”كوكتەم سامالى ارەكەتى“ مەزگىلىندە شينجياڭ ءتۇرلى قىزمەتكەر قابىلداۋ قيمىلدارىنان مەجەمەن 1180 رەتكى قيمىلدى وتكىزەدى 

تيانشان تورابى – شينجياڭ گازەتىنىڭ ءتىلشىسى جاۋ چۇنحۋا حابارلايدى. 2 – ايدىڭ 20 – كۇنى، شينجياڭ ۇيعۇر اۆتونوميالى رايونىنىڭ 2025 – جىلعى ”كوكتەم سامالى ارەكەتىنىڭ“ باستالۋ سالتى جانە حوتان ايماعىنداعى قىزمەتكەر قابىلداۋ جينالىسى حوتان قالاسىندا وتكىزىلدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى، قاتىناس – تاسىمال مەڭگەرمەسى، اۋىل شارۋاشىلىعى جانە اۋىل – قىستاق مەڭگەرمەسى، اۆتونوميالى رايوندىق باس جۇمىسشىلار ۇيىمى، جاستار وداعى كوميتەتى، ايەلدەر بىرلەستىگى، حالىقتىق اۆياتسيا شينجياڭ باسقارۋ مەكەمەسى، جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى ۇيىمداستىرعان، اۆتونوميالى رايوندىق الەۋمەتتىك جۇمىستانۋ جاعىندا قىزمەت وتەۋ ورتالىعى، حوتان ايماقتىق ادام كۇشى بايلىعى جانە قوعامدىق قامتاماسىزداندىرۋ مەكەمەسى، قاتىناس – تاسىمال مەكەمەسى، جۇمىسشى ۇيىمى، وداق كوميتەتى، ايەلدەر بىرلەستىگى، حوتان قالالىق حالىق ۇكىمەتى بىرلەسىپ مىندەتىنە العان.

ۇعىسۋعا قاراعاندا، ”كوكتەم سامالى ارەكەتى“ 3 - ايدىڭ ورتا شەنىنە دەيىن جالعاسادى، اۆتونوميالى رايون بويىنشا ءتۇرلى قىزمەتكەر قابىلداۋ قيمىلدارى مەجەمەن 1180 رەت وتكىزىلىپ، 500 مىڭنان استام جۇمىس ورنى ازىرلەنەدى. كەلەسى قادامدا اۆتونوميالى رايون بويىنشا الەۋمەتتىك جۇمىستانۋ جاعىندا قىزمەت وتەۋ قۇرىلىمدارى جۇمىستانۋ ورنى بايلىعىن ۇزدىكسىز اشىپ، جۇمىستانۋ جاعىندا قىزمەت وتەۋمەن قامداۋدى كۇشەيتىپ، جۇمىستانۋ جاعىندا قىزمەت وتەۋدى ينفورماتسيالاندىرۋ قۇرىلىسىن ىلگەرىلەتىپ، اناعۇرلىم ساپالى، اناعۇرلىم قولايلى الەۋمەتتىك جۇمىستانۋ جاعىندا قىزمەت وتەۋ تۇعىرىن ورناتىپ، بۇكىل شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن ادام كۇشى بايلىعىمەن قامتاماسىز ەتەدى.

كەلۋ قاينارى: حالىق تورابى