جيىنى 4.13 توننا! گۋاڭشيدىڭ بەيحاي قالاسىندا جەمىس - جيدەك اتكەزشىلىگىنە قاتىستى ءبىر دەلو تەكسەرىلدى 

تاياۋدا گۋاڭشيدىڭ بەيحاي قالاسىنداعى تەڭىز ساقشىلارى مەكەمەسى قاراستىلىعىنداعى وڭىردەگى تەڭىز ايدىنىندا جەمىس - جيدەك اتكەزشىلىگىنە قاتىستى دەلونى تەكسەرىپ انىقتاپ، قوزعاۋشى قۋاتى زور موتورلى قايىق پەن 4.13 توننا جەمىس – جيدەكتى ناق مايداندا ۇستاپ قالعان، بۇل زاتتاردىڭ قۇنى شامامەن 100 مىڭ يۋان.

سول كۇنى تاڭعى ساعات بىردەن 28 مينۋت وتكەندە، بەيحاي ساقشى مەكەمەسى ينفورماتسيالىق ساقتىق دابىلىنا نەگىزدەلە وتىرىپ، تەڭىز ايدىنىنداعى كەمەلەردىڭ جاعدايىن جان - جاقتىلى بارلاپ، تۇجىرىمداپ، كۇماندى موتورلى قايىقتى بايقاعان، قايىقتىىڭ سۋ ىعىستىرىمدىلىق جاعدايىنا نەگىزدەلە وتىرىپ، اتكەزشىلىك ىستەگەن دەپ كۇماندانعان. زاڭ اتقارۋشىلاردىڭ كەمەسى دەرەۋ تەكسەرۋ - قۋعىنداۋ جۇرگىزىپ، بەيحاي قالاسىنىڭ وڭتۇستىگىندەگى كەمەجايلى تەڭىز ايدىنىندا نىساناداعى موتورلى قايىقتاعىلارعا شام جارىعىن ءتۇسىرۋ، ايعايلاپ ەسكەرتۋ بەرۋ ارقىلى قايىقتاعىلاردان قايىقتى توقتاتىپ، تەكسەرۋدى قابىلداۋدى تالاپ ەتكەن. كۇماندى موتورلى قايىقتاعىلار قايىقتى توقتاتۋدان باس تارتىپ، كەرىسىنشە قارقىنىن تەزدەتىپ قاشىپ كەتپەك بولعان. زاڭ اتقارۋشىلاردىڭ كەمەسى تەڭىز جولىن باسقارۋ – تەجەۋ شاراسىن دەرەۋ اتقارىپ، ەڭ سوڭىندا ولاردى ءساتتى تۇردە قولعا تۇسىرگەن.

زاڭ اتقارۋشىلار قايىققا شىعىپ تەكسەرۋ ارقىلى بۇل موتورلى قايىقتىڭ بولمەسىنە اق ءتۇستى كوپىرشىك ساندىقشاعا سالىنعان ءبىر توپ جەمىستىڭ تيەلگەنىن بايقاعان، سول جەردەن بۇل زاتتاردىڭ ەشقانداي زاڭدى كەلۋ قاينارى بايقالماعان، ونىڭ ۇستىنە بۇل زاتتاردى ەشكىم تانىپ الماعان. اداقتاۋ ارقىلى بۇل توپتاعى جەمىس - جيدەكتەر جيىنى 196 جاشىك، 4.13 توننا ەكەنى تۇراقتاندىرىلعان.

بۇل رەتكى ارەكەت گۋاڭشي تەڭىز ساقشىلارى مەكەمەسىنىڭ اتكەزشىلىككە سوققى بەرۋ جاعىنداعى ”نايزاعاي“ ارناۋلى ارەكەتىن ىشكەرىلەي ورىستەتۋىنىڭ تاعى ءبىر ناتيجەسى. تەڭىز ساقشىلارى مەكەمەسى قالىڭ بۇقاراعا مىنانى ەسكەرتەدى: اتكەزشىلىك ىستەۋ بازار ءتارتىبىن اۋىر دارەجەدە بىلىقتىرىپ، مەملەكەتتىڭ ەكونوميكالىق حاۋىپسىزدىگى مەن مەملەكەتتىڭ ازىق - تۇلىك حاۋىپسىزدىگىنە زالال جەتكىزەدى، زاڭعا قاساقانا قايشىلىق جاساۋعا استە بولمايدى. سونىمەن بىرگە، بارشا بۇقارانىڭ تەڭىزدەگى زاڭعا قايشى قىلمىستارعا قاتىستى دەرەكتەردى بەلسەندىلىكپەن اشكەرەلەپ، تەڭىزدەگى تاماشا ءتارتىپتى بىرگە قورعاۋىن قارسى الامىز. (باس ستانسيانىڭ ءتىلشىسى دىڭ جۇنياڭ بەيحاي توعىسپالى مەدياسى)

كەلۋ قاينارى: حالىق تورابى