تۇڭعىش رەت شينجياڭنان ەكى ادام بولمە ءىشى جەڭىل اتلەتيكا دۇنيە جۇزىلىك جۇلدەلى جارىسىنا قاتىناسۋ تولىمدىلىعىنا يە بولدى

2 – ايدىڭ 25 – كۇنى، ءتىلشىنىڭ شينجياڭ ۇيعۇر اۆتونوميالى رايوندىق دەنە - تاربيە مەكەمەسىنەن ۇعىسۋىنشا، شينجياڭدىق سپورتشىلار الشەر ءومار مەن دينا نۇرلان ەكەۋى بيىل 3 - ايدا نانجيڭدە وتكىزىلگەن 2025 – جىلعى دۇنيە جۇزىلىك بولمە ءىشى جەڭىل اتىلەتيكا جۇلدەلى جارىسىنا قاتىناسۋ تولىمدىلىعىنا يە بولدى، بۇل شينجياڭ جەڭىل اتلەتيكا سپورتشىلارىنىڭ تۇڭعىش رەت جۇڭگو كومانداسى اتىنان وسى جارىسقا قاتىناسۋى.

”جۇڭگونىڭ قىسقا ارالىققا جۇگىرەتىن مىقتىسى“ اتالعان الشەر بيىل 2 ـ ايدا ەۆروپاعا بارىپ جاتتىعۋ جاساپ قايتىپ كەلدى. وسىدان بۇرىنعى 4 جەردە وتكەن مەملەكەتتىك بولمە ءىشى جەڭىل اتلەتيكا جارىسىندا الشەر ەكى جەردەگى جارىسقا قاتىناسقان، شي – اندا وتكىزىلگەن جارىستا ول 47 سەكۋند 35 تاقىلدىق ناتيجەمەن اعا جۇلدەگەر بولعان.

دينانىڭ بيىلعى بەينەسى ەرەكشە جاقسى، جىل باسىنداعى مەملەكەتتىك بولمە ءىشى جەڭىل اتلەتيكا جارىسىنىڭ شي – ان مەن نانجيڭدە وتكەن جارىسىندا ارت - ارتىنان اعا جۇلدەگەر بولدى. ونىڭ اعا جۇلدەگەر بولعانداعى جاراتقان ناتيجەسى ەكى رەتتە ءوزىنىڭ ەڭ جاقسى ناتيجەسى بولدى. ادەتتە بولمەنىڭ ىشىندەگى جەڭىل اتلەتيكا جارىسىنىڭ ناتيجەسى بولمە سىرتىنداعى جارىستان تومەن بولادى، قازىر دينانىڭ بەينەسى ەرەكشە جاقسى، بۇل وسى 26 جاستاعى بويجەتكەندى سپورت ومىرىندەگى ورلەۋ كەزڭىنە جەتكىزدى.

شينجياڭنىڭ جەڭىل اتلەتيكا تاريحىندا، تەك قاسىمقان عانا جۇڭگو كومانداسى اتىنان 2015 - جىلى بەيجيڭدە وتكىزىلگەن دۇنيە جۇزىلىك جەڭىل اتلەتيكا جۇلدەلى جارىسىنا قاتىناسقان. دۇنيە جۇزىلىك بولمە ءىشى جەڭىل اتلەتيكا جۇلدەلى جارىسىندا بۇدان بۇرىن شينجياڭدىق سپورتشىلار مەملەكەت كومانداسىنا تاڭدالماعان.

2025 – جىلعى دۇنيە جۇزىلىك بولمە ءىشى جەڭىل اتىلەتيكا جۇلدەلى جارىسى 3 – ايدىڭ 21 – كۇنىنەن 23 – كۇنىنە دەيىن نانجيڭدە وتكىزىلەدى. جۇڭگونىڭ قازىرگى ەرلەردىڭ 400 مەترلىك جارىس ءتۇرى مەن ايەلدەردىڭ بيىككە سەكىرۋ جارىس ءتۇرىنىڭ ەڭ جوعارى دەڭگەيدەگى سپورتشىلارى رەتىندە الشەر مەن دينا جۇڭگو مەملەكەت كومانداسىنا تاڭدالىپ، وسى رەتكى جارىسقا قاتىناسىپ وتانعا داڭق اپەرۋ ءۇشىن قۇلشىنادى.

كەلۋ قاينارى: حالىق تورابى