ا ق ش رەسەيمەن كەلىسسوز وتكىزۋ بارىسىندا ءتورت ءتۇرلى ورتاق تانىمعا كەلدىك دەگەن

شينحۋا اگەنتتىگىنىڭ 2 – ايدىڭ 18 - كۇنى ۆاشينگتوننان بەرگەن حابارى (ٴتىلشى: دىڭ شيانلاي). ا ق ش پەن رەسەي ۋاكىلدەر ۇيىرمەسى 2 – ايدىڭ 18 - كۇنى ساۋد ارابياسىنىڭ استاناسى ريادتا كەلىسسوز وتكىزدى. ا ق ش مەملەكەتتىك كەڭەسى كەلىسسوز اياقتاعاننان كەيىن مالىمدەمە جاريالاپ: ا ق ش پەن رەسەي ەكى ەل اراسىنداعى ”قولامتالى ماسەلەلەردى“ شەشۋ جانە رەسەي - ۋكراينا قاقتىعىسىن اياقتاتۋ سياقتىلار جونىندە ءتورت ءتۇرلى ورتاق تانىمعا كەلدى دەگەندى ايتتى.

مالىمدەمەدە بىلاي دەلىندى: ەڭ اۋەلى، ەكى جاق كەڭەس مەحانيزمىن ورناتىپ، ەكى جاقتى قاتىناستاعى قيىن ماسەلەلەردى شەشۋگە قوسىلدى، ونىڭ نىساناسى قاجەتتى شارالار قولدانىپ، ەكى ەلدىڭ ديپلوماتيالىق ەلشىلەر ۇيىرمەسىنىڭ اينالىمىن قالىپقا ءتۇسىرۋ. ەكىنشى، ەكى جاق وزدەرىنىڭ جوعارى دارەجەلى ۇيىرمەلەرىن تاعايىنداپ، باياندى، جالعاسىمدى، ونىڭ ۇستىنە تاراپتار قابىلدايتىن تاسىلمەن ۋكراينا قاقتىعىسىن تەز ارادا اياقتاتۋعا قۇلشىنۋعا قوسىلدى. ءۇشىنشى، ەكى جاق بولاشاقتاعى ورتاق وڭىرلىك ساياسي مۇددە ماسەلەسى جانە ەكونوميكالىق جانە قارجى قوسۋ ورايى جاعىنداعى سەلبەستىككە نەگىز قالاۋعا قوسىلدى، بۇل سەلبەستىك رەسەي مەن ۋكراينا قاقتىعىسىنىڭ اياقتاۋىنا بايلانىستى جارىققا شىعادى. ءتورتىنشى، سول كۇنى ماجىلىسكە قاتىناسقان ۇيىرمەلەر بارىس ـ كەلىستى ساقتاپ، كەلىسسوزدىڭ اياق الىسىن دەر كەزىندە جانە ءونىمدى تاسىلمەن ىلگەرىلەتۋگە كەپىلدىك ەتۋگە ۋادە بەردى.

كەلۋ قاينارى: حالىق تورابى