مەملەكەتتىك حالىق قۇرىلتايى ۋاكىلى لي زىۋي: ايەلدەر مەن بالالاردى الداپ ساتقاندار مەن ساتىپ العانداردى ”ۇقساس قىلمىس وتكىزگەن“ دەپ قاراپ، ”بىردەي جازا قولدانۋ“ جونىندە ۇسىنىس بەرەمىن 

مەملەكەتتىك ەكى ءماجىلىس اشىلدى، مەملەكەتتىك حالىق قۇرىلتايى ۋاكىلى، لياۋنيڭ ولكەسى لياۋياڭ قالالىق ەرەكشە وقۋ ـ اعارتۋ مەكتەبىنىڭ وقىتۋشىسى لي زىۋيدىڭ ورتالىق راديو تورابى ءتىلشىسىنىڭ ارناۋلى سۇحباتىن قابىلداعاندا ايتۋىنشا، ول بيىل «ايەلدەر مەن بالالاردى الداپ ساتۋ قىلمىسىنا سوققى بەرۋدەگى قىزمەت مەحانيزمىن ونان ارى كەمەلدەندىرۋ جونىندەگى كەڭەستىك جوبانى» تاپسىرماقشى. لي زىۋي بىلاي دەدى: ايەلدەر مەن بالالاردى الداپ ساتۋ قىلمىسى ادامدىق ۇقىقتى، ار ـ نامىستى اۋىر دارەجەدە اياق استى ەتىپ، وتباسىنىڭ تۇتاستىعى مەن قوعامنىڭ ورنىقتىلىعىن بۇلدىرەدى. ول مىناداي ۇسىنىس بەرەدى: قىلمىستىق ىستەر زاڭىنىڭ 262 - تارماعىنداعى ”بالالاردى الداپ ساتۋ قىلمىسىن“ كۇشىنەن قالدىرىپ، وسى تەكتەس ارەكەتتەردى ”ايەلدەر مەن بالالاردى الداپ ساتۋ قىلمىسى“ كاتەگورياسىنا ءبىر تۇتاس ەنگىزىپ، ”بالانى اسىراۋعا بەرۋدى زاڭسىز ۇيىمداستىرۋ“، ”اتا - انا مەن بالانىڭ قاتىناسى جونىندە جالعان كۋالىك جاساۋ“ قاتارلى جاڭا تۇردەگى قىلمىستاردى قوسىپ، زاڭداعى بوستىقتى تولتىرىپ، الداپ ساتىلعان ايەلدەر مەن بالالاردى ساتىپ الۋ قىلمىسىنىڭ جازا ولشەمىن جوعارىلاتىپ، ”ساتۋ مەن ساتىپ الۋدى ۇقساس قىلمىس دەپ قاراپ، بىردەي جازالاۋدى“ جۇزەگە اسىرىپ، ايەلدەر مەن بالالاردىڭ زاڭدى ۇقىق-مۇددەسىن شىنايى قورعاۋ كەرەك.

كەلۋ قاينارى: حالىق تورابى