءمان بەرۋىن جانە شينجياڭنىڭ قىزمەتىنە قولداۋ كورسەتۋىن قاجەت ەتەتىن ”جاقسى امالداردى“ مەملەكەتتىڭ ”ۇلكەن جوسپارىنىڭ“ كولەمىنە ەنگىزۋگە، ونى جاقسى ساياساتقا اينالدىرۋعا، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا اناعۇرلىم ويداعىداي دەم بەرۋگە بەلسەندىلىكپەن كۇش سالادى.

كەلۋ قاينارى: حالىق تورابى