پروكۋراتۋرا ورگاندارى ليۋ جىچياڭنىڭ پارا الۋ دەلوسىنا زاڭ بويىنشا الەۋمەتتىك ايىپتاۋ ءتۇسىردى

شينحۋا اگەنتتىگىنىڭ 2 – ايدىڭ 11 – كۇنى بەيجيڭنەن بەرگەن حابارى. ءتىلشىنىڭ 2 – ايدىڭ 11 – كۇنى ەڭ جوعارى حالىق پروكۋراتۋراسىنان ۇعىسۋىنشا، ءادىليا مينيسترلىگى پارتگرۋپپاسىنىڭ بۇرىنعى مۇشەسى، ورىنباسار مينيسترى ليۋ جىچياڭنىڭ پارا الۋ دەلوسىن مەملەكەتتىك باقىلاۋ - تەكسەرۋ كوميتەتى تەكسەرىپ اياقتاتقان، ەڭ جوعارى حالىق پروكۋراتۋراسىنىڭ كورسەتۋىمەن انحۇي ولكەسى ۋحۋ قالالىق حالىق پروكۋراتۋراسىنىڭ تەكسەرىپ ايىپتاۋىنا بەرگەن. تاياۋدا ۋحۋ قالالىق حالىق پروكۋراتۋراسى ۋحۋ قالالىق ورتا دارەجەلى حالىق سوت مەكەمەسىنە الەۋمەتتىك ايىپتاۋ ءتۇسىردى.

پروكۋراتۋرا ورگانى تەكسەرىپ ايىپتاۋ ساتىسىندا ايىپكەر ليۋ جىچياڭنىڭ ارىز - شاعىم ۇقىعىنان يگىلىكتەنەتىندىگىن زاڭ بويىنشا ۇقتىردى ءارى ايىپكەر ليۋ جىچياڭدى سۇراققا تارتىپ، اقتاۋشىنىڭ پىكىرىن تىڭدادى. پروكۋراتۋرا ورگانى بىلاي دەپ ايىپتادى: ايىپكەر ليۋ جىچياڭ قوعام حاۋىپسىزدىگى مينيسترلىگى حالىقارالىق سەلبەستىك مەكەمەسىنىڭ باستىعى، چيڭحاي ولكەسىنىڭ ورىنباسار باستىعى، ولكەلىك قوعام حاۋىپسىزدىگى مەڭگەرمەسىنىڭ باستىعى، ءادىليا مينيسترلىگى پارتگرۋپپاسىنىڭ مۇشەسى، ورىنباسار مينيسترى، مەملەكەتتىك ەسىرتكىگە تيىم سالۋ كوميتەتىنىڭ مۇشەسى قاتارلى قىزمەت قولايلىلىعىنان جانە قىزمەت ۇقىعىنان، ورنى قالىپتاستىرعان قولايلى شارت - جاعدايدان پايدالانىپ، باسقالارعا پايدا جەتكىزىپ، باسقالاردىڭ مال - مۇلكىن زاڭسىز قابىلداعان، سوماسى ەرەكشە كوپ، پارا الۋ قىلمىسى بويىنشا زاڭ بويىنشا قىلمىستىق ىستەر جاۋاپكەرشىلىگىن قۋزاستىرۋ كەرەك.

كەلۋ قاينارى: حالىق تورابى