ورتاشا نەمەسە قالىڭ قار جاۋادى، سۋىق اعىس بولادى

كوڭىل بولىڭدەر! سۋىق اعىستىڭ ىقپالىنان الداعى 3 كۇندە سولتۇستىك شينجياڭنىڭ باتىس بولەگىندە، سولتۇستىك بولەگىندە، تيانشاننىڭ تاۋلى رايونىندا، وڭتۇستىك شينجياڭنىڭ باتىس بولەگىندەگى تاۋلى رايوندا جاڭبىر ارالاس قار جاۋادى، قاتتى بوران سوعادى.

ناقتىلى اۋا رايى جاعدايى مىناداي: 2 - ايدىڭ 28 - كۇنى تۇننەن 3 - ايدىڭ 1 - كۇنىنە دەيىن سولتۇستىك شينجياڭنىڭ باتىس بولىگى، تيانشان تاۋلى رايونى، وڭتۇستىك شينجياڭنىڭ باتىس بولەگىندەگى تاۋلى ٴوڭىر، بايىنعولىن موڭعۇل اۆتونوميالى وبلىسىنىڭ سولتۇستىگىندەگى تاۋلى رايون، كۇنلۇن تاۋىنىڭ سولتۇستىك بوكتەرى قاتارلى جەرلەردىڭ ءىشىنارا وڭىرلەرىندە سەبەزگى جاڭبىر نەمەسە قار جاۋادى، تاۋلى رايونداردىڭ ءىشىنارا وڭىرلەرىندە قالىڭ قار جاۋادى، شىعىس شينجياڭدا باتىس- سولتۇستىكتەن 5 بال اينالاسىندا جەل سوعادى، جەل وتتەرىندەگى مەزەتتىك جەل كۇشى 9 دا 10 بال اينالاسىندا بولادى، بۇكىل شينجياڭنىڭ باسقا رايوندارىندا نەگىزىنەن كۇن اشىق نەمەسە بۇلتتى بولادى، جەل كۇشى زور بولمايدى.

3 - ايدىڭ 1 - كۇنى تۇننەن 2 – كۇنى كۇندىزگە دەيىن ىلە اڭعارىنىڭ شىعىس بولەگىندەگى، وڭتۇستىك بولەگىندەگى تاۋلى وڭىرلەردە، بۇراتالا موڭعۇل اۆتونوميالى وبلىسىندا، تارباعاتاي ايماعىنىڭ وڭتۇستىك بولەگىندە، تيانشان تاۋلى رايونىندا جانە سولتۇستىك بوكتەرىندە، بايىنعولىن وبلىسىنىڭ سولتۇستىك بولەگىندەگى تاۋلى وڭىردە، قۇمىل قالاسىنىڭ سولتۇستىك بولەگىندەگى تاۋلى رايونىنىڭ ءىشىنارا وڭىرلەرىندە سەبەزگى جاڭبىر نەمەسە قار جاۋادى، تاۋلى رايونداردىڭ ءىشىنارا وڭىرلەرىندە قالىڭ قار جاۋادى، بۇكىل شينجياڭنىڭ باسقا رايوندارىندا نەگىزىنەن كۇن اشىق نەمەسە بۇلتتى بولادى، جەل كۇشى زور بولمايدى.

ەسكەرتۋ: قار جاۋۋ، جاڭبىر جاۋۋ، بوران سوعۋ سياقتى اۋا رايىنىڭ قاتىناس، ساياحات قاتارلىلارعا جاسايتىن ءتيىمسىز ىقپالىنان ساقتانۋ كەرەك.

كەلۋ قاينارى: حالىق تورابى