”تورسىلداق اتۋدىڭ سالدارىنان ادام ءولدى“ دەگەن وسەك – اياڭ تاراتقان 2 ادام زاڭ بويىنشا ءبىر جاقتى ەتىلدى 

ورتالىق تەلەۆيزيا تورابىنىڭ حابارى: قوعام حاۋىپسىزدىگى مينيسترلىگىنىڭ ينتەرنەت حاۋىپسىزدىگىن باسقارۋ مەكەمەسىنىڭ حابارلاۋىنشا، يۇننان ولكەسى جاۋتۇڭ قالالىق قوعام حاۋىپسىزدىگى مەكەمەسى ينتەرنەت حاۋىپسىزدىگىن باسقارۋ تاراۋلارىنىڭ 2 – ايدىڭ 13 – كۇنى قىزمەت بارىسىندا بايقاۋىنشا، ينتەرنەت قولدانۋشىلاردىڭ بىرەۋى ينتەرنەتتەگى تەكشەدە ءبىر بەينە كەسكىنگە ”كونەشە جىل ساناۋ بويىنشا ءبىرىنشى ايدىڭ ون بەسىنشى كۇنى يۋانشياۋ مەرەكەسىندە يۇننان ولكەسى يانجين اۋدانىنىڭ شۇيتيانبا دەگەن جەرىندە تورسىلداق اتۋدىڭ سالدارىنان بەس – التى ادام ءولدى“ دەگەن ءسوزدى قوسىپ جاريالاپ، قوعامدىق ءتارتىپتى اۋىر دارەجەدە بۇلدىرگەن. سول جەردەگى قوعام حاۋىپسىزدىگى ورگاندارىنىڭ تەكسەرىپ تۇراقتاندىرۋىنشا، ول جەردە مۇنداي حاۋىپتى جاعداي تۋىلماعان، بۇل جالعان اقپارات.

سول جەردەگى قوعام حاۋىپسىزدىگى ورگاندارى كەسكىن جاريالاۋشى چياۋ XX تى زاڭ بويىنشا شاقىرىپ تەكسەرۋ جۇرگىزگەن. تەكسەرۋگە قاراعاندا، چياۋ XX ينتەرنەتتى شولۋ بارىسىندا ءبىر كەسكىننىڭ لەبىز جازۋ ورنىنا بىرەۋدىڭ ”يانجين اۋدانىنداعى شۇيتيانبادا تورسىلداق اتۋ سەبەبىنەن 5 - 6 ادامدى ءولدى“ دەپ ءسوز قالدىرعانىن كورگەن، چياۋ XX باسقالاردىڭ نازارىن اۋدارىپ، كورىلىم جيناۋ ءۇشىن وسى ءسوزدىڭ نەگىزىندە اتالعان كەسكىندى رەداكسيالاپ جاريالاعان.

ساقشى جاق ىلە – شالا لەبىز جازۋ ورنىندا وسەك – اياڭ تاراتقان دۋ XX تى دە تەكسەرىپ قولعا تۇسىرەدى. قازىر سول جەردەگى قوعام حاۋىپسىزدىگى ورگاندارى چياۋ XX پەن دۋ XX ەكەۋىن اكىمشىلىك جاقتان جازالاعان.

كەلۋ قاينارى: حالىق تورابى